Օգոստոսի 16-ին տեղի ունեցավ «Գինոսի հյուրանոցային կառավարման ծառայություններ» ընկերության երևանյան նոր գրասենյակի բացման միջոցառումը, որին հրավիրված էին մասնակցելու նաև staff.am-ից։
Գինոսի ընկերությունը աշխարհում առաջին միասնական հարթակն է, որը հյուրանոցներին տալիս է կառավարման ամբողջական համակարգ՝ ներառելով Գինոսիի ծրագրերն ու սարքավորումները։ Այսօր Գինոսին իր ծառայություններն է մատուցում եվրոպական և ամերիկյան մի շարք քաղաքներում։
Շուրջ ինը տարի գործելով շուկայում և հայտնի լինելով աշխարհին իր ծառայություններով, ի սկզբանե որպես տուրիստական օնլայն գործակալություն, այնուհետև հյուրանոցների և հյուրատների ցանցի կառավարման ընկերություն, այսօր արդեն իրագործում է իր գլխավոր նպատակը՝ մեկ խելացի համակարգի միջոցով օպտիմիզացնելով հյուրանոցների կառավարման ողջ գործընթացը։
Հայկական ժամանակակից արվեստի ցուցանմուշների ցուցադրությունը Գինոսիի նոր գրասենյակում, պանրի և գինու հյուրասիրությամբ ուղեկցված networking-ը հրավիրյալների և ներկաների հետ, կազմակերպված շրջագայությունն ամբողջ գրասենյակում միջոցառումը դարձրեցին էլ ավելի տպավորիչ և հագեցած։
Բոլոր հրավիրյալներն առիթ ունեցան նաև ծանոթանալու Գինոսիի պատմությանն ու հաջողություններին անմիջապես ընկերության հիմնադիր տնօրեն Արեգ Գինոսյանի կողմից։
Կարող ենք վստահորեն ասել, որ Գինոսիի նոր գրասենյակը Հայաստանի աշխատաշուկայում լավագույններից է իր հարմարություններով, ժամանցի ու հանգստի համար նախատեսված առանձին սենյակներով։ Գրասենյակում հոգ են տանում աշխատակիցների առողջության մասին նույնպես, մասնավորապես, տեղադրված են ջրի և օդի ֆիլտրացման այնպիսի համակարգեր, որոնք ապահովում են խմելու ջուր և մաքուր օդ աշխատանքային ողջ օրվա ընթացքում։
Դեռևս ավելի վաղ #StaffCoverages նախագծի շրջանակներում այցելել էինք Գինոսի ընկերություն ու խոսել կորպորատիվ մշակույթի, ռեքրութմենթի առանձնահատկությունների ու պրոդուկտի հաջողության մասին, շուտով առիթ կլինի staff.am նոր նախագծերով ավելի մանրամասն լուսաբանել Գինոսիի նոր գրասենյակն իր բոլոր հարմարություններով ու առանձնահատկություններով։
