Ստեղծարար, գիտելիքահեն, արժեքավոր, ինֆորմատիվ․․․ հենց այսպես էին բնութագրում մասնակիցները IDEx-ի առաջին փորձառությունը։ Իսկ մեր սոց․ մեդիա հարթակները պարզապես ողողված էինք ոգևորիչ ու ջերմ խոսքերով՝ որոնք արագ վերափոխվեցին հստակ անհրաժեշտության ու սպասումի՝ ունենալու երկրորդ IDEx փորձառությունը։ Իսկ մենք պարզապես չէինք կարող չանսալ մեր գործընկերների ցանկությանը և շատ կարճ ժամանակ անց կրկին հնարավորություն ունեցանք միավորելու ՀՀ լավագույն ընկերությունների բարձր օղակի ղեկավարներին այս անգամ արդեն առաջնորդելու փոփոխությունները։
IDEx-ի գաղափարը
IDEx-ը staff.am-ի կրթական ուղղության՝ Career Factory-ի նորարական ձևաչափն է, որտեղ հանդիպում են ՀՀ ընկերությունների միջին և բարձր օղակի ղեկավարները՝ փորձի փոխանակման և իրական լուծումների համար։ IDEx-ն այն միջավայրն է, որտեղ ծնվում են նոր մտքեր, ստեղծվում են նոր կապեր այն մարդկանց հետ, որոնք միավորվում են՝ ավելի ուժեղ, ավելի պատրաստված և ավելի պրոֆեսիոնալ դառնալու գաղափարի շուրջ։
Այն մասնագիտական համագործակցություն է staff.am էկոհամակարգի՝ ի դեմս համահիմնադիր Լուիզա Ավետիսյանի և Աննա Կոնջորյանի միջև, որոնք միջոցառման հիմնական կազմակերպիչներն են։ Նրանք միջոցառման հենց սկզբում ողջունեցին մասնակիցներին՝ ներկայացնելով IDEx-ի հիմնական ուղերձը, արժեքային հիմքերը, անցկացման ձևաչափը և իհարկե ֆասիլիտատորներին, որոնք առանձնակի մեծ դեր ունեին այս փորձառության ամբողջական հոսքի կազմակերպման մեջ։
Ձևաչափը՝ առաջնորդներից առաջնորդներին
IDEx-ի հիմքում ընկած է աշխարհահռչակ «World Café» ձևաչափը, որը թույլ է տալիս ինչպես սովորել մասնակիցներից, այնպես էլ կիսվել սեփական փորձով։ Այն քննարկումների ձևաչափ է, որտեղ մասնակիցները փոքր խմբերով նստում են սեղանների շուրջ՝ քննարկելու ոլորտային հարցեր։ Քննարկումներն ընթանում են փուլերով, և յուրաքանչյուր փուլից հետո մասնակիցները փոխում են սեղանները՝ տարածելով ու զարգացնելով գաղափարները։ Այն խթանում է համագործակցային մտածողությունը, փորձի փոխանակումն ու խորքային երկխոսությունը:
IDEx vol.2-ի թեման էր «Առաջնորդել փոփոխությունները», իսկ քննարկման առանցքում հետևյալ ենթաթեմաներն էին՝
1․Առաջնորդել անորոշ ժամանակներում
2․Փոփոխություններին միտված մշակույթ
3․Ինչպես չափել փոփոխության առաջնորդման արդյունավետությունը
4․ Փոփոխություններ վարելու հմտությունների զարգացում,
5․ Որոշումներ կայացնելու մարտահրավերները փոփոխությունների ժամանակ
6․ Առաջնոդրի ինքնախնամքը փոփոխությունների ժամանակ,
7․ Անձնակազմի ներգրավվածության բարձրացումը փոփոխությունների ժամանակ
8․ Դիմադրությունից ներգրավվածություն
Քննարկումների այս փուլը լի էր արժեքավոր մտքերով և փորձառությմաբ։ Այս թեմաները քննարկվեցին ոչ միայն տեսական մակարդակով, այլ նաև անձնական պատմությունների, գործնական դեպքերի և կազմակերպությունների ներսում ապրած փորձառությունների միջոցով։ Այս ամբողջ գործընթացն ուղղորդվում էր փորձառու ֆասիլիտատորների կողմից, որոնք իրենց փորձառությամբ հիանալիորեն ուղղորդում էին քննարկումները, հավաքում ամենակարևոր մտքերը միջոցառման երկրորդ հատված փոխանցելու նպատակով։
Քննարկումների փուլին հաջորդեց մտքերի փոխանակման առավել ազատ և անմիջական ֆորմատ՝ հյուրասիրություն և նեթվորքինգ։
IDEx-ի փորձագետները
IDEx vol.2-ը եզակի էր նաև իր մասնագիտական խորությամբ։ Միջոցառման երկրորդ հատվածում մասնակիցներին միացան մի շարք առաջատար փորձագետներ, որոնք ներկայացրին իրենց դիտարկումները փոփոխությունների առաջնորդման վերաբերյալ՝ հիմնվելով իրենց ոլորտային փորձի վրա։
Աշոտ Հովանեսյան – Synergy International ընկերության հիմնադիր և տնօրեն։ Նրա խոսքում շեշտը դրվեց փոփոխությունների կառավարման համակարգային մոտեցման վրա՝ մշակույթից մինչև գործառնական մոդելներ։
Լիանա Խաչատրյան – Boyden ընկերության principal, ղեկավարների ընտրության և կառավարման փորձագետ։
Կարեն Սարգսյան – ՀՀ ֆինանսների նախարարի խորհրդական, ֆիզիկամաթեմատիկական գիտությունների թեկնածու, փոփոխությունների կառավարման գործակալ։
Արմինե Մկրտչյան – MerakiPal ընկերության հիմնադիր և տնօրեն, կազմակերպական զարգացման քոուչ, ինչպես նաև Հայաստանի երեխաների առողջության հիմնադրամի հոգաբարձուների խորհրդի անդամ։
Նրանց ելույթները հագեցած էին իրական օրինակներով, հիմնավոր վերլուծություններով և խորքային հարցադրումներով։ Փորձագետները ոչ միայն փոխանցում էին գիտելիք, այլև ներգրավվում մասնակիցների հետ երկխոսության մեջ՝ ձևավորելով IDEx-ի իրական արժեքը՝ համատեղ մտքեր գեներացնելը։ Ընտրված թեմաների շուրջ թե՛ ֆասիլիտատորների, թե՛ մասնակիցների և թե՛ փորձագետների ասելիքն այնքան շատ էր, խորքային ու լեցուն, որ ժամանակը պարզապես հոսում էր և մենք չնկատեցինք անգամ թե ինչպես հասանք միջոցառման եզրափակմանը։
Մեր գործընկերները
IDEx vol.2-ի կայացման կարևորագույն հիմքերից մեկը վստահելի գործընկերներն են, որոնց աջակցությամբ հնարավոր դարձավ ինչպես միջոցառման կազմակերպումը, այնպես էլ բովանդակային ապահովումը։
Boyden Armenia-ն միջազգային հեղինակավոր կազմակերպություն է, որը մասնագիտացած է բարձր օղակի ղեկավարների որոնման և կառավարման մեջ։ Boyden-ը IDEx vol․2-ի գլխավոր գործընկերն էր։ Միջոցառմանը ներկա էր նաև Bօyden ընկերության գործընկեր, Հայաստանի և Վրաստանի գրասենյակների ղեկավար Սևադա Բաղդյանը, ով ողջունեց ներկաներին՝ ներկայացնելով Boyden ընկերության գործունեության առանձնահատկությունները և ևս մեկ անգամ ընդգծեց առաջնորդության կարևոր դերը բիզնեսի զարգացման գործընթացում։
Hirebee.ai-ն հավաքագրման ավտոմատացման միջազգային հարթակ է, որը հնարավորություն է տալիս ընկերություններին կազմակերպելու իրենց հավաքագրման գործընթացն ավելի արդյունավետ և խնայել ժամանակ։
Moossah wines-ն ընտանեկան գինեգործարան է, որը մեծ ուշադրություն է դարձնում գինու ստեղծման ողջ գործընթացին, ինչը փաստում են ոչ միայն գինեսերներները, այլ նաև այնպիսի հեղինակավոր մրցանակաբաշխությունները, ինչպիսին է IWSC-ը, որի շրջանակում Moossah-ը վերջներս արժանացավ ոսկե մեդալի։
Մենք խորապես շնորհակալ ենք բոլոր մասնակիցներին, ֆասիլիտատորներին, փորձագետներին և գործընկերներին՝ IDEx-ը միասին կերտելու համար։ Եվս մեկ անմոռանալի, խորքային և արժեքավոր IDEx փորձառություն հատեց եզրագիծը։
Դիտեք մեր պատրաստած հոլովակը, վերապրեք այս բացառիկ օրն ու շարունակեք առաջնորդել՝ ոգեշնչված ու պատրաստ նոր փոփոխությունների։
