Ինչպես կառուցել ընկերության կորպորատիվ մշակույթը
Ընկերության մշակույթը այն հիմնական սյուներից է, որով պայմանավորված է աշխատանքի արդյունավետությունը և բիզնեսի հաջողությունը։ Ցանկացած ընկերության համար անչափ կարևոր է զբաղվել կորպորատիվ մշակույթի ստեղծմամբ ընկերության հիմնադրման առաջին իսկ օրվանից։ Հաճախ ենք լսում հաջողակ ընկերությունների մասին պատմություններ, իսկ այդ հաջողության գրավականը ճիշտ արժեքների և հիմքերի վրա ստեղծված կորպորատիվ մշակույթն է, որտեղ մարդիկ իրար սիրում են, աջակցում են միմյանց, ամեն օր գնում են աշխատանքի, որովհետև սիրում են իրենց աշխատանքը։
Իհարկե, դյուրին չէ ամուր մշակույթ ունենալը․ այն պահանջում է ամենօրյա աշխատանք, ուշադրություն , զրույցներ աշխատակիցների հետ և, որ ամենակարևորն է, այնպիսի սոցիալական միջավայրի ստեղծում, որտեղ աշխատակիցը կզգա իրեն հարմարավետ, ինչպես տանը։
Պետք է միշտ հիշել, որ ցանկացած ընկերության մշակույթ յուրահատուկ է և բնորոշ է միայն իրեն, իր բիզնես նպատակին։
Մշակույթի ձևավորման գործում ահռելի դեր ունեն նաև աշխատակիցները, կարելի է ասել հենց նրանք են այն միջուկը, որի շուրջ կառուցվում է մշակույթ։ Ուստի պետք է ամեն օր հոգ տանել աշխատակիցների մասին, զրուցել նրանց հետ, պատմել ընկերության, նպատակի մասին, ցույց տալ, թե որտեղ են այժմ և ուր են գնում։ Բազմազանությունը մշակույթում ունի դրական ազդեցություն, այն տալիս է ամրություն, ուժ, որը մշակույթում բերում է նորարարության։
Ցանկացած հաջողակ ղեկավար պետք է ուշադրություն դարձնի, թե որտեղից է սնվում ընկերության մշակույթը, գտնի աղբյուրը և ամեն օր հոգ տանի ընկերության մշակույթի մասին, հակառակ դեպքում այն չի զարգանա։
Կորպորատիվ մշակույթի դերը շատ կարևոր է նաև տաղանդների ներգրավման հարցում։ Ընտրելով կորպորատիվ մշակույթին համապատասխան թեկնածուներ` հավաքագրման մասնագետն ապահովում է իր ընկերության գործունեության հաջողությունը։
Չնայած որ մշակույթի ձևավորումը բարդ և երկարատև գործընթաց է, այնուամենայնիվ, առկա են որոշակի քայլեր, որոնց հետևելով կկարողանաք ստեղծել ձեր ընկերությանը բնորոշ կորպորատիվ մշակույթ՝
Հավաքագրում իրականացրեք փաստերի և տվյալների հիման վրա,
Ընտրեք մշակույթին և հմտություններով համապատասխան թեկնածուների,
Օրինակ ծառայեք ձեր աշխատակիցների համար,
Գնահատեք և խրախուսեք ձեր աշխատակիցներին,
Տոնեք մշակութային հաջողությունները և խոսեք դրանց մասին,
Ստեղծեք մշակույթ իրական արժեքների վրա․ գումարով մշակույթ չեք գնի։
Չպետք է մոռանալ, որ հենց մշակույթով է պայմանավորված ընկերության առանձնահատկությունը, մշակույթն է գրավում լավագույն տաղանդներին ընկերություն, դարձնում նրանց մշակույթի մի մասը և ապահովում ընկերության հաջողության սկիզբը։
[divider style=”solid” top=”20″ bottom=”20″]
«Դարձի՛ր StaffBlog հեղինակ» նախագիծը կրում է շարունակական բնույթ և ենթադրում է, որ Դուք նույնպես կարող եք ունենալ Ձեր հեղինակային հրապարակումը StaffBlog-ում՝ խոսելով HR ոլորտին առնչվող կարևոր թեմաների մասին։ Նախագծին մասնակցելու համար սեղմեք «Մասնակցել» կոճակին և լրացրեք անհրաժեշտ ձևանմուշը, որից հետո մենք կապ կհաստատենք Ձեզ հետ։
[one_half]ԻՄԱՆԱԼ ԱՎԵԼԻՆ[/one_half][one_half_last]ՄԱՍՆԱԿՑԵԼ[/one_half_last]
[author title=”Հայկուհի Մնացականյան” image=”https://staff.am/blog/wp-content/uploads/2018/09/unnamed-Haykuhi-Mnatsakanayn.png”]ՄՌԿ մասնագետ[/author]
