Փոլ Մաքարտնին միշտ սիրել է երաժշտությունը, բայց նրան երբեք դուր չեն եկել երաժշտության դասերը դպրոցում: Ուսուցիչները կարծում են, թե կարող են երեխաներին սիրել տալ երաժշտությունը՝ ստիպելով նրանց դասական երաժշտության նմուշներ լսել: Բայց Փոլը գտնում էր, որ այդ պարապմունքները ձանձրալի էին իր դպրոցում, ինչպես և մյուս դասերը: Նա պատմեց, որ ուսման ողջ ընթացքում ոչ ոք չի նկատել իր երաժշտական տաղանդը: Փոլը ցանկացել է ընդունվել Լիվերպուլի երգչախումբ, բայց նրան չեն ընդունել՝ ասելով, որ լավ չի երգում: Ճակատագրի հեգնանքով հենց այդ երգչախումբը, որ մերժել էր պատանի Մաքարտնիին, կատարեց նրա դասական կոմպոզիցիաներից երկուսը:
Ձեզ ծանո՞թ է այնպիսի իրավիճակ, որ թվում է թե Ձեզ շրջապատող աշխարհում բոլորն ավելի խելացի են և բանիմաց, քան Դուք։ Նման բան կարող է պատահել շատերի հետ, երբ շփոթվում ու անհանգստանում են, որ ինչ-որ հարցի չեն կարողանում պատասխանել։ Սակայն այս իրավիճակը մնայուն չէ, քանի որ Դուք կարող եք ցանկացած ժամանակ սկսել աշխատել և կատարելագործել Ձեր հմտությունները։
Ահա և ստորև առանձնացրել ենք մի քանի օգտակար խորհուրդներ Ձեր ինտելեկտի գործակիցը բարձրացնելու համար։
1 Տիրապետեք նոր երաժշտական գործիքի։ Գիտնականները, ուսումնասիրելով մի խումբ տարեց մարդկանց, պարզել են, որ նրանք, ովքեր իրենց կյանքի ընթացքում պարբերաբար ձեռք են բերել նոր հոբբիներ՝ ինչպիսիք են, օրինակ, թվային տեսախցիկներով արված լուսանկարների ուսումնասիրությունը, ավելի ակտիվ և եռանդուն են եղել, իսկ նրանց միտքը՝ առավել պայծառ։ Սակայն բոլոր տարեց մարդիկ, ովքեր սիրում են նորություններ և նոր փորձեր, եթե իրենց ձեռքը վերցնեն որևէ երաժշտական գործիք և սովորեն նվագել, ապա դա կարող է լինել հենց առաջին բանալին, որը բացելով նոր հնարավորության դուռը, կնպաստի ուղեղի աշխատանքի զարգացմանն ու բարելավմանը։ Փորձը ցույց է տվել, որ նոր երաժշտական գործիքի ուսումնասիրությունն անմիջականորեն կապված է մարդու ինտելեկտուալ հնարավորությունների զարգացման հետ։
2 Սնվեք ուղեղը սնուցող մթերքներով։ Մտքի ճիշտ զարգացումը կախված է խելացի սնվելու հետ։ Վերջին ուսումնասիրությունները ցույց են տվել, որ ընդհանուր սննդակարգի բարելավումը կարևոր գործոն է հիշողության և մտածելու ունակության կորստի ռիսկի նվազեցման համար: Պարզվել է, որ միջերկրածովյան սննդակարգը պարունակում է ձիթապտղի յուղ և ընկույզ, հարուստ է հակաօքսիդիչներով։ Իսկ մրգերը համարվում են բոլոր տեսակի վիտամինների մեծ աղբյուր։
3 Զբաղվեք սպորտով։ Ֆիզիկական աշխատանքը ոչ միայն կառուցում է Ձեր մկանները, այլ նաև Ձեր միտքը: Խորհուրդ է տրվում կանոնավոր վարժություններ կատարել, քանի որ այդ նվազեցնում է ճանաչողության անկման ռիսկերը: Ստենֆորդի հետազոտողները պարզել են, որ նույնիսկ քայլելը կբարձրացնի Ձեր ստեղծագործական ունակությունը: Լավ մարզվելը կարող է զերծ պահել Ձեր օրգանիզմը բարձր արյան ճնշումից, շաքարախտից և բարձր խոլեստերինից:
4 Խուսափեք սթրեսից։ Ցանկացած իրավիճակ, որը շատ սթրեսային է, կարող է լրջորեն ազդել Ձեր մտքի վրա: Խելացի լինելու առանձնահատկությունն այն է, որ մարդ կարող է կենտրոնանալ մի խնդրի վրա, արգելափակել ողջ աշխարհը և կետրոնանալ հենց այդ խնդրի վրա: Սթրեսից չխուսափելով՝ դժվար է հասնել այդ մտածելակերպին: Երբ ուղեղը ենթարկվում է խառնաշփոթի և մարդուն ցնցում է, ուղեղը չի կարող ծաղկել այդ միջավայրում։ Այդ պատճառով մարդուն անհրաժեշտ է խաղաղություն և հանգստություն։
5 Ընտրեք ժամանակ մտածելու համար: Հաճախ մեր կյանքն այնքան ակտիվ է դառնում, որ ժամանակ չենք ունենում նույնիսկ հասկանալու համար: Դժվար է կենտրոնանալ մեկ բանի վրա, երբ մտքերդ մշտապես պտույտի մեջ են: Ուստի պետք է կարողանալ գտնել ժամանակ մտածելու, կազմակերպելու Ձեր մտքերը և հասկանալու, թե որ խնդրին է պետք առաջնահերթություն տալ: Այսպիսով, Դուք կկարողանաք հասկանալ, թե ինչն է իսկապես կարևոր Ձեզ համար:
6 Սովորեք օտար լեզուներ։ Օտար լեզուների ուսումնասիրումը հիանալի կերպով խթանում է մեր ուղեղի աշխատանքը: Դուք կարող եք ընտրել աշխարհի որևէ լեզուներից մեկը։ Դուք կարող եք ընտրել այդ լեզուների ուսումնասիրման ցանկացած մեթոդ։ Այստեղ ամենակարևորը լավ մոտիվացիան է և դժվարություններից չխուսափելը:
<<Պետք է հավատաք ինքներդ Ձեզ, սա է իրական ճշմարտությունը, քանի որ մեկ բան է Բիթլզը, մեկ այլ բան է Մարդ: Մենք հավատում էինք մեզ, մենք գիտեինք, որ լավն ենք եղել>>, – Փոլ Մաքարթնի:
