Ամբողջ աշխարհում վերջին մեկ ամսվա ընթացքում աշխատանքի օնլայն հարցազրույցների թիվը աճել է 67%-ով կորոնավիրուսի տարածման պատճառով ըստ ռեքրութմենթի ոլորտում միջազգային ընկերության վերլուծության։ Եվ այս տոկոսի մեջ իր տեսակարար կշիռն ունի նաև Հայաստանը։ Ընկերությունները, որոնք չեն ցանկանում կորցնել իրենց թոփ թեկնածուներին, իրավիճակի շուտափույթ լուծումը գտնում են թվային տեխնոլոգիաներում՝ հարցազրույցները կազմակերպելով տեսազանգերի միջոցով առանց դեմառդեմ հանդիպումների։
Իհարկե, մինչ համաճարակի տարածումը և կառավարության կողմից արտակարգ միջոցների կիրառումը, remote hiring-ի որոշակի մշակույթ արդեն իսկ ձևավորված էր մեր երկրում՝ հատկապես այն ընկերությունների շնորհիվ, որոնց գլխամասային գրասենյակները գտնվում են երկրից դուրս։ Սակայն, այժմ այն նոր մասշտաբով է գործում ու նոր ոճով․ ոչ միայն remote, այլ նաև “from home” 🙂
Եվ սա պահանջում է բոլորովին նոր գործելաոճ ոչ միայն թեկնածուների կողմից, այլ նաև Գործատուների։ Ճիշտ կլինի ասել նաև, որ ինչ-որ ժամանակահատվածով փոխվել է աշխատանք և աշխատակից փնտրելու մշակույթը։
Եվ որպեսզի ապահովվի բարձր պրոֆեսիոնալիզմ, կազմակերպվածություն այս հարցում ու վիրտուալ հանդիպումները արդյունավետ լինեն, մենք առանձնացրել ենք հատուկ խորհուրդներ ձեզ համար։
ԽՈՐՀՈՒՐԴՆԵՐ ԳՈՐԾԱՏՈՒՆԵՐԻՆ
Պատրաստ եղե՛ք
Նախապես ծանոթացեք և մյուս հարցազրուցավարներին նույնպես ծանոթացրեք թեկնածուի CV-ին և թափուր աշխատատեղի համար պահանջվող որակավորումներին։ Նմանապես, անպայման թեկնածուին տեղեկացրեք, թե տեսազանգի ինչ գործիքով է ընթանալու հարցազրույցը, և, իհարկե, անպայման ստուգեք ձեր սարքավորումները։
Ունեցեք հստակ ռազմավարություն
Հաշվի առեք, թե ինչ հմտություններով թեկնածու եք որոնում և, ըստ այդմ, կազմեք ձեր հարցերը, որոնց միջոցով առավել ճշգրիտ կկարողանաք բացահայտել թեկնածուի կարողությունները։
Հաղորդակցվեք բաց և շնորհակալական մոտեցմամբ
Հարցազրույցի անմիջականությունը կախված է նաև ձեր ողջույնից։ Եղեք բաց, ջերմ՝ թույլ տալով թեկնածուին ներգրավվել զրույցում։ Անկախ նաև թեկնածուի համապատասխանությունից՝ միշտ շնորհակալ եղեք հատկացված ժամանակի համար։
Հեռացրեք ուշադրություն շեղող իրերը
Թեկնածուի նկատմամբ ցուցաբերված հարգանքը կարող է դրսևորվել նաև ձեր ուշադրությամբ ու կենտրոնացվածությամբ։
Ժամանակ տրամադրեք թեկնածուին
Քանի որ հարցազրույցը վիրտուալ է, հաղորդակցությունն ավելի մեծ զգոնություն է պահանջում։ Յուրաքանչյուր հարց ու պատասխանից հետո որոշակի ժամանակ տրամադրեք թեկնածուին, որը կօգնի թե հոգեբանորեն, թե մտովի պատրաստվել հաջորդ հարցին։
Հզորացրեք Գործատուի բրենդը
Եվ հիշեք, հարցազրույցները լավագույն միջոց են նաև Ձեր գործատուի բրենդի մասին խոսելու համար։ Հավաստիացեք, որ յուրաքանչյուր թեկնածուի ըստ պատշաճի ներկայացվել են ընկերության արժեքներն ու առաքելությունը, այսպիսով, ևս մեկ անգամ խթանելով Ձեր գործատուի բրենդի հզորացմանը։
Կարող եք կարդալ նաև ««Ես աշխատում եմ տանից»․ ինչ գործիքներ օգտագործել» հոդվածը։
