Ուղեկցող նամակ․ ինչքան էլ որ ուղեկցող նամակ գրելը բավականին երկար ժամանակ է պահանջում, այդ միակ ձևն է, որ թույլ է տալիս ընդգծել Ձեր կարևոր որակավորումներն ու հմտությունները, որոնք ներառված չեն CV-ում։ Այլ կերպ ասած, ուղեկցող նամակը կարող է կամ Ձեզ դարձնել արժանի թեկնածու այդ աշխատատեղի համար կամ պարզապես ներկայացնել որպես ստեղծագործական հմտություններից զուրկ կրկնօրինակողի։

Ակնհայտ է, որ աշխատաշուկայում մրցակցությունը շատ մեծ է, գործատուները հարցազրույցի են կանչում միայն այն անհատներին, ովքեր ցույց են տալիս իրենց պրոֆեսիոնալ մոտեցումը տվյալ աշխատատեղի նկատմամբ։ Ցավոք, շատ ու շատ պոտենցիալ թեկնածուներ դուրս են մնում մրցակցությունից, քանի որ նրանք ուղղակի ճիշտ չեն հասկանում գործատուների պահանջներն ու արդյունքում ճիշտ չեն ներկայացնում իրենց հմտությունները։

Որպեսզի նկատվեք գործատուների կողմից, առաջին նախապայմանը ճիշտ և հզոր ուղեկցող նամակ գրելն է։ Հետևեք  ուղեկցող նամակ գրելու StaffBlog-ի ոսկե կանոններին, որոնք կօգնեն Ձեր ուղեկցող նամակը դարձնել հաջողակ։

1 Ներառեք դիմելաձև․ Շատ հաճախ Դուք չգիտեք, թե ում է հասցեագրված Ձեր դիմումը, այդ իսկ պատճառով ընդունելի դիմելաձևերի մի քանի տարբերակներ գոյություն ունեն՝

signing-the-contract Եթե գիտեք HR մենեջերի անունը, ապա Ձեր դիմելաձևը պետք է լինի․ <<Հարգելի [անունը]>>։
signing-the-contract Եթե չգիտեք որևէ տվյալներ գործատու ընկերության մասին, ապա պարզապես կարելի է դիմել առավել ընդհանրական՝ <<Հարգելի Գործատու>>, <<Հարգելի [ընկերության անունը] HR թիմ>>։

1
2 Համառոտ ներկայացրեք Ձեր փորձառությունը. Ուղեկցող նամակ գրելու ամենահեշտ և առաջնային տարբերակը դա նամակի մեջ բացատրելն է, թե ինչու եք Դուք իդեալական այդ աշխատանքի համար։ Շատ կարևոր է նամակում նշել այնպիսի մի պատճառ, որպեսզի պոտենցիալ գործատուները Ձեզ հարցազրույցին մասնակցելու հնարավորություն ընձեռեն։ Ուղեկցող նամակ գրելու մասնագետները հակված են այն մտքին, որ այն պետք է  բաժանված լինի երեք մասի։ Երբ Դուք Ձեր նամակը բաժանում եք կետերի,  Ձեր ուղեկցող նամակին տալիս եք տրամաբանական և հեշտ կարդացվող կառուցվածք։ Ինպես նաև այն ցույց է տալիս, որ Դուք արդեն հասել եք այն դիրքին, որի համար դիմում եք։

2
3 Աննկատ նպաստեք Ձեր առաջխաղացմանը. Աշխատեք Ձեր ուղեկցող նամակում օգտագործել պատմություններ և օրինակներ։ Վերջիններիս միջոցով ցույց տվեք Ձեր անձնական փորձն ու հմտությունները։ Մի՛ վախեցեք պատմել Ձեր այն փորձերի մասին, որոնք Ձեր կարծիքով տեղին չէ հիշել։ Ուղեկցող նամակը հիանալի հնարավորություն է բացատրելու, թե ինչպես Ձեր նախկին աշխատանքը կարող է օգնել Ձեր ապագա գործում։ Մասնագետները կարծում են, որ շատ փոքր չափի ինքնագովասանքը նորմալ է։ Այն ցույց է տալիս Ձեր ինքնավստահությունը և գործին պատրաստակամ լինելը։

3
4 Եղե՛ք կայուն աշխատակից. Աշխատանք փնտրողը գործատուի մոտ պետք է ցույց տա իր կայուն աշխատակից լինելը։ Գործատուն գնահատում է այն մարդուն, ով պատրաստակամ է մնալ և աշխատել տվյալ կազմակերպությունում երկարատև ժամանակահատվածով։ Եթե Դուք կայուն աշխատակից չեք, ապա գործատուն բնականաբար կխուսափի հավելյալ ռեսուրսներ ծախսել Ձեր աշխատանքի ընդունման և ներգրավման համար։ Նոր աշխատակցի ձեռքբերումը կազմակերպությանը կարող է արժենալ լրացուցիչ գումարներ, հետևաբար ցույց տվեք Ձեր կայունությունը։

4
5 Աշխատանք փնտրեք Ձեր բնակավայրին մոտ. Եթե Դուք աշխատանքի եք դիմում Ձեր բնակավայրից հեռու, հարկ է ուղեկցող նամակում բացատրել հիմնական դրդապատճառները, կամ օրինակ Ձեր բնակավայրը փոխելու մտադրություն ունեք։ Միշտ մտածեք ինչ-որ հավանական պատճառաբանություն, որը կբացատրի, թե ինչու աշխատանք չեք փնտրում Ձեզ ավելի հարմար վայրում։

6 Եղեք պրոֆեսիոնալ․ Երբ գրում եք Ձեր ուղեկցող նամակը, միշտ ներկայացրեք ինքներդ Ձեզ որպես հմուտ մասնագետի համապատասխան աստիճանի համար։ Գործատուները փնտրում են այնպիսի աշխատակցի, որ ինքնավստահ է, գիտի իր գործը և կարող է լավ ազդեցություն ունենալ կազմակերպության վրա։ Այն մարդիկ, ովքեր էմոցիոնալ անկայուն են և այդքան էլ հմուտ չեն իրենց գործում, մեծ ռիսկ են ներկայացնում կազմակերպության համար։

Երբեք մի բողոքեք Ձեր ներկայիս կյանքից, պատմությունից կամ առավել ևս Ձեր նախկին աշխատանքից։ Որոշ մարդիկ կարծում են, որ այսպիսի անկեղծությունը նրան առավելություն կտա մրցակիցների հանդեպ, սակայն այդպիսի քայլը ոչ պրոֆեսիոնալ է։ Հավատացեք, գործատուներին այդպիսի բաները չեն հետաքրքրում։

5
7 Նամակը եզրափակող խոսքեր․ Ավարտեք Ձեր նամակը շնորհակալություն հայտնող և հարգանք մատնանշող արտահայտություններով։

Հետևելով վերը նշված խորհուրդներին` հավատացած եղեք, որ կմասնակցեք ավելի շատ հարցազրույցների, քան նախկինում։ Ամբողջ միտքը ինքներդ Ձեզ ճիշտ մատուցելու մեջ է։ Չէ՞ որ աշխատանքի դիմելիս Ձեր նպատակը հենց աշխատանքի անցնելն է, այդպես չէ՞։