Այս տարի երկար մտածեցինք, թե ինչպես նշենք staff.am-ի 2-րդ տարեդարձը, եվ ահա բազմաթիվ խենթ ու հավես մտքերից ընտրեցինք HR հերոսներ ունենալու գաղափարը։ Այս կերպ նաև մեր HR գործընկերներին դարձնելով մեր տոնի մի մասը։
Ներկայացնում ենք մեր HR հերոսներին, որոնց ստեղծել ենք 3 Dzuk-ի հետ միասին։ Յուրաքանչյուրն ունի իր ուրույն պատմությունը, յուրաքանչյուրի հետ մենք կառուցել ենք առանձնահատուկ աշխատանքային մոտեցում և հարաբերություններ։ Այսպիսով, staff.am-ի 2-ամյակը մենք նվիրում ենք մեր HR գործընկերներին։
🙂 Իսկ այժմ ամենահետաքրքիր մասը։
✅ Գտնում եք ձեզ ծանոթ HR մասնագետին, tag եք անում, սպասում եք նրանից արձագանքի (ցանկացած), արձագանք ստանալու դեպքում մենք ձեզ ենք ուղարկում HR հերոսներով sticker-ների մեր նոր հավաքածուն։
✅ Ստեղծում ենք մեր նոր հերոսին, մեկնաբանություններում նկարագրում ենք նրան, և staff.am-ի կողմից ընտրված լավագույն պատմության հեղինակը ստանում է #հավես նվեր մեր կողմից։
Մասնակցում ենք մինչև նոյեմբերի 30 -ը։
#HRStories #TechHR
Մեր առաջին #HRStory-ի հերոսը Անետն է, նա Tech HR է, և բավականին լավ լեզու է գտնում ծրագրավորողների և առհասարակ տեխնոլոգիայի ոլորտի մասնագետների հետ։ Երբեք չի խառնում Java-ն JavaScript-ի հետ, տարբերում է ծրագրավորման stack-երն իրարից, լավ տեղեկացված է ռեքրութմենթի բոլոր նոր թրենդերից, կարդացել է կամ մոտ ապագայում պլանավորում է կարդալ Laslo Bock-ի “Work Rules!” գիրքը։
Անետը մեր մյուս բոլոր հերոսներից ամենանորաձևն է, նաև երբ հերթը հասնում է կարիերայի օնլայն հարթակների ընտրությանը։ Բնականաբար staff.am-ին առաջիններից է նկատել 🙂
#HRStories #Headhunter
Մեր հաջորդ հերոսը Նշանն է։ Նշանը headhunter է, նախորդ կյանքում որսորդ է եղել 🙂 Նշանից վախենում են մեր բոլոր մյուս հերոսները, քանի որ կրակում է շատ դիպուկ։ Սիրում է անմիջական շփումը, չունի կոմպլեքսներ, շաաաա՜տ նպատակասլաց է և միշտ հասնում է իր ուզածին։ Նշանը բազմակողմանի զարգացած մասնագետ է, հասկանում է ինչպես HR-ից, այնպես էլ որսորդությունից, ինչն էլ դարձնում է նրան էլ ավելի գրավիչ։ staff.am-ում նշանի սիրած գործիքը StaffSearch Engine թեկնածուների փնտրման համակարգն է, քանի որ արդեն ասեցինք, Նշանը շատ է սիրում անմիջական շփումը 🙂
#HRStories #ԽառըHR
Սուսաննան HR Generalist է (կամ այլ կերպ ասած` Мастер на все руки), աշխատում է 50,000 աշխատակից ունեցող ընկերությունում, և միակ HR մասնագետն է 🙂 Դե այդ պատճառով էլ նա միշտ խառն է, իսկ դուք ինչ կանեիք իր տեղը։ Առանց սուրճի կյանք չունի, չի սիրում երկուշաբթի օրերը, արձակուրդից վերադառնալուց անմիջապես հետո սկսում է մտածել հաջորդի մասին։ Աշխատակցի ամեն մի նոր հեռանալու դիմումը ստանալուց հետո մտածում է մասնագիտությունը փոխելու մասին։ Սուսաննայի նման մասնագետի մասին երազում են 50 աշխատակից ունեցող այն ընկերության տնօրենները, որոնց HR թիմը բաղկացած է 10+ մասնագետներից 🙂
Սուսաննան և staff.am-ն անբաժանելի են և շատ սիրում են միասին աշխատել :
#HRStories #ԿադրերիՊետ
Պարոն Պետոյանը կադրերի պետ է, բայց այստեղ պաշտոնն ամենևին կապ չունի, քանի որ պրն․ Պետոյանի մոտ կադրերի պետը դա հոգեվիճակ է 🙂 Անչափ սիրում է երկար հարցազրույցներ, որոնց ժամանակ անպայման հարցնում է թե որտեղ է թեկնածուն իրեն տեսնում 32 տարի հետո, և որոնք են նրա թույլ ու ուժեղ կողմերը։
Ինքն իրեն հաճախ ասոցացնում է Man in Black ֆիլմից K-ի հետ (Will Smith-ը չէ, էն տարիքովը), նույնիսկ ունի memory eraser, որն էլ հաճախ կիրառում է աշխատավայրում իրավիճակից կախված 🙂 ։ staff.am-ի գործիքներից նախընտրում է Թեկնածուների դիմումների կառավարման և գնահատման համակարգը, քանի որ դա նրան ինքնարտահայտվելու մեծ հնարավորություն է տալիս։
#StaffAm #ՆավիչոկHR
Դիմավորեք Մարիամիկին, նա սկսնակ (հայերեն՝ նավիչոկ) HR մասնագետ է։ Սիրած կենդանին միաեղջյուրն է (հա, գիտենք որ յեդինառոգ կամ յունիքորն ավելի լավ է հնչում, հիմա մերն էլ դա է, ինչ անենք 🙂 ), սիրած գույնը՝ վարդագույնն ու մանուշակագույնը, հավատում է, որ սերը կփրկի աշխարհը։
Վաղուց է երազել HR դառնալու մասին, մտածում է, որ #ԿադրերիՊետ լինելը դժվար է, և ինքը շատ պետք է աշխատի իր վրա։ Բաց չի թողնում HR-ին նվիրված ոչ մի թրեյնինգ, ունի լիքը սերտիֆիկատներ և դիպլոմներ։ Աշխատանքի անցնելուց անմիջապես հետո Մարիամիկը ընկերացել է staff.am-ի հետ, իսկ staff.am-ի իր ամենասիրելի մասը թրեյնինգների բաժինն է։
Laptop sticker-ների մեր նոր հավաքածուն, որը նվիրված է staff.am-ի 2-ամյակին։
