Hirebee հարթակը, որն ավտոմատացնում և համակարգում է ողջ ռեքրութմենթի գործընթացը, դարձել է HR ոլորտի շատ մասնագետների AI օգնականը։ Այս անգամ Hirebee -ի հետ ունեցած իր լավագույն փորձով մեզ հետ է կիսվում Ithire ընկերության Tech Recruiter Դիանան։
Ithire-ը ծրագրավորման ընկերություն է և ֆրիլանս հարթակ է տրամադրում իր հաճախորդներին՝ դարձնելով ֆրիլանս մասնագետների հետ աշխատանքն առավել հեշտ և արագ։ Եվ շատ հաճախ է լինում, որ հրապարակված աշխատանքի հայտարարությունների համար ստանում են հարյուրավոր CV-ներ, իսկ թիմի արագ աճի համար Hirebee-ի նման հարթակի խիստ անհրաժեշտություն կար ընկերությունում։
Ithire-ում մենք ունենք մոտ 100 աշխատակից և այդ թիվը գնալով մեծանում է, շատ արագ աճում ենք, ու Hirebee-ն օգնեց մեզ կենտրոնացնել տարբեր թեկնածուների մասին ողջ տեղեկատվությունը և կառավարել մեկ դեշբորդից։
Hirebee-ի շնորհիվ մենք արագացրել ենք ռեքրութմենթի ողջ գործընթացը։ Օգտվելով այնպիսի գործիքներից, ինչպիսիք են, օրինակ, մանրամասն HR վերլուծությունները, մենք ոչ միայն կարողանում ենք հավաքագրել ճիշտ մասնագետների, այլ նաև հասկանալ, թե հավաքագրման որ փուլերում օպտիմալացման ինչ անհրաժեշտություններ կան։
