Սինոփսիսը կազմակերպում է «GIRLS GO Engineering» մրցույթը տեխնոլոգիական ոլորտում կարիերա սկսել ցանկացող աղջիկներին ոգեշնչելու և խրախուսելու համար:


Արդեն երրորդ տարին է, ինչ Սինոփսիս ընկերությունը կազմակերպում է «GIRLS GO Engineering» մրցույթը՝ աղջիկներին դեպի ճարտարագիտություն ուղղորդելու, տեխնոլոգիական ոլորտում կարիերա սկսել ցանկացող աղջիկներին ոգեշնչելու և խրախուսելու համար:

Եթե երրորդ կամ բարձր կուրսի ուսանող ես, սովորում ես Երևանում կամ Գյումրիում՝

  • տեղեկատվական տեխնոլոգիաներ
  • համակարգչային գիտություն
  • համակարգչային ճարտարագիտություն (ավտոմատացում, ռոբոտաշինություն, էլեկտրոնիկա, մեխատրոնիկա)
  • հեռահաղորդակցություն

ուղղություններով, ունես բարձր առաջադիմություն, առաջնորդության հմտություններ, ինչպես նաև բավարար տիրապետում ես անգլերեն լեզվին, ապա շտապի՛ր դիմել «GIRLS GO Engineering» մրցույթին։

Մենք ունենք հատուկ մրցանակ՝ ԿՐԹԱԹՈՇԱԿ (2021-2022 ուս․ տարվա համար մինչև $1500 ուսման վարձի չափով):

Եթե համապատասխանում ես վերոնշյալ չափանիշներին, ապա լրացրու ստորև դիմում հայտի ձևը, և ուղարկիր քո միջին որակական գնահատականի (ՄՈԳ) տեղեկագիրը [email protected] հասցեին՝ վերնագրի դաշտում նշելով «Քաղաք, Անուն Ազգանուն» մինչև հուլիսի 31-ը ներառյալ։

Ընտրված թեկնածուները կհրավիրվեն վերջնական հարցազրույցի կազմակերպիչների հետ: Անկախ ընտրությունից՝ բոլոր մասնակիցները կտեղեկացվեն վերջնական արդյունքների մասին: