“HRmeetUp”. հանդիպենք աշխատանքային վերելքի համար

233

հոկտեմբերի 15, ժամը 18։30-ին, Opera Suite հյուրանոցի Մոցարտ սրահում տեղի կունենա GITC-ի երևանյան հասցեի առաջին մեծ միջոցառումը, որի ինֆորմացիոն աջակիցն է staff.am-ը:

Հանդիպմանը կարող են մասնակցել տեխնոոլորտում աշխատանք փնտրող երիտասարդները և կկարողանան ծանոթանալ գործատուի համար գրավիչ լինելու գաղտնիքներին: Միջոցառման բացման պատվավոր խոսնակն է Աշխատանքի և սոցիալական հարցերի նախարար Նարեկ Մկրտչյանը։

Միջոցառման ընթացքում կստորագրվի նաև գործակցության հուշագիր GITC Yerevan-ի և Աշխատանքի և սոցիալական հարցերի նախարարության միջև՝ արցախյան պատերազմներին զոհվածների ու նրանց ընտանիքներին աշխատանքի աջակցմանն ուղղված համատեղ ծրագրերի մեկնարկի համար: 

HRmeetUp-ին նախատեսված է 2 պանելային քննարկում հետևյալ թեմաներով. 

  • Աշխատանքի ընդունման մարտահրավերները ի՞նչ են փնտրում գործատուները
  • Ցանկալի աշխատանք գտնելու ուղին քայլերի հաջորդականությունը:

Միջոցառման խոսնակները կլինեն հետևյալ ընկերությունները.

  • Մասնագիտական կողմնորոշման և կարողությունների զարգացման մեթոդական կենտրոնը
  • Renderforest
  • Onex
  • VOLO
  • Data Art
  • SmartClick 

HRmeetUP-ի մասնակիցներին իրենց մասնագիտական խորհրդատվությունը կտան նաև մասնակից այլ ընկերությունների ներկայացուցիչներ:

«Միջոցառումը շատ կարևոր է, քանի որ մեր ուսումնասիրությունները ցույց են տվել, որ բուհերը նոր ավարտած երիտասարդները, հիմնականում տարբեր տեխնոընկերություններում ոչ միայն լրացուցիչ սովորում են ծրագրավորում, այլև սխալ պատկերացում ունեն աշխատանքի ընդունվելու գործընթացի մասին: Եվ օրինակ՝ լսելով, որ կա 2000 թափուր աշխատատեղ, սովորաբար աշխատանք փնտրողի անկալիքները չեն համապատասխանում գործատուի պահանջներին: Հետևաբար մենք հրավիրել ենք տեխնոլոգիական ոլորտի մարդկային ռեսուրների կառավարիչներին, որոնք հարցազրույցներ են վարում աշխատանքի ընդունվողների հետ, որպեսզի նրանք անձամբ ներկայացնեն տեխնոլոգիական ոլորտում աշխատանք գտնելու բոլորը փուլերը: Շատ ենք կարևորում նաև այն փաստը, որ միջոցառման ընթացքում Աշխատանքի և սոցիալական հարցերի նախարարության հետ հուշագիր ենք ստորագրելու, որպեսզի մեր զինվորներին, զոհված զինվորների ընտանիքների անդամների հետ կապենք գործատուների հետ, այսպիսով՝ մեր շահառուների ու գործատուների կապը կդարձնենք անմիջական և ավելի հեշտ»,-միջոցառման մասին նշել է GITC գործադիր տնօրեն Ամալյա Եղոյանը: