Փնտրում եք նոր հնարավորություններ փորձ ձեռք բերելու ու ինքնակատարելագործվելու համա՞ր, կուտակել եք գիտելիքներ ու ցանկանում եք կիրառե՞լ դրանք․ եթե այո, ապա Ֆիլիպ Մորրիս Արմենիա ընկերության և PMI Science գիտահետազոտական կենտրոնի INKOMPASS վարձատրվող փորձնակության ծրագիրը Ձեզ համար է։
INKOMPASS վարձատրվող փորձնակության ծրագրի դիմորդները հնարավորություն կունենան փորձ ձեռք բերել հետևյալ ոլորտներում՝
- Մարքեթինգ
- Վաճառք
- Նորարարությունների կառավարում
- Տվյալագիտություն
- Նախագծերի կառավարում
- Տվյալների վերլուծություն
- Տեղեկատվական համակարգեր
- Վիճակագրություն
Ովքե՞ր կարող են դիմել
Բուհերի ավարտական կուրսի ուսանողները կամ վերջին 4 տարվա ընթացքում համալսարանն ավարտած շրջանավարտները, ովքեր տիրապետում են անգլերեն լեզվին։
Ընթացքը
Առցանց թեստն անցնելուց հետո մասնակցության հայտ ներկայացրած ուսանողները կհրավիրվեն հարցազրույցի՝ գնահատելու հաղորդակցման հմտությունները, թիմ կառուցելու ունակությունն ու խնդիրներին լուծում տալու ունակությունները։ Վերջին փուլում տեղի կունենա անհատական հարցազրույցը։
Տևողությունը
Ընտրված փորձնակների համար պրակտիկան կտևի 6 ամիս, որի ընթացքում փորձնակները կաշխատեն իրական նախագծերի վրա և կվարձատրվեն։ Պրակտիկան նախատեսվում է սկսել հուլիսի 10-ից։
Ինչպե՞ս դիմել
Ծրագրին մասնակցելու համար հարկավոր է մինչև ս․թ․ հունիսի 18-ը ներառյալ առցանց հայտ ներկայացնել:
Հարցերի դեպքում կարող եք զանգահարել +374 44 200 447 կամ +374 44 200 446 հեռախոսահամարներով։ Նյութը պատրաստված է ՖՄԱ-ի հետ համատեղ:
