[divider style=”dashed” top=”20″ bottom=”20″]
Դե ինչ, սկսենք․
«Աշխատանքային առաջին շաբաթ․ Ինչպես լավ տպավորություն թողնել նոր աշխատավայրում»
Նոր աշխատավայրում ամենադժվար ժամանակահատվածը, իհարկե, աշխատանքային առաջին օրերն են։ Հաճախ, անցնելով նոր աշխատանքի, մեզ մոտ ծագում են բազում հարցեր՝ ինչպես ինքնադրսևորվել, ներկայանալ լավագույնս, ցույց տալ մեր որակները՝ թե որպես մասնագետ, թե որպես անհատ, ինտեգրվել թիմի մշակույթին՝ դրան զուգահեռ մնալով ինքնատիպ և յուրօրինակ, առանձնանալով սեփական գաղափարներով ու մտքերով։ Այս ամենը համատեղելը կարող է իսկական խառնաշփոթ առաջացնել՝ հատկապես սկսնակ մասնագետների համար, ովքեր առաջին քայլերն են կատարում կարիերայում։
Այսպիսով, «Դարձիր StaffBlog հեղինակ» նախագծի շրջանակներում առանձնացրել և ձեզ եմ ներկայացնում խորհուրդներ, որոնք աշխատանքային առաջին շաբաթներն ու աշխատանքային առօրյան կդարձնեն էլ ավելի հետաքրքիր՝ զերծ պահելով ավելորդ սթրեսից։ Սեփական փորձով կարող եմ ասել, որ հետևելով այս խորհուրդներին կկարողանաք առողջ ու դրական մթնոլորտ ստեղծել Ձեր նոր աշխատավայրում։
Եղեք ճշտապահ
Ձեր մասին կարծիք կազմելու հիմքը Ձեր թողած առաջին տպավորությունն է։ Գաղտնիք չէ, որ առաջին տպավորությունը մեծ ազդեցություն ունի հետագա շփման որակի վրա։ Այս ֆենոմենը թույլ է տալիս արագ և ընդհանրական տպավորություն ստանալ մարդու մասին: Այնպես որ աշխատանքի ներկայացեք ճիշտ ժամանակին, եղեք կոկիկ և խնամված՝ դարձնելով դա սովորություն։
[divider style=”dotted” top=”20″ bottom=”20″]Ցուցաբերեք ադապտիվ վարք յուրաքանչյուր իրավիճակում
Եթե բուն խնդրից հանեք էմոցիաները, կմնա միայն իրավիճակ։ Աշխատանքային պրոցեսում կարող եք առնչվել բազում անկանխատեսելի իրավիճակների հետ։ Սովորեք երբեք չկորցնել ինքնատիրապետումը և իրադրությունը դիտարկել տարբեր տեսանկյուններից։ Սա ևս սոֆթ հմտություն է, որը Ձեզ պետք կգա ոչ միայն աշխատանքային առաջին շաբաթվա, այլև ողջ կարիերայի ընթացքում։
[divider style=”dotted” top=”20″ bottom=”20″]Տարանջատեք անձնականը գործնականից
Պրոֆեսիոնալիզմ ցուցաբերեք։ Մի թողեք անձնական խնդիրներին գցել Ձեր արդյունավետությունն ու դանդաղեցնել աշխատանքային ռիթմը։ Սրանով, անկասկած, կտպավորեք Ձեզ հետ գործնական շփում ունեցողներին։
[divider style=”dotted” top=”20″ bottom=”20″]Բաց եղեք նոր ինֆորմացիայի համար
Զարգանալու համար, անշուշտ, անհրաժեշտ է չբավարարվել ունեցած գիտելիքներով, պատրաստ լինել նոր տեղեկություն ընդունելու և ունեցածով կիսվելու։
[divider style=”dotted” top=”20″ bottom=”20″]Մտածեք և գործեք օպտիմալ եղանակներով
Օպտիմալ կերպով գործելու ամենակարևոր նախապայմանը ժամանակը կառավարելու հմտությունն է, որի շնորհիվ Դուք հնարավորություն կունենաք աշխատանքային պրոցեսից վերցնել առավելագույնը։ Համոզված եղեք, որ դա կնկատվի, կգնահատվի ու ինչու ոչ, կընդօրինակվի գործընկերների կողմից։
[divider style=”dotted” top=”20″ bottom=”20″]Եղեք դրական
Աշխատանքային պրոցեսում ի հայտ են գալիս բազում խնդիրներ ու դժվարություններ․ եղեք դրական ՝ դրանք էլ ավելի չբարդացնելու և լուծումներ գտնելու համար։ Հավատացած եղեք, որ Դուք կարող եք փոխել աշխատանքային մթնոլորտն ու դրական լիցքեր փոխանցել թիմակիցներին։
[divider style=”dotted” top=”20″ bottom=”20″]Մի վախեցեք հարցնել
Նոր միջավայրում շատ կարևոր է հարցուպատասխանի փուլը։ Ճիշտ ձևակերպված հարցերը Ձեզ կօգնեն ստանալ ինֆորմացիայով հարուստ և աշխատանքում կիրառելի պատասխաններ։
[divider style=”dotted” top=”20″ bottom=”20″]Պահեք կապը կոլեգաների և ղեկավարների հետ՝ սոցիալական ցանցերի միջոցով
Սկզբնական շրջանում սա ևս արդյունավետ միջոց է՝ նոր շրջապատն առավել լավ ուսումնասիրելու և գործընկերներին աշխատանքային առօրյայից դուրս ճանաչելու համար։
[divider style=”dotted” top=”20″ bottom=”20″]Խուսափեք կողմնակալ վերաբերմունք ցուցաբերելուց
Այն տեղում, որտեղ աշխատում են տարբեր խառնվածքների ու բնավորությունների տեր մարդիկ, որտեղ մի հարցի շուրջ կարող են հնչել իրար հակասող կարծիքներ, անհնար է թվում բոլորին օբյեկտիվ վերաբերմունք ցուցաբերելը։ Բայց ամենևին էլ անհնար չէ լարված մթնոլորտից խուսափելու համար անկողմնակալ լինել բոլորի նկատմամբ։
[divider style=”dotted” top=”20″ bottom=”20″]Մի ծանրաբեռնեք Ձեզ աշխատանքով
Հիշեք, որ լավ հանգիստը նոր ու արդյունավետ շաբաթվա գրավականն է։ Հանգստյան օրերին քիչ մտածեք աշխատանքի մասին, ավելին՝ զբաղվեք ինքնակրթությամբ։ Դա Ձեզ հնարավորություն կտա շաբաթը սկսել ստեղծարար մտքերով ու եռանդով լի։
[divider style=”solid” top=”20″ bottom=”20″]«Դարձի՛ր StaffBlog հեղինակ» նախագիծը կրում է շարունակական բնույթ և ենթադրում է, որ Դուք նույնպես կարող եք ունենալ Ձեր հեղինակային հրապարակումը StaffBlog-ում՝ խոսելով HR ոլորտին առնչվող կարևոր թեմաների մասին։ Նախագծին մասնակցելու համար սեղմեք «Մասնակցել» կոճակին և լրացրեք անհրաժեշտ ձևանմուշը, որից հետո մենք կապ կհաստատենք Ձեզ հետ։
[one_half]ԻՄԱՆԱԼ ԱՎԵԼԻՆ[/one_half][one_half_last]ՄԱՍՆԱԿՑԵԼ[/one_half_last]
[author title=”Հեղինակ՝ Սյուզանա Ղազարյան” image=”https://staff.am/blog/wp-content/uploads/2018/07/Syuzi_blog_author.jpg”]staff.am [/author]
