Առաջնորդությունն Աթենքում. մարդիկ, որոնք միավորում են

Գործատու ընտրելիս բոլորիս հետաքրքրող կարևոր հարցերից է, թե ով է լինելու մեր ապագա ղեկավարը, ինչ ճանապարհ է անցել ընկերությունում և ինչպես կստացվի համագործակցությունն իր հետ:

staffmedia.am-ում մենք հաճախ ենք անդրադառնում տարբեր ընկերություններում ղեկավարների դերին, ընտրության մոտեցումներին և առհասարակ՝ կառավարման համակարգերին: Այս անգամ մեր զրուցակիցներն Աթենք ընկերությունից են:

Աթենքում ղեկավարների դերը չի սահմանափակվում միայն գործառնական արդյունքներ ապահովելով։ Առաջնորդների ներուժն առանցքային է կազմակերպական մշակույթի ստեղծման, պահպանման և տարածման, ինչպես նաև համագործակցության, հարգանքի և պատասխանատվության միջավայրի ձևավորման գործընթացում։

Գործատուի բրենդավորման մասնագետ Լենա Աբրահամյանն ընդգծում է․

Մենք՝ մեր զարգացման ճանապարհին, վստահ ենք զգում մեր թիմի հետ։ Աթենքում յուրաքանչյուր թիմի ղեկավար գիտի, որ միայն միասնական թիմը կարող է ստեղծել այն անհավանական արդյունքը, որը հաճախ դառնում է հաջողության ֆենոմեն։ Իրենց աշխատանքը սիրող մարդկանց դեպքում «Միասին»-ը կամ «Մենք»-ը միայն միավորների գումարը չէ. դա նոր արժեք է, նոր հարթություն, նոր հնարավորություն։ Վստահաբար կարող ենք ասել՝ մեր ֆենոմենը հենց մարդիկ են:

Խոսելով ղեկավարների ընտրության մոտեցումների մասին, պետք է նշենք, որ Աթենքի հաջողված փորձառություններից է ղեկավարների ներգրավումը՝ տաղանդների զարգացման ճանապարհով: Ընկերության Ներգրավման և պահպանման բաժնի ղեկավար Աննա Միքայելյանը մանրամասնում է երիտասարդ մասնագետներին ղեկավար պաշտոններ վստահելու «աթենքյան» մոտեցումը.

Մենք խրախուսում ենք առաջնորդությունը, և վստահության գրավականը մեզ մոտ ամենևին էլ տարիքը չէ։ Մենք չենք վախենում պատասխանատու պաշտոններ վստահել խոստումնալից և բանիմաց երիտասարդներին: Ասվածի ապացույցն այն է, որ մեր ղեկավարների 70%-ից ավելին իրենց կարիերան Աթենքում սկսել են մասնագետի պաշտոնից։ Շատերի համար սա նաև ղեկավարման առաջին փորձն է։ 
Սակայն սա ղեկավարների ներգրավման միակ ճանապարհը չէ․ ունենք հաջողված համագործակցություններ, երբ թիմին են միացել արդեն փորձառու կառավարիչներ: Ընտրության մոտեցումները երկու պարագայում էլ նույնն են՝ հստակ գիտակցել ղեկավարի դերը, կրել և տարածել ընկերության արժեքները, պահպանել սկզբունքները, լինել պրոֆեսիոնալ, արդյունքամետ և, ամենակարևորը՝ կարողանալ միավորել մարդկանց:

Այս երկու մոտեցումների համադրությունը միավորում է «աթենքյան» ձեռագիրն ու արտաքին նոր հայացքները:

Երիտասարդ մասնագետներին ղեկավար պաշտոններ վստահելը, որքան էլ մոտիվացնող է, միևնույն ժամանակ մեծ պատասխանատվություն է ընկերության համար և պահանջում է հետևողական աշխատանք ղեկավարների զարգացման գործընթացում։ Մեր զրույցից պարզ դարձավ, որ Ընկերության ռազմավարական ուղղություններից մեկն էլ հենց երիտասարդ առաջնորդների զարգացումն է։ 

Ընկերության գործատուի բրենդավորման մասնագետ Լենա Աբրահամյանը ներկայացնում է, թե այս ճանապարհին ինչ մոտեցումներով է առաջնորդվում Աթենքը։

Մեր ընկերությունում երիտասարդ ղեկավարների զարգացման երկու ճանապարհ կա։ Առաջինն օրգանիկ է։ Ամենօրյա աշխատանքը փորձառուների հետ, թափանցիկ համագործակցությունը, տեղեկատվության հասանելիությունը, ներգրավվածությունը որոշումների կայացման գործընթացում, պատասխանատվություն ստանձնելու հնարավորություններն արդյունավետ միջավայր են ստեղծում առաջնորդության հմտությունների և մտածողության զարգացման համար: Երկրորդ ճանապարհն ավելի թիրախային է. մեխանիզմը պարզ է՝ պրակտիկան տեսությամբ է ամուր։ Գիտելիքահեն զարգացումը գրագետ կառավարման ալգորիթմներից է:

Աթենքում 2025 թվականի կարևորագույն ֆոկուսներից է եղել ղեկավարման հմտությունների զարգացումը, և ընկերության ղեկավարները տարվա ընթացքում ներգրավված են եղել տարբեր թրեյնինգային ծրագրերում և մասնագիտական որակավորման բարձրացման դասընթացներում։

Հիմնական նախաձեռնություններից մեկը 8 մոդուլից բաղկացած «Կառավարման հմտություններ» ծրագիրն էր, որին մասնակցել են միջին և բարձր օղակի բոլոր ղեկավարները։

Բացի ներքին ծրագրերից, Աթենքը խրախուսում է միջազգային փորձի ուսումնասիրությունը՝ գործընկեր կազմակերպությունների հետ փոխայցերով, էքսպերտների ներգրավմամբ և արտասահմանյան գործուղումներով։ Այս ամենը թույլ է տալիս ղեկավարներին տեսնել իրենց աշխատանքն ավելի լայն համատեքստում և համադրել տեղական ու միջազգային փորձը:

Առաջնորդության կարևորությունն ընկերությունում ընդգծվում է ևս մեկ անչափ հետաքրքիր նախաձեռնությամբ։ Արդեն 4-րդ տարին անընդմեջ՝ աշնանը, Աթենքի ղեկավարներին միավորում է տարեկան համաժողովը՝ ՌԻԹՄ-ը։

ՌԻԹՄ-ի հետաքրքիր ձևաչափի և անվան պատմության մասին մեզ պատմեց Լենա Աբրահամյանը.

ՌԻԹՄ-ը հապավում է՝ Ռազմավարություն Իրականացնող Թիմային Մարդիկ։ Անվան ընտրությունը պատահական չէ. այստեղ համախմբվում են Ընկերությունում առանցքային դեր ունեցող մարդիկ։ Համաժողովի նպատակը ղեկավարների զարգացումն է, նրանց՝ միևնույն գաղափարի շուրջ համախմբելը և համագործակցային կապերի ամրապնդումը։ Ունենում ենք գերհագեցած օրակարգ՝ թրեյնինգ կամ քննարկում՝ ուղղված առաջնորդության զարգացմանը և թիմբիլդինգային խաղեր կամ էքստրեմալ ակտիվություններ։ Այլ կերպ ասած՝ միասին սովորում ենք, միասին «հաղթահարում փորձություններ» և միասին փորձում գտնել արդյունավետ կառավարման «ալգոՌԻԹՄ»-ը:

ՌԻԹՄ-ը ոչ միայն ուսուցման հարթակ է, այլև մշակութային միջավայր, որտեղ վերաիմաստավորվում է առաջնորդության դերը, ամրապնդվում են կազմակերպության արժեքները և ձևավորվում են նոր կապեր։

Վստահ ենք, որ նման թիմում կարիերան կառուցելու հնարավորությունը պետք չէ բաց թողնել, ուստի անպայման հետևեք Աթենքի կարիերայի էջին staff.am-ում և բաց մի թողեք թիմին միանալու ձեր հնարավորությունը։