Շարունակելով MND (Monthly News Digest) ձևաչափը՝ այս անգամ հերթը հունիս ամսվանն է։ Հունիսն ազդարարեց ոչ միայն ամռան սկիզբը, այլ նաև մեր Beyond Podcast-ի մեկնարկը։ Հունիսի MND հոդվածում անդրադարձել ենք նաև աթենքյան հունիսի 1-ին, SalesGame Conf միջոցառմանը և Mastering the Sales Game vol 1 դասընթացի ամփոփմանը։
Հունիսի 1-ը Աթենքում
«Աթենք» ընկերությունը հիմնադրվել է 1993 թ.-ին և բարձրակարգ արտադրանքից բացի աչքի է ընկնում իր մարդակենտրոն մշակույթով։ Աթենքը հոգ է տանում ոչ միայն իր աշխատակիցների, այլև աշխատակիցների փոքրիկների համար։ Սա է վկայում արդեն ավանդույթ դարձած հունիսմեկյան տոնախմբությունը։
staffmedia.am-ի նախորդ հոդվածներից, երևի, արդեն կռահել եք, որ Աթենքում յուրաքանչյուր աշխատանքային օրը տոն է իրենց աշխատանքն անչափ սիրող Աթենքցիների համար։ Բայց այ թե որքան հատուկ են նշվում տոներն այստեղ և որքան ինքնատիպ՝ Աթենքի ոճով, դեռ առիթ չէինք ունեցել պատմելու։ Ուղղենք այս սխալը տարվա ամենաբարի ու լուսավոր տոնի՝ հունիսի 1-ի մասին մեր անդրադարձով։
Beyond Podcast
Հունիսն առանձնահատուկ նշանակություն ունեցավ staff.am-ի համար։ Թողարկվեց Beyond Podcast-ը, որը ստեղծվել է լուսաբանելու այն ամենը, ինչն ընկած է հաջողության հասած մարդու մասնագիտությունից, պաշտոնից և կոչումից այն կողմ։ Ուշադրության կենտրոնում լինելու է հենց մարդը՝ իր անհատականությամբ, գաղափարներով և ասելիքով։ Կիսվել, կրթել և ոգեշնչել․ սա է փոդքասթի առաքելությունը։ Նախագծի շրջանակներում հյուրընկալելու ենք մեր հասարակությունում փոփոխություն գեներացնողներին, մարդկանց, ովքեր իրենց ոլորտում գրանցել են կարևոր, հետաքրքիր և աննախադեպ ձեռքբերումներ, և խոսքն ամենևին էլ զբաղեցրած պաշտոնների մասին չէ։
Փոդքասթի առաջին երեք էպիզոդները, որոնց ընթացքում զրուցել ենք Մադլեն Մինասյանի, Մհեր Մեհրաբյանի և Ռեմ Դարբինյանի հետ, կարող եք դիտել այստեղ։ Չմոռանաք բաժանորդագրվել մեր յութուբյան ալիքին գալիք հետաքրքրաշարժ էպիզոդները բաց չթողնելու համար։
SalesGame Conf
Հունիսի 29-ը, վստահաբար, շատերը կհիշեն որպես նոր ինսայթների, նոր մտքերի և նոր ծանոթությունների օր։ staff.am-ի ջանքերով իրականություն դարձած SalesGame Conf բիզնես միջոցառումը միավորել էր վաճառքով, մարքեթինգով և բիզնեսի զարգացմամբ հետաքրքրված ավելի քան 150 մասնագետի։
Կոնֆերանսի ընթացքում ունեցել ենք պանելային երկու թեժ քննարկում, որին հաջորդել է ինտենսիվ նեթվորքինգը՝ համեղ հյուրասիրության ընկերակցությամբ։ Իսկ միջոցառման զարդը արագ մենթորությունն էր, որն աչքի էր ընկնում պրոֆեսիոնալիզմի բարձր մակարդակով։
Mastering the Sales Game vol 1
Հունիսի 29-ին՝ SalesGame Conf-ի շրջանակներում ամփոփեցինք նաև Mastering the Sales Game vol 1-ը, որի մեկնարկը տրվել էր մայիսի 6-ին։ 2 ամիս տևողությամբ և վաճառքին նվիրված այս դասըթնացը մասնակիցներին զինել է ոչ միայն տեսական գիտելիքով, այլև պրակտիկ հմտություններով։ Պրոդուկտիվ, բովանդակալից, ինտենսիվ՝ ահա դասընթացը մասնակիցների աչքերով։ Դասընթացն այնքան հաջողված էր, որ նույնիսկ հասցրել ենք սկսել vol 2-ը`առավել խտացված և կարճաժամկետ ձևաչափով։
Ի դեպ, շուտով մեկնարկելու է Mastering the Sales Game vol 3-ը, այնպես որ շտապիր ամրագրելու քո տեղը և վերցնելու փորձառության քո չափաբաժինը։
