Աշխատակիցները, որոնք ավելի ճկուն են և ունեն գիտելիքների ու հմտությունների մեծ պաշար, ավելի արժեքավոր են լինում ընկերության համար անկախ այն հանգամանքից այդ ընկերությունը պահպանողական է, նորարար, թե ստարտափ։ Այս փաստը միանշանակ շատ հեշտ է կարդացվում, բայց իրագործելն է դժվար։
Իսկ ինչպե՞ս մոտիվացվել և շարունակել կրթությունը։ Նախ, փորձեք հասկանալ, արդյո՞ք Ձեր ընկերությունում կա այնպիսի մասնագիտական աստիճան, որը Ձեզ հետաքրքրում է և կցանկանայիք ձեռք բերել։ Եթե այո, ապա մտածեք այդ մասնագիտացմամբ համապատասխան թրեյնինգի մասին ու համոզված եղեք, որ այդ ճանապարհով գնալով Դուք հասնելու եք Ձեր նպատակների իրագործմանը։
Այսպես, StaffBlog-ն առանձնացրել է մի քանի օգտակար խորհուրդներ շարունակական կրթության նկատմամբ հետաքրքրությունը պահպանելու համար։
1 ՊԱՐԶԱՊԵՍ ՍԿՍԵՔ
Առաջ շարժվելու գաղտնիքը սկսելու մեջ է։ Հիշեք, թե առաջին անգամ ինչպես եք ցատկել լողավազանի մեջ լողալ սովորելու համար կամ ինչպես եք սկսել առաջին անգամ հեծանիվ վարել։ Առաջին քայլը միշտ սովորելու ամենադժվար մասն է։
2 ՍՈՎՈՐԵՔ ՔԱՋՈՒԹՅԱՄԲ ՀԵՏ ՑԱՏԿԵԼ ՁԱԽՈՂՈՒՄՆԵՐԻՑ ԵՎ ԱՐԳԵԼՔՆԵՐԻՑ
Ձեզ շրջապատող մարդիկ հաճախ կարող են Ձեզ ապամոտիվացնել, արգելքներ ստեղծել կարիերայի զարգացման ճանապարհին, դրանք անխուսափելի երևույթներ են։ Գաղտնիքն այն է, որ պետք է կենտրոնանաք այնպիսի մարդկանց և գաղափարների վրա, որոնք մոտիվացնում են։ Իսկ ձախողումներից քաղեք պետքական դասեր։
3 ՕԳՏԱԳՈՐԾԵՔ ՁԵՐ ՈՂՋ ՋԱՆՔԵՐԸ
Հաջողության տանող ճանապարհը հեշտ չի լինում։ Չկան ջանքեր, չեն լինի նաև արդյունքներ։ Իհարկե, պահ կլինի, որ Ձեզ անիմաստ կթվա ինչ-որ նոր բան սովորելը՝ մտածելով, որ այդ հմտությունը Ձեզ պետք չի գա ապագայում։ Բայց հիշեք, սովորելով մենք կարող ենք ներկա աշխատանքն ավելի լավ կատարել, քան նախկինում և նույնիսկ գերազանցել մեր ակնկալիքներն այդ աշխատանքից։
4 ԱԶԱՏ ԵՂԵՔ ՄՏԱԾԵԼԱԿԵՐՊՈՎ
Եղեք լավ ունկնդիր և ընդունեք փոփոխություններն ու նոր գաղափարները։
5 ԴՈՒՐՍ ԵԿԵՔ ՁԵՐ ՀԱՐՄԱՐԱՎԵՏՈՒԹՅԱՆ ԶՈՆԱՅԻՑ
Օրինակ, եթե մասնակցում եք “TechTalk”-ի, բայց Ձեզ համարում եք ոչ տեխնիկական մարդ ու լռությամբ եք հետևում talk-ի ընթացքին, ապա փորձեք մարտահրավեր նետել ինքներդ Ձեզ և Ձեր հասկացածի չափով ներգրավվել թեմայի քննարկման մեջ։ Վերջիվերջո, մի քանի Talk-երի մասնակցելուց հետո իսկապես կզգաք դրական փոփոխությունը և այլևս ոչ հարմարավետ միջավայրում Ձեզ չեք զգա։
Վստահ ենք, որ հետևելով այս խորհուրդներին՝ կսկսեք մտածել հմտությունների կատարելագործման մասին, իսկ staff.am trainings-ում Դուք կարող եք գտնել Ձեզ համապատասխան թրեյնինգը, որտեղ մանրամասն ներկայացված են ինչպես Հայաստանում գործող լավագույն ընկերությունների կողմից անցկացվող թրեյնինգները, այնպես էլ Coursera, Udemy, edX օնլայն հարթակների վճարովի և անվճար թրեյնինգները։
