Դեկտեմբերի 7-ին, ժամը 13:00-ին, Dvin Music Hall-ում կկայանա ՏՏ ոլորտի ամենասպասված ինտելեկտուալ միջոցառումներից մեկը՝ IT Intellectual Cup ամենամյա առաջնությունը։
Առաջնության նպատակն է ձևավորել ինտելեկտուալ շփման և համագործակցության հարթակ ՏՏ ընկերությունների աշխատակիցների միջև՝ խթանելով թիմային մտածողությունը, արագ վերլուծությունը և առողջ մրցակցության մշակույթը։
Այս տարի ևս առաջնությունը կանցկացվի սպորտային «Ի՞նչ, որտե՞ղ, ե՞րբ» խաղի ձևաչափով։ Թիմերը կարող են կազմված լինել 4-8 մասնակցից, իսկ լավագույն թիմերը կվերադառնան ոչ միայն գավաթով, մեդալներով և անակնկալ մրցանակներով, այլև նոր ծանոթություններով ու հուշերով։
Առաջնության ողջ հասույթը փոխանցվելու է «Ազատազէն» կրթական հասարակական կազմակերպությանը և «Արմաթ» Ճարտարագիտական աշխատանոցներին։
Առաջնությունը կազմակերպվում է Առաջատար տեխնոլոգիաների ձեռնարկությունների միության և Թովմասյան Հիմնադրամի ջանքերով։ Առաջնության գործընկերներն են Գիտակների հայկական ասոցիացիան և Dreamshots AM-ը։ Առաջնության ինֆորմացիոն գործընկերներն են How2B և staffmedia.am ընկերությունները։
Մասնակցության պայմաններին և խաղի կանոններին կարող եք ծանոթանալ`անցնելով հղումով․
Գրանցման վերջնաժամկետը նոյեմբերի 25-ն է։
Առաջնության հետ կապված նորությունները բաց չթողնելու համար հետևեք IT Intellectual Cup-ի սոց. Էջերին։
