«Ուսանողամետ»․ դիմորդ-թեկնածուներից ամենահաճախ տրվող բնութագրիչ բառն է Ինեկոբանկի մասին, որը շատ հաճելի է և միևնույն ժամանակ պարտավորեցնող։
Այժմ մի փոքր պատմելու ենք «Ինեկո SLASH Երիտասարդ» «քիմիա»-ի մասին.
Վառվող աչքերով, մոտիվացված, նոր մարտահրավերների պատրաստ մի երիտասարդ, ով իր առաջին քայլերն է անում դեպի մասնագիտական աշխարհ, հանդիպում է իրեն վստահող և իր ուժերին հավատող մի կազմակերպության`պատրաստ իր դռները բացել երիտասարդի առջև։
Մուտք է գործում դռնից ներս․
Շփոթված է, ինչ-որ տեղ մոլորված․ շատ բարդությունների է հանդիպում, մասնագիտական անինքնավստահություն է առաջանում, իսկ հետո հիասթափություն՝ «Սա երևի իմը չէ» հաճախ լսվող արտահայտությամբ։
Ինեկոթիմում ժպտում են, հիշում իրենց առաջին օրն այդ պատերի ներսում ու սիրով անցնում նորեկին իրենց թիմ ներարկելու գործընթացին։ Շատ ժամանակ է պետք, շատ ռեսուրս, գիտակցություն, որ նորեկի պարտականությունները դեռ երկար ժամանակ լինելու են մյուս թիմակիցների ուսերին․ հեշտ չԷ, ԲԱՅՑ թիմը՝ Ինեկոթիմը, վստահ է, որ այն ներդրումը, որն իրենք անում են երիտասարդի մեջ այսօր՝ թույլ չտալով մարել նրա աչքերի փայլը, վաղը նոր թարմություն ու ուժ է հաղորդելու թե՛ գործին, թե՛ թիմին և առհասարակ Ինեկոյին։
Այս ամենի ամենահաճելի գնահատականն ինտեգրումից հետո հաճախ լսվող «Ի՜նչ լավ է, որ Ինեկոթիմում եմ» վերափոխված արտահայտությունն է՝ մեր գերմոտիվացված և իր ճիշտ տեղում գտնվող Ինեկո-երիտասարդից։
Նման պատմության մենք ականատես ենք լինում ամեն օր և դրա մասին խոսում են նաև թվերը․
Վերջին երկու տարվա ընթացքում 900 և ավել Ինեկոթիմակիցներին միացել են 150 սկսնակ, ում համար Ինեկոբանկը եղել է առաջին գործատուն։ Նրանցից 87-ը մեզ հետ ճանապարհը սկսել է գլխամասային գրասենյակում, իսկ 63-ը՝ մասնաճյուղային ցանցերում։ Շատերն անգամ հասցրել են ունենալ կարիերայի թե՛ հորիզոնական, թե՛ ուղղահայաց աճ, որը շատ բնորոշ է այսօրվա՝ ամբիցիաներով լի, չհարմարվող, բայց միևնույն ժամանակ եղանակ փոխող երիտասարդի կերպարին։
Իսկ ի՞նչ ենք անում երիտասարդների հետ կապը սերտորեն պահելու համար․
- Ողջ տարին կազմակերպում ենք «InecoDay»-եր մեր թիրախային բուհերում, պատմում մեր թիմի, զարգացման հեռանկարների և իրենց մասնագիտական երազանքները մեզ հետ սկսելու հնարավորությունների մասին,
- ԵՊՀ, ՀՊՏՀ, ՀՊՃՀ, Սլավոնական, Ֆրանսիական և այլ համալսարանների ուսանողության համար մեր մասնագետների օգնությամբ կազմակերպած «Masterclass»-երի ընթացքում փոխանցում ենք անգնահատելի արժեքներ՝ գիտելիքներ՝ ֆինանսների, մարքեթինգի, իրավաբանության, թվայնացման, արժեթղթերի, բորսայի և այլ պրակտիկ ոլորտների վերաբերյալ,
- Երիտասարդների համար ամենակարևոր օրերից մեկի ընթացքում՝ ավարտական դիպլոմների հանձման արարողությանը, լինում ենք իրենց կողքին, աջակցում միջոցառումների իրականացմանը,
- «Ինեկոբանկը քո կողքին» այս տարի մեկնարկած շարունակական ծրագրի միջոցով իրականացնում ենք ուսանողների ուսումնական տարվա վարձավճարի փոխհատուցում և Բանկի կողմից արտերկրում ֆինանսավորվող պրակտիկայի հնարավորության ընձեռում,
- Career Fest-երի, աշխատաշուկաների և մասնագիտական միջոցառումների ժամանակ, մեր հետաքրքիր տաղավարներում կազմակերպում ենք մրցույթներ, ծանոթացումներ, զրույցներ և նվերների հանձնումներ, որոնք դառնում են երիտասարդների առօրյայում մի Ինեկոմասնիկ,
- «Ինեկոթիմը Ես եմ», «Դարձիր Ինեկոթիմակից», տարբեր ֆորմատի պրակտիկաների և անընդհատ հայտարարվող երիտասարդամետ ծրագրերի միջոցով ներգրավում ենք սկսնակների դեպի Ինեկոթիմ։
Դե ինչ, հուսանք այս պատմությամբ կարողացանք մեկնարկել քիմիական այն ռեակցիան, որը մեր հաջորդ հանդիպմանը կփորձենք ավելի ամրապնդել և դարձնել մի նոր «Ինեկո SLASH Երիտասարդ» պատմության սկիզբ։
Անցի՛ր հղմամբ, լրացրու՛ դիմում հայտը և դարձիր մեր պատմության հաջորդ հերոսը։
Իսկ Ինեկոբանկում առկա պաշտոններին ծանոթացիր այստեղ:
Մինչ հանդիպում՝
Ձեր Ինեկոբանկ
