Ինչպես 2020թ․-ին համավարակը փոխեց շատերիս առօրյան, այնպես էլ փոխեց աշխատաշուկան իր զարգացումներով, ակնկալիքներով հանդերձ։ Որոշ ընկերություններ անորոշությունից դրդված դանդաղեցրել կամ պարզապես սառեցրել են նոր աշխատակիցների հավաքագրման գործընթացը։ Եվ այս համատարած անորոշության, անհանգստության ու քաոսային իրավիճակում ամենևին էլ զարմանալի չէ աշխատանք փնտրողների հետևյալ հարցադրումը․ «Ինչպե՞ս եմ ես նոր աշխատանք գտնելու»։
Առաջարկում ենք հիմա ներկա իրադրությունը պատկերացնել վեցանկյան տեսքով, որի մի անկյունից են միայն երևում այսպիսի գորշ գույներ ու քաոսային զգացողություններ առաջանում, մյուս բոլոր հինգ անկյուններից նայելիս երևում են վառ, էլ ավելի խոստումնալից ու հեռանկարային պատկերներ։
Եվ իսկապես այդպես է։ Չնայած որոշ ընկերություններ փոխել են ռեքրութմենթի ռազմավարությունը և նախատեսում են ավելի քիչ hiring, այնուամենայնիվ շատ ընկերություններ շարունակում են ակտիվորեն փնտրել նոր տաղանդների։ Իհարկե, համաձայն ենք, սահմանափակ hiring-ը նշանակում է նաև, որ թեկնածուների միջև մրցակցությունն ավելի է մեծանում ու հարկավոր է կիրառել մի շարք հնարքներ, որոնց միջոցով դուք կկարողանաք շատ արագ «որսալ» ձեր ցանկալի աշխատանքը։
Ահա և առանձնացրել ենք 5 հնարք, որոնք կարող ենք դիտարկել որպես վեցանկյան մյուս 5 վառ անկյունաքարերը։
ՀՆԱՐՔ 1. ՈՐՈՆԵՔ ԽԵԼԱՑԻ ԿԵՐՊՈՎ
Կենտրոնացրեք ձեր ուշադրությունն այն ընկերությունների վրա, որոնք չնայած համավարակին հայտարարում են ակտիվ հավաքագրման մասին և հրապարակում են թափուր հաստիքներ staff.am-ում։ Այս կերպ դուք կկարողանաք հասկանալ աշխատաշուկայի միտումներն ու մասնագետների պահանջարկը, ինչն էլ կօգնի վերագտնել ինքներդ ձեզ այս նոր պայմաններում։ Միգուցե, նախկինում եղել են որոշ աշխատանքներ, որոնք այդքան էլ հրապուրիչ չեն եղել ձեզ համար, բայց այժմ շատ ակտուալ են․ օրինակ, առողջապահության, տեղեկատվական տեխնոլոգիաների, կրթության և թրեյնինգների, առաքման, հաճախորդների օնլայն սպասարկման ոլորտների աշխատանքներն այսօր նկատելիորեն աճում են և կարելի է ձեր մասնագիտական և սոֆթ հմտությունները վերանայել այս ոլորտներում առկա աշխատանքների համար։
ԾԱՆՈԹԱՆԱԼ ԱՇԽԱՏԱՆՔԻ ՀԱՅՏԱՐԱՐՈՒԹՅՈՒՆՆԵՐԻՆ
ՀՆԱՐՔ 2. ԴԱՐՁԵՔ ՕՆԼԱՅՆ
Մենք նույնպես կիսում ենք ամերիկացի կինոռեժիսոր, բարերար և ձեռնարկատեր Ջորջ Լուկասի մոտեցումը, որ յուրաքանչյուր մարդ ունի առանձնահատուկ տաղանդ, ընդամենը պետք է այն բացահայտել։ Այո, դուք բոլորդ օժտված եք եզակի տաղանդով, մնում է միայն գտնեք այն հարմար միջավայրը, որտեղ կստեղծեք հատուկ արժեք։ Բայց միայն սպասելով կամ մտերիմներին տեղեկացնելով, որ աշխատանք չկա, դուք չեք կարող հասնել այն բարձրակետին, որին կարող եք ձեր ողջ ներուժով։
Դարձե՛ք օնլայն։ Սա է ժամանակի հրամայականը։ Ձեր օնլայն ներկայությամբ դուք կարող եք նկատվել թե գործատուների, թե այն պրոֆեսիոնալ համայնքի կողմից, որին ձգտում եք։ Ժամանակն է գրանցվել staff.am-ում, ստեղծել օնլայն CV-ի, մշտապես այն պահել թարմ վիճակում՝ այսպիսով` ժամանակ առ ժամանակ ստանալով նաև աշխատանքի առաջարկներ գործատուների կողմից։
Կարգի բերեք նաև ձեր սոց․ մեդիա էջերը, ապահովեք այնպիսի տեղեկատվությամբ, որը Գործատուի մոտ կառաջացնի ձեզ հետ օնլայն հարցազրույց ունենալու հետաքրքրություն։ Իսկ պրոֆեսիոնալ համայնքի հետ տարբեր վեբինարների ժամանակ մեկ վիրտուալ հարթակում գտնվելն էլ ավելի մեծ հնարավորություններ կբացի ձեր առջև։ Եղեք ակտիվ, խիզախ, ինքնավստահ ու պրպտող՝ աչքի ընկնելով ձեր հմտություններով։
ՀՆԱՐՔ 3. ԵՂԵՔ “TECHY” («Թեքի» կամ տեխնոլոգիայի մարդ)
Եղեք թեքի կամ տեխնոլոգիայի մարդ, նշանակում է օգտվել բոլոր այն հնարավորություններից, որ տրամադրում են ժամանակակից տեխնոլոգիաները։ Օրինակ, ձեր ժամանակն ավելի էֆեկտիվ օգտագործելու համար կարող եք ստեղծել խելացի ծանուցումներ staff.am-ում ձեր ցանկալի ընկերությունների ու աշխատանքի կատեգորիաների համար, որպեսզի առաջինը տեղեկանաք նոր թափուր հաստիքի առկայության մասին։
Կարող եք նաև հետևել ընկերությունների մասին նորություններին StaffBlog-ում․ ինչպե՞ ս են ընթանում աշխատանքներն այս պանդեմիայի օրերին, ի՞նչ նոր հնարավորություններ են տրամադրվում ընկերությունների աշխատակիցներին, ինչպիսի՞ն է թիմային մշակույթն անգամ վիրտուալ տիրույթում։
Կարող եք նաև հետևել #HRView Powered by staff.am նախագծին staff.am սոց․ մեդիա էջերում՝ անձամբ լսելով խորհուրդներ տարբեր առաջատար ընկերությունների HR մասնագետների կողմից։ Եվ հենց այս տեղեկատվությունն ու խորհուրդներն էլ ձեզ ավելի պատրաստ կդարձնեն ցանկացած օնլայն հարցազրույցի ժամանակ։
ԲԱԺԱՆՈՐԴԱԳՐՎԵԼ STAFF.AM YOUTUBE ԱԼԻՔԻՆ
ՀՆԱՐՔ 4. ԵՂԵՔ ՃԿՈՒՆ
Ինչո՞ւ չէ, կարելի է դիտարկել նաև ժամանակավոր պայմանագրային կամ ֆրիլանս աշխատանքները։ Սա այն ժամանակն է, որ պետք է շահել․ շատ համագործակցություններ, նոր պրոյեկտներ, նոր գործընկերներ, այս ամենը, հիշեք, ձեզ միայն հղկում և դարձնում են ավելի լավը, ավելի պատրաստված ապագայի աշխատաշուկայում։ Մի պահ ի մի բերեք ձեր հմտություններն ու փորձեք այն ներկայացնել գլոբալ ու անծայրածիր շուկայում։
ԴԻՏԵԼ ՖՐԻԼԱՆՍ ԿԱՄ ԺԱՄԱՆԱԿԱՎՈՐ ԱՇԽԱՏԱՆՔՆԵՐԸ
ՀՆԱՐՔ 5. ԿԱՏԱՐԵԼԱԳՈՐԾԵՔ ՁԵՐ ՀՄՏՈՒԹՅՈՒՆՆԵՐԸ
Իսկ դուք երբևիցե պատկերացրե՞լ եք կամ երազե՞լ եք, որ Հարվարդի, Սթենֆորդի, Իմպերիալ քոլեջի կամ այլ առաջատար կրթական հաստատությունների դասընթացները լինեն անվճար կամ շա՜տ հասանելի։ Երազելի պահն արդեն իրականություն է, իսկ շարունակական կրթությունը նոր արժեք է ստացել աշխարհի կողմից։
Ուսումնասիրեք աշխատանքի հայտարարությունները, ծանոթացեք, թե որ հմտություններն են առավել պահանջված ու ըստ այդմ էլ ընտրեք ձեր նախընտրելի դասընթացը staff.am trainings հարթակից, որտեղ ներկայացված են պրոֆեսիոնալ դասընթացներ ինչպես տեղական՝ հայաստանյան, այնպես էլ այլ միջազգային հարթակներից։
Ամենակարևորը, եղե՛ք առողջ, համբերատար ու հետևողական բոլոր փոփոխություններին ու զարգացումներին 🙂 Ամեն բան անցյալ կդառնա բացի այն հմտություններից ու հնարավորություններից, որոնք դուք այսօր ձեռք կբերեք և խելացիորեն կօգտագործեք։ Այդ ամենը կդառնա ձեր ապագան։
