Ժամանակն է վերանայել աշխատանք փնտրելու ձևը. պետք չէ հուսալ, որ աշխատանքի ամենաշահավետ առաջարկը կընկնի երկնքից։ Ցանկանո՞ւմ եք ստանալ լավագույն աշխատանքը, ուրեմն պետք է, նախևառաջ, սովորեք գտնել այն: Կիսվում ենք ձեզ հետ լիարժեք ուղեցույցով 🙂
Գրանցվեք staff.am-ում
staff.am կարիերայի օնլայն հարթակը հասանելիություն է տալիս թոփ գործատուների կողմից առաջարկվող ամենապահանջված թափուր աշխատատեղերի ցանկին Հայաստանում և դրա սահմաններից դուրս։ Տեխնոլոգիաների դարում հարցին՝ որտե՞ղ փնտրել աշխատանք, պատասխանն, իհարկե, պարզ է՝ կարիերայի առաջատար հարթակում: staff.am-ի աշխատանքը հիմնված է արհեստական բանականության վրա, որն էլ իր հերթին դառնում է Ձեր գլխավոր օգնականն աշխատանք փնտրելիս։ Արհեստական բանականության գործիքը վերլուծում է Ձեր CV-ն, վերցնում տեղեկություն այն մասին, թե ինչ ընկերություններ և աշխատանքներ են Ձեզ հետաքրքրում և առաջարկում է հենց այն, ինչ Ձեզ հետաքրքրում է։ Ձեզ մնում է միայն ստանալ ծանուցումներ, դիտարկել առաջարկները և դիմել թափուր աշխատատեղերին։
Կառուցեք Ձեր օնլայն CV-ն
Հարթակում Դուք հնարավորություն կունենաք կառուցել օնլայն CV։ Անպայման լրացրեք օնլայն CV-ն, մի զլացեք թողնել հնարավորինս շատ օգտակար ինֆորմացիա՝ Ձեր ինքնակենսագրականը լրացնելիս։ Որտեղ եք սովորել, ինչ գիտելիքներ եք ձեռք բերել, ինչ հմտություններ ունեք, ինչպիսի աշխատանքային փորձ ունեք, ինչ պրոյեկտներ եք արել, զբաղվել եք կամավորությամբ, թե ոչ, և այլն։ Դա հարկավոր է ոչ միայն մարդկային ռեսուրսների կառավարման մասնագետին, ում համար ավելի դյուրին է դառնում հավաքագրման հաջորդ փուլում Ձեր թեկնածությունը դիտարկելը, այլև հենց արհեստական բանականության համար։
Որպեսզի արհեստական բանականությունն աշխատի Ձեր օգտին, հարկավոր է հնարավորինս շատ ինֆորմացիա։ Չէ՞ որ արհեստական բանականությունը ցանկանում է հասկանալ և վերլուծել Ձեր պահանջները, նախընտրությունները, ինչպես Ձեր լավագույն ընկերը 🙂 Այնպես որ հատկացրեք 10-15 րոպե, կառուցեք որակյալ CV և վայելեք պտուղները: Արհեստական բանականությունը կհեշտացնի Ձեր կյանքը, եթե միայն թույլ տաք։ Այն կառաջարկի Ձեզ համապատասխան աշխատանքներ, թրեյնինգներ՝ մասնագիտական և անձնական զարգացման համար, իսկ հարթակը կուղարկի ծանուցումեր՝ Ձեր ընտրած ընկերությունների վերաբերյալ։
Դիմեք թափուր աշխատատեղերին
Մի սպասեք, մինչև Ձեր երազանքի ընկերության ՄՌԿ մասնագետը կնկատի Ձեր CV-ն և կապ կհաստատի Ձեզ հետ։ Եղեք նախաձեռնող, քանի որ անհավանական կերպով զարգացող տեխնոլոգիաների և ինֆորմացիոն հոսքի դարաշրջանում հարկավոր է՝ ինքներդ Ձեզ ներկայացնեք որպես վառ և արտահայտիչ անհատականություն։
Միևնույն ժամանակ մի մոռացեք արհեստական բանականության և դրա առավելությունների մասին: Արհեստական բանականությունը կնկատի Ձեր ակտիվությունը կայքում և շնորհիվ դրա Ձեր՝ հավաքագրման մասնագետների կողմից նկատվելու շանսերն անհամեմատ կերպով կաճեն։ Հայտնվեք հորիզոնում, հիշեցրեք Ձեր մասին, ցույց տվեք, որ պատրաստ եք և նպատակաուղղված արդյունավետ աշխատելուն։ Չէ՞ որ Դուք կազմել եք աչքի ընկող CV, գտել եք աշխատանք և ցանկություն եք հայտնել աշխատելու։ Նշանակում է՝ Դուք արդեն մի քանի քայլ առաջ եք 🙂
