Որևէ բիզնես իմունիտետ չունի այս առողջապահական ճգնաժամի հետևանքով առաջացած զանգվածային փոփոխությունների նկատմամբ։ Կազմակերպությունները, իհարկե, ցույց տվեցին, որ ճկուն (agile) են, և աշխատակիցներն էլ իրենց հերթին հարմարվողականություն դրսևորեցին աշխատելու տարբեր աշխատանքային միջավայրներից։ Եթե վիճակագրություններ ներկայացնենք, ապա վերջին մի քանի շաբաթների ընթացքում, բիզնեսների 92%-ը փորձել են աշխատանքը կազմակերպել հեռավար տարբերակով, ըստ TriNet կազմակերպության կողմից իրականացված հարցման։ Իսկ այժմ ընկերությունները փորձում են վերադառնալ իրենց ֆիզիկական աշխատավայրը՝ գրասենյակները, ու բախվում են բարդ մարտահրավերների։ Փոքր և միջին բիզնեսի մոտ 70%-ի սեփականատերերը, որոնք մասնակցել են այս հարցմանը, նշել են, որ HR ոլորտում իրականացրել են փոփոխություններ կամ պատրաստվում են իրականացնել, ինչպես օրինակ ընդլայնել աշխատակիցներին տրամադրվող առողջապահական ծրագրերը և այլն։ Այս առումով բիզնեսի սեփականատերերը կարիք ունեն լավ մշակված HR ռազմավարության, որը կօգնի կառավարել այս անցումային շրջանը։ Այս թեմայով բավականին օգտակար կլինի մասնակցությունը «Կազմակերպական փոփոխության պլանավորում․ HR ռազմավարություններ, որոնք կօգնեն ձեր բիզնեսին առաջնորդվել նոր «նորմ» դարձած իրավիճակում» TriNet-ի (HR ոլորտում աութսորս ծառայություններ, ռիսկերի կառավարման լուծումներ տրամադրող միջազգային ընկերություն) և Entrepreneur հարթակի կողմից կազմակերպվող անվճար վեբինարին։ HR փորձագետները վեբինարի ընթացքում ձեզ հետ կկիսվեն, թե ազդեցության ինչ պատկեր կարող է ունենալ COVID-19-ը փոքր և միջին բիզնեսի համար և ինչպես կազմակերպել աշխատակիցների անցումը ավանդական աշխատանքային միջավայրից դեպի նորն ու ավելի ճկունը։

Դուք նաև կկարողանաք լսել՝

  • քննարկումներ 4 ֆունկցիոնալ և գործառնական P-երի մասին,
  • աշխատակիցներին տրամադրվող բենեֆիթների և արտոնությունների փաթեթների փոփոխությունների մասին,
  • Համապատասխան HR համակարգեր և գործիքներ ներդնելու մասին,
  • Փոլիսիների փոփոխությունների, պրոդուկտիվության ուղեցույցների և այլ HR պլանավորումների մասին։