<>,-Լարրի Քինգի խորհուրդները կարիերայի մասին

Նրա ճակատագիրն ամերիկյան երազանքի իսկական մարմնավորումն է: Հրեա ընտանիքի մի տղա երազում է ռադիոյում հայտնվելու մասին և աշխատանքի է տեղավորվում տեղի ռադիոկայանում որպես մաքրող: Մեկ անգամ ռադիոկայանի DJ-ը հիվանդանում է, և Լարրին, իրեն կեղծանուն վերցնելով, հաջողությամբ կատարում է դեբյուտային հեռարձակումը: Եվ սկսվում է Քինգի փառքի ուղին:

Իր կարիերայի ընթացքում անցկացնում է ավելի քան 60.000 հարցազրույց: Լարրի Քինգը համարվում է «Էմմի»  մրցանակի դափնեկիր, Պիբոդի մրցանակի կրկնակի և “Cable ACE” մրցանակի տասնանգամյա դափնեկիր: Հոլիվուդի փառքուղում ունի իր անվանական աստղը: Գրել է բազմաթիվ հոդվածներ, որոնք հրապարակվել են մի շարք ամսագրերում: “Larry King Now” շոուի հեղինակն է: Շոուի վերջին թողարկումը ցուցադրվել է 2010 թվականի դեկտեմբերի 16-ին։ Հաղորդման հյուրը Առնոլդ Շվարցնեգերն էր։

ԽՈՐՀՈՒՐԴՆԵՐ ԼԱՐՐԻ ՔԻՆԳԻՑ

ԱՄԵՆԻՑ ԱՌԱՋ ՍԿՍԵՔ: Եթե Դուք երազում եք սկսել Ձեր կարիերան, դա կապված կլինի ռադիոյի, հեռուստատեսության, կամ այլ բնագավառի հետ, սկսեք որքան հնարավոր է արագ: Քինգը հայտնվեց ասպարեզում, որովհետև, երբ առաջին անգամ պատահական հանդիպեց CBS-ի տնօրենի հետ՝ միանգամից նրան հայտնեց ռադիոյում աշխատելու իր մեծ ցանկության մասին և հարցրեց ինչպես կարող է հայտնվել այնտեղ: CBS-ի տնօրենը նրան խորհուրդ տվեց մեկնել Մայամիի նոր բացվող շուկա, որտեղ կար անհավանական մեծ հնարավորություն սկսնակների համար: Մեկնելով այնտեղ` Քինգը տեղավորվեց ոչ այնքան մեծ ռադիոկայանում՝ որպես օգնական, և զբաղվեց գրեթե ամեն ինչով, նույնիսկ՝ մաքրությամբ: Քինգը խորհուրդ է տալիս կատարել ցանկացած աշխատանք, որը Ձեզ կօգնի հայտնվել բիզնեսում: Եվ հենց այն ժամանակ, երբ դա Ձեզ կհաջողվի աշխատեք նույնիսկ հանգստյան օրերին, վաղ եկեք աշխատանքի և մի հանձնվեք:

ՇԱՐՈՒՆԱԿԵՔ ՓՈՐՁ ՁԵՌՔ ԲԵՐԵԼ: Քինգն ընդունում էր ցանկացած աշխատանք, որը կապված կլիներ լրատվական ասպարեզի հետ, քանի որ չէր ցանկանում բաց թողնել իր գիտելիքները բարելավելու և ավելի փորձառու դառնալու որևէ հնարավորություն: Տեղի շուկայում հաջողությունները նրան բերեցին հարազատ երկիր՝ պատմության մեջ առաջին ազգային ռադիոհաղորդմանը: Շուտով նա աշխատանքի հրավեր ստացավ այդ ժամանակ դեռ երիտասարդ CNN հեռուստաալիքի կողմից:

ՄՆԱՑԵՔ ՀԱՎԱՏԱՐԻՄ ՁԵՐ ՍԿԶԲՈՒՆՔՆԵՐԻՆ: Քինգի համոզմամբ իր հաջողության ամենամեծ գաղտնիքն այն է, որ ինքը երբեք իրեն տույլ չի տվել մոռանալ իր արմատները, թե որտեղից է գալիս և միշտ մնացել է հավատարիմ իր սկզբունքներին: Նրան կարող էին տարբեր ձևերով ներկայացնել աշխատանքը, բայց նա միշտ անում էր նույն ձևով՝ ինքն իրեն տալով հետևյալ հարցերը՝ ո՞վ, ի՞նչ, ե՞րբ և ինչու՞:

ԻՄԱՑԵՔ ՁԵՐ ԴԵՐԸ ԽՈՍԱԿՑՈՒԹՅԱՆ ՄԵՋ: Երբեմն զրույցների ընթացքում անհրաժեշտ է լինում պատմել քո պատմությունը, կամ հայտնել քո կարծիքը, սակայն երբեմն էլ անհրաժեշտ է լինում թուլանալ և պարզապես ներկայանալ որպես միջնորդ: Չնայած այն բանին, որ Քինգը գրել է ավելի քան մեկ գիրք և բազմիցս հանդես է եկել որպես բանախոս, նա իր կարիերայի ողջ ընթացքում լսել է ուրիշներին: Քինգը նշում է, որ երբեք իրեն վեր չի դասել իր հյուրից, որևէ հարցազրույցի ժամանակ: Նա իրեն ընդամենը միջնորդ է համարել զրուցակցի և լսարանի միջև:

ԵՂԵՔ ՀԵՏԱՔՐՔՐԱՍԵՐ: Հմուտ զրուցակից լինելու համար պետք է լինել հետաքրքրասեր, լցվեք տեղեկատվության ծարավով: Տվեք հարցեր, կարդացեք այնքան, որքան կարող եք, որպեսզի միշտ լինեք տեղեկացված:

ԱՊՐԵՔ ՆԵՐԿԱՅՈՎ: Քինգը խորհուրդ է տալիս մտածել միայն ներկայի մասին. «Մոռացեք անցած օրվա մասին, այն արդեն անցյալում է, մոռացեք վաղվա օրվա մասին, դրան դեռ ժամանակ կա»:

ՎՍՏԱՀԵՔ ՁԵՐ ԿԱՆԽԱԶԳԱՑՈՒՄՆԵՐԻՆ: Իր կարիերայի ընթացքում Քինգը միշտ լսել է իր ներքին ձային, ինչն էլ նրան օգնել է կայացնել ճիշտ որոշում՝ մնալ CNN-ում: Սա ռիսկային որոշում էր, քանի որ այն ժամանակ CNN-ը դեռ փոքր ընկերություն էր, որը նոր-նոր էր սկսում քայլեր կատարել դեպի մեծ շուկա, իսկ Քինգը կարող էր ցանկացած այլ ընկերությունում աշխատել մեծ գումարներ. «Կարևոր չէ, որ բնագավառում եք աշխատում, եթե այդտեղ Ձեզ երջանիկ եք զգում, ապա մի հեռացեք: Ոչինչ մի արեք միայն մեծ գումարների համար»:

ԵՂԵՔ ԱՅՆՊԻՍԻՆ, ԻՆՉՊԻՍԻՆ ԿԱՔ: Իմացեք Ձեր ուժեղ կողմերն ու դրանք ներդրեք Ձեր կատարած  աշխատանքի մեջ: Միակ գաղտնիքն այն է, որ որևէ գաղտնիք չկա, պարզապես եղեք բնական:

ԵՐԲԵՔ ՄԻ ՀԱՆՁՆՎԵՔ: Եթե լինեք նպատակասլաց ու համբերատար, ապա Ձեզ մոտ ամեն բան կստացվի: Ձեզ կմերժեն, կհեռացնեն աշխատանքից, սակայն երբե՛ք, երբե՛ք մի հանձնվեք: Քինգի ամենամեծ պարգևը ճանապարհորդությունն է դեպի բարձունք՝ իր բոլոր անկումներով ու վերելքներով: Արդյունքից կարևոր՝ հենց գործընթացն է: Պայքարը հենց անկումների և վերելքների մեջ է:

«Չկա որևէ բան Ձեր ապագայում և նրանում, ինչ պատրաստել է Ձեզ համար ճակատագիրը, որին դուք չկարողանաք հասնել»:
Լարրի Քինգ