Ինչպե՞ս ստեղծել ձեր անձի բրենդը աշխատաշուկայում | Ձեր մասնագիտական կերպարի ուժը

Այս հարցերի պատասխանները ունենալուց հետո ավելի լավ կհասկանաք ինքներդ ձեզ և ձեր նպատակները, որից հետո արդեն կարելի է աշխատել ռազմավարության վրա։

Շուկայի վերլուծություն

Ինչպես պրոդուկտի կամ կազմակերպության, այնպես էլ անձի բրենդի զարգացման ռազմավարության ժամանակ հարկավոր է կատարել շուկայի վերլուծություն՝ հասկանալու, թե որն է ձեր թիրախային լսարանը և լավագույն հարթակները լսարանի հետ հաղորդակցվելու համար, կամ բովանդակության որ տեսակն է ամենից լավ աշխատում տվյալ նպատակի համար։

Անձի բրենդավորման համատեքստում շուկայի վերլուծություն կատարելիս ուշադրություն դարձրեք հետևյալ հարցերին

Տարբեր թիրախային լսարաններ նախընտրում են բովանդակության տարբեր ֆորմատներ։ Օրինակ՝ երիտասարդ լսարանը հաճախ նախընտրում է կարճ, վիզուալ բովանդակությունը (լուսանկարներ, տեսանյութեր), մինչդեռ ավելի մեծ տարիքի լսարանը կարող է նախընտրել ավելի երկար, տեքստային ֆորմատը (հոդվածներ, բլոգային գրառումներ)։ Ճիշտ ֆորմատն ընտրելը թույլ է տալիս առավելագույնս ներգրավել թիրախային լսարանին։

Այժմ, երբ հստակ սահմանել եք ձեր անձի բրենդի նպատակները, արդեն ճանաչում եք ձեր թիրախային լսարանին, որոշել եք նաև վերջինիս հետ հաղորդակցվելու ձևաչափը, ճիշտ ժամանակն է ընտրելու այն հարթակները, որոնք օգնելու են ձեզ ռազմավարության իրականացման հարցում։

Առաջխաղացման հարթակներ

Առաջխաղացման հարթակը այն միջոցն է, որոով անհատը իր անձի բրենդն է կառուցում և զարգացնում, կիսվում իր փորձով և անընդհատ կապի մեջ լինում իր նեթվորքի հետ։

Տարբեր հարթակներ նախատեսված են տարբեր տիպի բովանդակության համար։ Օրինակ՝ YouTube-ը կենտրոնացած է տեսանյութերի վրա, մինչդեռ Twitter-ը՝ կարճ տեքստային հաղորդագրությունների վրա։ Անձի բրենդի բովանդակության ֆորմատը պետք է համապատասխանի ընտրված հարթակին։

Դիտարկենք ամենից հաճախ օգտագործվող հարթակներից մի քանիսի առանձնահատկությունները։

INSTAGRAM-Ի ԱՌԱՆՁՆԱՀԱՏԿՈՒԹՅՈՒՆՆԵՐԸ

Instagram-ը շատ մեծ տարածում ունի այն ինֆլյուենսերների և առհասարակ օգտատերերի շրջանում, որոնք հիմնականում կիսվում են ֆոտո և վիդեո ֆորմատի բովանդակությամբ` իրենց թիրախային լսարանին ներգրավելու, իրենց անձի բրենդը կառուցելու և առաջխաղացնելու համար։ Instagram-ն ունի խաղի իր կանոնները։ Այստեղ անչափ կարևոր է կոնտենտի ինչպես արտաքին տեսքy, այնպես էլ` հաճախականությունը։

Ելնելով հարթակի տեխնոլոգիական հնարավորություններից, պետք է հաշվի առնել, որ այստեղ դուք հնարավորություն ունեք ստեղծելու մի քանի տեսակի բովանդակություն` ֆոտո, վիդեո հիմնական պատի համար, և սթորիներ` ավելի կարճաժամկետ բովանդակություն ստեղծելու համար։

TWITTER-Ի ԱՌԱՆՁՆԱՀԱՏԿՈՒԹՅՈՒՆՆԵՐԸ

Twitter-ը լայնորեն կիրառվում է տարբեր մասնագիտությունների տեր մարդկանց կողմից, հատկապես՝ լրագրողների, քաղաքական գործիչների և բիզնես ոլորտի մասնագետների։ Twitter-ի առանձնահատկությունը կարճ տեքստերով, համեմատաբար ավելի հաճախակի հրապարակումներ կատարելու մեջ է, որոնք հիմնականում ուղկեկցվում են կայքերի հղումներով, ֆոտո կամ վիդեո նյութով և հեշթեգներով։

Twitter-ն ավելի համապատասխանում է այն մասնագետներին, որոնք շատ ակտիվ են օնլայն տիրույթում, միշտ տեղեկացված են ոլորտի նորություններից, հետևում են վերջին զարգացումներին և պատրաստ են դրանցով կիսվել` հայտնելով իրենց կարծիքն այդ մասին։

LINKEDIN-Ի ԱՌԱՆՁՆԱՀԱՏԿՈՒԹՅՈՒՆՆԵՐԸ

Linkedin-ը՝ որպես առաջատար հարթակ, իր մեջ համախմբում է համեմատաբար երկար տեքստերի, ֆոտո և վիդեո նյութերի, կայքերի հղումների, ինչպես նաև անձի բլոգ վարելու հնարավորությունները։

Linkedin-ը կարելի է օգտագործել ցանկացած մասնագիտական ոլորտում անձի բրենդի կառուցման համար, քանի որ վերջինիս օգտատերերն են և՛ կրտսեր, և՛ ավագ մասնագետները, ինչպես նաև ղեկավար պաշտոն զբաղեցնողները և սկսնակները, դիզայներներն ու բժիշկները։ Ընդ որում, այստեղ ավելի հեշտ է ձևավորել թիրախային լսարան` հաշվի առնելով հարթակի ալգորիթմները։

Linkedin-ն ավելի շատ ջանք է պահանջում ձեր թվային ներկայությունն ապահովելու համար:

YOUTUBE-Ի ԱՌԱՆՁՆԱՀԱՏԿՈՒԹՅՈՒՆՆԵՐԸ

Youtube-ը լավագույնն է, երբ խոսքը վերաբերում է վիդեո բովանդակությանը։ Շատ ընկերություններ լայնորեն կիրառում են Youtube-ի հնարավորությունները իրենց բրենդի առաջխաղացման համար, այն նաև լավ ընտրություն է անձի բրենդի զարգացման համար: Շատ մասնագետներ թողարկում են իրենց պոդքաստները Youtube-յան ալիք ստեղծելով կամ կիսվում են իրենց ոլորտի գաղտնիքներով, կրթական ծրագրեր են թողարկում, սովորեցնում են պատրաստել և այլն:

MEDIUM-Ի ԱՌԱՆՁՆԱՀԱՏԿՈՒԹՅՈՒՆՆԵՐԸ

Medium-ի նպատակը մասնագիտական ոլորտում անձի բլոգ վարելն է: Այն կիրառելի է տարբեր ոլորտի մասնագետների համար` հոգեբաններ, քոուչներ, կրթության ոլորտի մասնագետներ, ծրագրավորողներ և, առհասարակ, բոլոր նրանց համար, ովքեր ասելիք ունեն:

BEHANCE-Ի ԵՎ DRIBBLE-ի ԱՌԱՆՁՆԱՀԱՏԿՈՒԹՅՈՒՆՆԵՐԸ

Behance-ը, Dribble-ը և նման այլ թվային հարթակները, որոնք նախատեսված են դիզայնի, ճարտարապետության և առհասարակ վիզուալ կոնտենտի հետ, շատ կարևոր են դիզայնի ոլորտի ցանկացած մասնագետի համար: Նման մասնագետները ցանկալի է, որ ունենան իրենց էջը նման հարթակներում։ Ավելին, դրանք անհրաժեշտ են աշխատանքի դիմելիս, տարբեր այլ հարթակներում ձեր աշխատանքները կիսվելիս և այլն։

Ամփոփենք

Ինչպես համոզվեցինք, աշխատաշուկայում ցանկալի դիրք զբաղեցնելու համար շատ կարևոր է հզոր անձի բրենդ կամ այլ կերպ ասած՝ մասնագիտական կերպար ունենալը։ Բրենդը կառուցելուց առաջ նախ պետք է հասկանալ, թե ինչ նպատակ է այն հետապնդելու, որից հետո արդեն կարող ենք որոշել մեր թիրախային լսարանը, բովանդակության ձևաչափը և առաջխաղացման հարթակը։ 

Թեմային առավել մանրամասն ծանոթանալու համար խորհուրդ ենք տալիս դիտել Сareer Factory by staff.am-ի «4C» դասընթացի 8-րդ մոդուլի տեսադասերը։

Դե ինչ, դուք արդեն գիտեք, թե ինչպես ստեղծել և զարգացնել ձեր անձի բրենդը, մնում է գործել։