Disqo ամերիկյան ընկերության մասին բազմիցս ենք խոսել, բայց այս անգամ պատմելու ենք բոլորովին այլ նախաձեռնության՝ DISQOTECH-ի մասին, որը մեկնարկել էր դեռևս պանդեմիայից առաջ` համայնքի հետ կիսվելով տեխնոլոգիաների, տվյալների ու պրոդուկտների (այսինքն՝ այն, ինչն այս պահին ամենապահանջվածն է) փորձով, հմտություններով ու գիտելիքներով։
Իսկ պանդեմիան չէր կարող խոչընդոտել այս նվիրյալ թիմի աշխատանքը․ փոքր-ինչ դադար ու մեծ թռիչք։ Միթափները վերսկսեցին կայանալ բոլորովին այլ ֆորմատով և նոր տիրույթում հատելով գլոբալ սահմանները և ներգրավելով tech գուրուների՝ որպես խոսնակներ։
Կարծում ենք արդեն ձեզ մոտ անհամբերություն առաջացավ, թե ովքեր կարող են այս նախաձեռնությանը մասնակցել, ինչ նպատակով ու ուղղություններով է այն իրականացվում ու այլ շա՜տ հարցեր։ Դե ինչ, եկեք այդ հարցերն ուղղենք Disqo թիմին ու շատ արագ (ընդամենը 2 րոպեում) ստանանք մեր բոլոր հարցերի պատասխանները։
Ի՞նչ է Disqotech-ը․ նպատակն ու ձևաչափերը։
«Հայաստանյան գրասենյակի հիմնադրման իսկ օրվանից նպատակ էինք հետապնդում այստեղ փորձի փոխանակման նոր մշակույթ ստեղծել՝ ներգրավելով մեր բոլոր թիմակիցներին ու ներկայացնելով մեր թիմում կիրառված բազմազան ու նորագույն տեխնոլոգիաները»,– նշում է DISQO-ի համահիմնադիր և տեխնիկական տնօրեն Դրո Քոչարյանը։
Նախաձեռնությունը սկսել էինք ամսական DISQOTECH meetup-ներով, որոնց պանդեմիայի պատճառով միառժամանակ դադար տվեցինք։ Այնուհետև ավելի մեծ թափով ու նոր հարթակներով վերսկսեցինք միասնական արշավի ֆորմատով այն անվանելով՝ Keeping up with DISQOTECH՝ հետևելով DISQOTECH-ին:
Այս արշավի նպատակը մեր տեխնոլոգիաների, տվյալների ու պրոդուկտների թիմերի փորձի փոխանակումն է չորս հիմնական հարթակներում.
- DISQO Developer Blog – developer.disqo.com կայքում պարբերաբար հրապարակում ենք մասնագիտական հոդվածներ մեր թիմերի անդամների կողմից,
- DISQOTECH Newsletter – ամեն ամսվա ավարտին մենք կիսվում ենք համայնքին հետաքրքրող տարբեր նորություններով ու առաջարկներով։ Կարելի է բաժանորդագրվել և առաջինը տեղեկանալ մեր թարմացումներին,
- DISQOTECH Live – Սա ստարտափի առաջին օնլայն վեբինարն է, որը հուլիսի 15-ին հրավիրում է հայկական, ամերիկյան ու եվրոպական ՏՏ համայնքների ներկայացուցիչներին մասնակցելու «Monolith to Microservices: Driving Business Value with Cloud Native Architecture» թեմայով առցանց հանդիպում-քննարկմանը։ Վեբինարի խոսնակը DISQO-ի Պլատֆորմի և անվտանգության տնօրեն Մարկ Բիտներն է, ով նախկինում աշխատել է այնպիսի ընկերություններում ինչպիսիք են Amazon-ը, Grindr-ը և Nexient-ը։ Վեբինարն անվճար է և ընդունում է գրանցման հայտեր։
- DISQOTECH Learning – թիմի անդամների նախագծած թրեյնինգներն են, որոնք անցկացվում են կրթական տարբեր կազմակերպությունների հետ համատեղ։ Առաջինին միանում են թիմից Նաիրա Սիմոնյանը և Հայկ Հովհաննիսյանը՝ Ջավա ծրագրավորման դասընթացով։
Ինչո՞վ է այն առանձնանում և ինչպիսի ազդեցություն կարող է ունենալ աշխատաշուկայի և tech համայնքի զարգացման վրա։
Այս նոր հարթակների և հատկապես վեբինարի առանձնահատկությունը նրանում է, որ սրանց միջոցով մենք կոտրում ենք գեոլոկացիոն սահմանները և մեր մասնագետներին հնարավորություն տալիս իրենց գիտելիքը գլոբալ լսարանին ներկայացնել։ Հակառակ կողմից էլ՝ մեր հայկական ՏՏ համայնքին ներկայացնում ենք մեր մյուս գրասենյակների մասնագետների փորձը ևս։ Օրինակ, հուլիսի 15-ի վեբինարի խոսնակ Մարկը ունի մեծ փորձ Ամազոնում ու այլ խոշոր տեխնոլոգիական ընկերություններում, իսկ այլ պայմաններում նման մասնագետի հետ նախագծեր կազմելը հավելյալ ժամանակ ու ռեսուրսներ կպահանջեին, մինչդեռ մենք դա անում ենք անվճար։
Ընդհանուր առմամբ՝ մենք աշխատում ենք այնպիսի տեխնոլոգիաներով ու լուծումներով, որ թարմություն են մասնագիտական համայնքի համար, քանի որ դրանք կիրառող պրոդուկտներն ու ընկերություններն այստեղ այդքան էլ շատ չեն։ Այսպիսով, նոր գիտելիք ու փորձ ենք ներդնում համայնքի զարգացման համար։
Նաև հպարտանում ենք, որ մեր թիմակիցներն իրենք են մեծ ներդրում ունենում համայնքային զարգացման մեջ։ Ընկերությունն էլ ամեն ինչ անում է այդ հարցում նրանց աջակցելու համար։
Քանի որ այս նախաձեռնությամբ ոգևորված մասնագետները շատ են, կարծում ենք կարևոր է խոսել նաև, թե ի՞նչ պարբերականությամբ են այս կրթական միջոցառումները կազմակերպվելու և ովքեր կարող են մասնակցել։
Մինչև պանդեմիայի սկսելը նախատեսել էինք ամսական հանդիպումներ անցկացնել։ Քանի որ սա հեռավար պայմաններում անհնար դարձավ, մենք որոշեցինք ռեսուրսները դնել վեբինարների մեջ ու կազմակերպել երկու ամիսը մեկ, բայց ներգրավել արդեն ոչ միայն Հայաստանի, այլ նաև մյուս գրասենյակների թիմերին ևս։
Իսկ մասնակցության որևէ սահմանափակում չունենք։ Օրինակ, մեր վեբինարին գրանցվել են և’ կրտսեր մասնագետներ, և՛ Տեխնիկական տնօրեններ թե Հայաստանի, և թե եվրոպական ու ամերիկյան շուկաների ընկերություններից։
Իսկ թե ում համար են նախատեսված մեր միջոցառումները՝ կախված է թեմաներից։
Վերջում DISQO թիմի հետ մեր զրույցը ամփոփեցինք՝ խոսելով նախաձեռնության զարգացման հեռանկարների մասին, որը բավականին մոտիվացնող էր։
Լիահույս ենք, որ գլոբալ տարածում կգտնենք ու կկարողանանք կամուրջ հանդիսանալ մեր մասնագետների ու միջազգային ՏՏ համայնքների միջև։ Սա նաև լավ առիթ է Հայաստանը լքած մասնագետներին հասնելու և այստեղի զարգացող ՏՏ պոտենցիալն ի ցույց դնելու այն հույսով, որ դա իրենց՝ հայրենիք վերադառնալու պատճառ կամ մոտիվացիա կդառնա։
CASE STUDY: Հայաստանի տեխնոլոգիական ներուժն օրեցօր հզորանում է՝ գրավելով միջազգային ընկերությունների ուշադրությունը, որոնք էլ իրենց հերթին դիտարկում են Հայաստանում remote տեխնոլոգիական թիմ ունենալու հնարավորությունը։ Այս հարցում իր զգալի դերն ունի DISQO ընկերության կողմից ձեռնարկված Keeping up with DISQOTECH արշավը, որն իր մեջ ներառում է կրթական տարբեր բաղադրիչներ (DISQO Developer Blog, DISQOTECH Newsletter, DISQOTECH Live, DISQOTECH Learning)։ Այս նախաձեռնության շնորհիվ DISQO հայաստանյան և մյուս գրասենյակների tech մասնագետները գլոբալ համայնքի հետ կիսվում են իրենց կողմից կիրառվող տեխնոլոգիաների, տվյալների ու պրոդուկտների փորձով ու գիտելիքներով։
ԱՌԱՋԻԿԱ ՎԵԲԻՆԱՐՆԵՐ։ “MONOLITH TO MICROSERVICES: DRIVING BUSINESS VALUE WITH CLOUD NATIVE ARCHITECTURE”
