Հունիսի 29-ին, Վանաձորի տեխնոլոգիական կենտրոնում կայացավ ԵՄ աջակցությամբ իրականացվող Նորարարական համաֆինանսավորվող դրամաշնորհային մրցույթի (IMG – Innovation Matching Grant) եզրափակիչ փուլը, որին մասակցեցին նաև staff․am համահիմնադիրներ Վահե Ավետիսյանը և Լուիզա Ավետիսյանը և ներկայցրեցին staff.am-ի արհեստական բանականությամբ աշխատող նոր գործիքակազմի՝ hirebee.ai-ի նախագիծը:
staff.am-ը երկրորդ փուլ անցած 16 ստարթափների շարքում էր և մասնկացել էր դեռևս մայիս ամսին կայացած երկօրյա ինտենսիվ bootcamp-ին Աղվերանում։ Իսկ ահա այս ուրբաթ՝ հունիսի 29-ին, Վանաձորի տեխնոլոգիական կենտրոնում կայացած IMG վենչուրային միջոցառման ժամանակ այլ թիմերի հետ staff.am-ի թիմը նույնպես ներկայացրեց (pitch) իր ստարթափն ու այն նորարական լուծումները, որոնք պետք է իրականացվեն համաֆինանսավորման շրջանակներում դրամաշնորհի 9 ամիսների ընթացքում։
Տարբեր առաջատար կազմակերպություններ ներկայացնող 7 մասնագետներից կազմված ժյուրին կատարեց վերջնական ընտրությունը և անչափ ուրախ ենք տեղեկացնել, որ staff.am-ը ճանաչվեց 6 հաղթող թիմերից մեկը և շուտով համաֆինանսավորում կստանա, որի արդյունքում մենք հնարավորություն կունենանք ընդլայնել մեր թիմը, մշակել արհեստական բանականությամբ աշխատող նոր գործիքակազմ, որն էլ ավելի կհեշտացնի աշխատանք և աշխատակից փնտրելու գործընթացը։ Համաֆինանսավորումը կուղղորդվի նաև staff.am-ի աշխարհագրության ընդլայնմանը և նոր շուկաներում staff.am-ի հետագա ներկայացմանը։
Մրցանակաբաշխությունից մի փոքր հատված
staff.am-ի մեր թիմը շատ մեծ ակտիվությամբ մասնակցում է ՀՀ ստարթափ էկոհամակարգի զարգացմանը և տարբբեր միջոցառումներին: Մենք երբեք կանգ չենք առնում և չենք բավարարվում արդեն իսկ գրանցած նվաճումներով՝ միշտ ձգելով ավելիին։ Իսկ այս պահին ունենք բավականին հավակնոտ ծրագրեր մեր հարթակի հետագա զարգացման հետ կապված,- նշեց staff.am-ի համահիմնադիր Վահե Ավետիսյանը։
Մեր խորին շնորհակալությունն ենք հայտնում <<Նորարարություններին ուղղված համաֆինանսավորվող ու Գիտական եւ տեխնոլոգիական ձեռներեցության ծրագրի>> կազմակերպիչներին, որն իրականացվում է Ձեռնարկությունների ինկուբատոր հիմնադրամի կողմից՝ «Աջակցություն ՓՄՁ զարգացմանը Հայաստանում» ծրագրի շրջանակում, որը համաֆինանսավորվում է Եվրամիության, ինչպես նաեւ Գերմանիայի դաշնային հանրապետության տնտեսական համագործակցության եւ զարգացման նախարարության կողմից եւ իրականացվում է ԳՄՀԸ «Մասնավոր հատվածի զարգացումը Հարավայի Կովկասում» ծրագրի շրջանակում:
