Ուրախ ենք Ձեզ ներկայացնել «Դարձի՛ր StaffBlog հեղինակ» մեր նոր նախագծի հինգերորդ թողարկումը: Նախագծի նպատակն է քննարկումներ ծավալել HR ոլորտում առկա կարևոր թեմաների շուրջ։
Ինչպես բանակցել աշխատավարձի շուրջ
Հավաքագրման գործընթացում կա մի պահ, որը կասկած և անհարմարություն է առաջացնում և՛ թեկնածուի, և՛ ռեկրուտերի մոտ. այն աշխատավարձի բանակցային գործընթացն է: Անկախ նրանից, այն քննարկվում է վաղ փուլում, թե հարցազրույցից հետո, դրա կարևորությունն ամենևին չի փոփոխվում։ Աշխատավարձի վերաբերյալ բանակցությունները շատ կարևոր են, այն կարող է սահուն կերպով անցնել, սակայն կարող է տեղի ունենալ հակառակը։
Թեկնածուի հետ աշխատավարձի մասին երկխոսությունը նման է պարի և շատ կարևոր է, թե որքանով է ռեկրուտերը պարի ընթացքում «գրկում» և «առաջնորդում» թեկնածուին՝ առանց թեկնածուի ոտնաթաթերին կանգնելու։
Ահա աշխատավարձի բանակցության 3 հիմնական խորհուրդ՝
Շեշտադրել կորցնելու հավանականությունը
Աշխատավարձը միակ գործոնը չէ, որը թեկնածուն հաշվի է առնում, սակայն առաջնահերթությունը տրվում է հենց վերջինիս։ LinkedIn-ի հետազոտության համաձայն՝ կազմված 345 000 մասնագետներից, թեկնածուի համար փոխհատուցումը համար 1 կրիտերիան է աշխատանք փնտրելիս։
Եվ ուրեմն, եթե ձեր բյուջեն չի համապատասխանում թեկնածուի սպասելիքներին, ապա րոպեների ընթացքում ամեն բան կարող է ձախողվել։ Որոշ ռեկրուտերներ խոսակցությունը տանում են ուրիշ հարթակ՝ բենեֆիթներ, կորպորատիվ մշակույթ, մասնագիտական աճ և այլն: Սակայն, Brendan Browne-ը առաջարկում է այս ամենի փոխարեն օգտագործել հետևյալ նախադասությունը, եթե թեկնածուն հարցազրույցի ժամանակ նշում է, որ այդ հնարավորությունը ամբողջ կյանքի համար է․
Դուք նշեցիք որ այս հնարավորությունը ամբողջ կյանքի համար է, համոզվա՞ծ եք, որ ուզում եք հեռանալ X գումարի պատճառով։
Նա ոչ միայն փոխում է սցենարը, այլ օգտագործում է շատ ուժեղ մոտիվատոր՝ կորցնելու վախը կամ «կորստի հանդեպ հակակրանք»-ը, որը մեծ տարածում ունի տնտեսագիտության մեջ։ Ավելի լավ է չկորցնել 5000 դրամը, քան գտնել այն։ Այս տեսությունը առաջ է բերել Դանիել Կանեհմանը, ով այս հետազոտության համար արժանացել է Նոբելյան մրցանակի։
Մի խոսքով, ողջ գաղափարը կայանում է հետևյալում․ երբ մենք որոշում ենք կայացնում, «կորուստներն ավելի մեծ են, քան ձեռքբերումները»։ Կորստի ցավը երկու անգամ ավելի հզոր է, քան հաղթանակի հաճույքը: Բրենդանը հարցն անուղղակիորեն քննարկում է կորստի տեսանկյունից՝ ցույց տալով իբրև թե, թեկնածուն արդեն իսկ ունի աշխատանք, և նրանք պատրաստ են վերանայել իրենց որոշումը՝ փոքր դրամական «զոհ» մատուցելով, որպեսզի խուսափեն կորստի ցավից։
Երբ կասկածում եք, դադար վերցրեք
Գումարի մասին խոսելը շատ հաճախ անհարմար դրություն է ստեղծում, սակայն խելացի և իր գործի վարպետ ռեկրուտերը կարող է օգտագործել այդ պահը հօգուտ իրեն։ Անհարմարությունից խուսափելու փոխարեն հարկավոր է մեկ պարային շարժում կատարել՝ ընդառաջ գնալով։ Կիրառել լռությունը և դադարները՝ ճիշտ պատասխաններ ստանալու համար։
Պետք է հիշել, որ բանակցությունները խաղարկային բնույթ են կրում․
Ռեկրուտեր – Այսպիսով, ո՞րն է աշխատավարձի ձեր ակնկալիքները։
Թեկնածու – Իրականում, ինձ հետաքրքրում է ձեր առաջարկը։
Ռեկրուտեր – ․․․
Թեկնածու – ․․․ բայց կարծում եմ, որ սանդղակը կարող է տատանվել X – Z միջև՝ փորձառությանս և հմտություններիս հիման վրա:
Ռեկրուտեր – ․․․
Թեկնածու – ․․․
Ռեկրուտեր – ․․․
Թեկնածու – ․․․ բայց կարող եմ փոխզիջման գնալ և սկսել ավելի քչից, եթե այլ բենեֆիթներ լինեն։
Ռեկրուտեր – Շատ լավ․․․
Մենք մսից և արյունից ենք և քչերը կգտնվեն, ովքեր կտանեն լռությունը։ Գիտակցելով այս ամենը, դուք կարող եք կիրառել այս մեթոդը և թեկնածուին տալ իր «երազանքի աշխատանքը»։
[divider style=”dashed” top=”20″ bottom=”20″]
Հենց սկզբից պարզել․․․
Ոչինչ ավելի վատ չի կարող լինել, քան անվերադարձ ժամեր ծախսել թեկնածուի հետ հարցազրույցին և միայն հետո պարզել, որ ձեր աշխատավարձի ակնկալիքները համահունչ չեն: Ահա թե ինչու շատ կարևոր է այս թեմային անդրադառնալ վաղ փուլերում՝ ստեղծելով վստահության և անկեղծության մթնոլորտ:
Համոզվեք, որ դուք նույն երաժշտության ներքո եք «պարում», մինչև պարի ավարտը։ Այդպիսով, դուք կարող եք փրկել ինքներդ ձեզ և թեկնածուին՝ ազատելով նրան սեղմված ոտնաթաթի ցավից։
Աշխատավարձի բանակցությունները կարող են գլխապտույտ առաջացնել պարի ընթացքում, սակայն հաշվի առնելով այս 3 մարտավարությունը, դուք կկարողանաք արժանապատվորեն ավարտել ձեր պարային գործընթացը։
Նյութի հիմքը՝ Talent on Tap յուրաքանչյուր շաբաթ հեռարձակվող հաղորդումն է, որտեղ Pat Wadors-ը և Brendan Browne-ը քննարկում են տարատեսակ հետաքրքիր թեմաներ՝ ամենաարդի մարտահրավերները, Տաղանդների աշխարհում առավել գայթակղիչ հնարավորությունները և այլն։ Այս անգամ Brendan Browne-ը կիսվեց խորհուրդներով, թե ինչպես հաղթահարել աշխատավարձի բանակցությունների բլոկը։
Տվյալ նյութերի շարքն իրականացվում է Անի Մերուժանի Մարգարյանի հետ՝ ծառայելով Հայաստանում ՄՌԿ ոլորտի ամրացմանը։ Այս նպատակին ուղղված` որոշել ենք նախևառաջ հնարավորինս շատ նյութեր հասանելի դարձնել հայերեն տարբերակով։
«Դարձի՛ր StaffBlog հեղինակ» նախագիծը կրում է շարունակական բնույթ և ենթադրում է, որ Դուք նույնպես կարող եք ունենալ Ձեր հեղինակային հրապարակումը StaffBlog-ում՝ խոսելով HR ոլորտին առնչվող կարևոր թեմաների մասին։ Նախագծին մասնակցելու համար սեղմեք «Մասնակցել» կոճակին և լրացրեք անհրաժեշտ ձևանմուշը, որից հետո մենք կապ կհաստատենք Ձեզ հետ։
