Այն հարցին, թե արդյոք առաջնորդ ծնվում են, թե դառնում, պատասխանը հստակ է՝ առաջնորդ դառնում են՝ զարգացնելով համապատասխան հմտություններ: Քանի որ առաջնորդությունը հաճախ արտահայտվում է վարքագծի, այլ ոչ թե բնավորության միջոցով, այն կարելի է ձեռք բերել։ Ինչպե՞ս։ Այս հարցին staff.am-ի կրթական ուղղությունը՝ Career Factory-ն ունի իր պատասխանը՝ IDEx բացառիկ նորարարական փորձառություն, որտեղ հանդիպում են ՀՀ ընկերությունների միջին և բարձր օղակի ղեկավարները՝ փորձի փոխանակման և իրական լուծումների համար։ IDEx-ն այն միջավայրն է, որտեղ ծնվում են նոր մտքեր, ստեղծվում են նոր կապեր այն մարդկանց հետ, որոնք միավորվում են՝ ավելի ուժեղ, ավելի պատրաստված և ավելի պրոֆեսիոնալ դառնալու գաղափարի շուրջ։
Միասին բացահայտենք առաջնորդ դառնալու հետաքրքիր ուղին և պարզենք, թե ինչ դռներ է բացում այդ ճանապարհին IDEx-ը։
Ինչպես սկսել առաջնորդության ուղին
Առաջնորդության մասին հազարավոր տեսությունների և սահմանումների առանցքում ընկած է մեկ հիմնարար հասկացություն՝ դրական ազդեցություն: Ժամանակակից ընկալմամբ, առաջնորդ լինելը չի նշանակում պարզապես ուղղորդել կամ ղեկավարել, այլ ներշնչել և ակտիվացնել մարդկանց ներուժը՝ հիմնվելով ոչ թե լոկ պաշտոնական լիազորությունների, այլև գաղափարների, արժեքների և անձնական օրինակի ուժի վրա: Հարվարդի բիզնես դպրոցի առաջնորդության հետազոտությունները ցույց են տալիս, որ առաջնորդությունը պայմանավորված է ոչ այնքան պաշտոնով, որքան վարքագծով և մտածելակերպով: Բիլ Ջորջի «Իսկական առաջնորդություն» գրքում նշվում է, որ առաջնորդությունը սկսվում է ինքնաճանաչողությունից և անձնական արժեքների հստակեցումից:
Առաջնորդի ճանապարհն սկսելու համար անհրաժեշտ են հետևյալ քայլերը՝
1․Ինքնաճանաչողություն և ինքնազարգացում
- Գիտակցել սեփական ուժեղ և թույլ կողմերը, արժեքները, շարժառիթները
- Զարգացնել էմպատիայի և հուզական բանականության հմտություններ
- Հստակեցնել անձնական զարգացման ուղին
2․Գործողություններ առանց պաշտոնական լիազորությունների
- Նախաձեռնել և առաջ մղել նորարարական գաղափարներ
- Աջակցել գործընկերներին և ստեղծել արժեք թիմի համար
- Ձևավորել համագործակցային հարաբերություններ
3․Շարունակական ուսումնառություն և փորձի ընդլայնում
- Ընդունել մենթորների և օրինակելի անհատների ուղղորդումը
- Մասնակցել զարգացնող փորձառություններին և ընդունել մարտահրավերներ
- Կատարել անդրադարձ (ռեֆլեքսիա) սեփական փորձի և սխալների վերաբերյալ
Սակայն այս ճանապարհին անհրաժեշտ են աջակցող միջավայրեր, փորձի փոխանակման հարթակներ և ուսուցողական համայնքներ: Հաշվի առնելով այս ամենը staff.am-ի կրթական ուղղությունը՝ Career Factory-ն նախաձեռնել է բացառիկ նորարարական փորձառություն։
IDEx-ը ստեղծվել է այն հիմնարար համոզմամբ, որ առաջնորդությունը չի սահմանափակվում բնածին հատկանիշներով, այլ զարգացվող ունակությունների և նպատակուղղված փորձառությունների արդյունք է:
Սթենֆորդի համալսարանի d.School-ի հետազոտությունների համաձայն, առաջնորդության զարգացման առավել արդյունավետ մոդելներն ընդգրկում են ինտերակտիվ փորձառություններ, խմբային քննարկումներ և իրական խնդիրների վրա աշխատանք: IDEx-ը կիրառում է այս արդյունավետ սկզբունքները՝ համախմբելով հայաստանյան բիզնեսի միջին և բարձր օղակի ղեկավարներին առաջնորդության բարդ խնդիրների շուրջ:
Հարթակը կառուցված է համաշխարհային “World Café” մեթոդաբանության վրա, որտեղ մասնակիցները կարող են և՛ կիսվել սեփական փորձով, և՛ սովորել ուրիշներից՝ միաժամանակ ձևավորելով արժեքավոր կապեր:
IDEx-ի այս բացառիկ փորձառությունը տեղի կունենա մայիսի 3-ին Ադապտիվ առաջնորդություն թեմայով։
Ադապտիվ առաջնորդություն թեմայի շրջանակներում առաջնորդները հնարավորություն կունենան անդրանադառնու այնպիսի կարևոր թեմաների ինչպիսիք են՝
- Ղեկավարի հաղորդակցման և համագործակցության հմտություններ – ինչպես բարձրացնել հաղորդակցությունը թիմերի միջև
- Ղեկավարի տեսլական մտածողություն – ինչպես ստեղծել ոգեշնչող, միևնույն ժամանակ իրատեսական ապագայի պատկեր
- Ադապտիվություն – ինչպես նավարկել փոփոխությունների միջով՝ պահպանելով ճիշտ ուղղությունը
- Խիզախություն – ինչպես դիմակայել բարդ որոշումներին անորոշության պայմաններում
- Էմոցիոնալ ինտելեկտ– ինչպես հասկանալ թիմի անդամների զգացմունքները, կարիքները, մտահոգությունները և ստեղծել վստահության մթնոլորտ
- Սթրեսակայունություն – ինչպես պահպանել հոգեբանական կայունություն դժվար պահերին և աջակցել թիմին
- Ղեկավարի ինքնազրգացում – ինչպես շարունակել հմտությունների կատարելագործումը
- Ներշնչանք և մոտիվացիա – Ինչպես մոտիվացնել թիմին շարժվելու դեպի զարգացում և առաջընթաց
IDEx-ը առաջնորդության զարգացման կենդանի, օրգանական մեթոդաբանություն է, որն օգնում է մասնակիցներին ոչ միայն ձեռք բերել նոր գիտելիքներ, այլև անմիջապես կիրառել դրանք իրական խնդիրների համատեքստում: Այն առաջարկում է ոչ թե պատրաստի պատասխաններ, այլ խորքային հարցադրումներ, ոչ թե ստանդարտ լուծումներ, այլ մտածելու և գործելու նորարարական մոտեցումներ։ Որովհետև իրական առաջնորդությունը սկսվում է հիմնարար հարցադրումներից և զարգանում շարունակական կիրառման, անդրադարձի և փոխանակման միջոցով:
Առաջնորդության էությունն այպսիսն է՝ անընդհատ զարգացող, մշտապես կատարելագործվող և հարատև ուսուցողական գործընթաց, որն ուղղված է ինչպես սեփական, այնպես էլ շրջապատի ներուժի առավելագույն բացահայտմանը:
Եթե դուք միջին կամ բարձր օղակի ղեկավար եք և ցանկանում եք զարգացնել ձեր առաջնորդության հմտությունները, ապա միացեք մեզ մայիսի 3-ին և անցեք ձեր առաջնորդության ուղին ավելի արդյունավետ և նպատակային։
Առաջնորդությունը չի կարող սահմանափակվել մեկ գրքով, դասընթացով կամ հանդիպումով: Այն շարունակական ուղևորություն է ինքնաճանաչողության, փորձառության և աճի ճանապարհով: Ինչպես նշել է առաջնորդության հայտնի հետազոտող Ջոն Մաքսվելը․
Առաջնորդությունը ոչ թե նպատակակետ է, այլ ճանապարհորդություն, որը երբեք չի ավարտվում։
