Ուզու՞մ ես
- գնահատել առաջնորդման հմտություններդ,
- ստանալ անհատական հետադարձ կապ քո ուժեղ և թույլ կողմերի վերաբերյալ,
- գրանցվել մեր «տաղանդների ռեզերվում»՝ առաջատար կազմակերպություններում հետագա աշխատանքի համար։
Դիմիր «Առաջնորդների քարտեզ» ծրագրին մինչև դեկտեմբերի 2-ը և դարձիր 150 հաջողակներից մեկը։
Շնորհիվ grow edutainment-ի և Ֆիլիպ Մորրիս Արմենիա ընկերության համագործակցության դու կարող
ես մասնակցել միջազգային առաջադիմական այս մեթոդով գնահատմանը ԱՌԱՆՑ ՈՐԵՎԷ ՎՃԱՐԻ։
Մասնակիցների թիվը սահմանափակ է, ուստի շտապիր ամրագրել քո տեղը։
Ո՞վ կարող է դիմել․
Առաջնորդության գնահատման ծրագրին կարող են դիմել բակալավրի ավարտական կուրսի (20+), մագիստրատուրայի ուսանողներն ու ասպիրանտները, երիտասարդ մասնագետներն ու միջին օղակի ղեկավարները։ Մասնակիցները կխմբավորվեն ըստ փորձառության աստիճանի։
Ե՞րբ կարելի է դիմել․
Հայտերն ընդունվում են մինչև 2019 թվականի դեկտեմբերի 2-ը։ Առաջնորդության հմտությունների գնահատումը
կմեկնարկի 2019 թվականի դեկտեմբերի 8-ից։ Յուրաքանչյուր խմբի գնահատումը կիրականացվի մեկ օրվա
ընթացքում։
Գնահատման մեթոդաբանության մասին
“Գնահատման կենտրոնը” անհատների ունակությունների և ներուժի բացահայտման առաջադիմական մեթոդներից է, որը լայնորեն կիրառվում է միջազգային մի շարք կազմակերպություններում։ Գնահատման ընթացքում (սովորաբար 4- 6 ժամ տևողությամբ) մասնակիցները կատարում են մի շարք խմբային և անհատական վարժություններ և դիտարկվում մասնագետների կողմից։ Ծրագրի ավարտին յուրաքանչյուր մասնակից ստանում է անհատական հաշվետվություն իր ուժեղ կողմերի և բարելավման ուղղությունների վերաբերյալ։ Մասնակիցներին նաև տրամադրվում է սերտիֆիկատ։
«grow edutainment» խորհրդատվական կենտրոնի մասին․
grow edutainment–ը անհատների, թիմերի, բիզնեսի ու համայնքի աճի և զարգացման կենտրոն է: Ուսուցման և զարգացման ծրագրերի մշակման և իրականացման ընթացքում մենք կարևորում ենք «կրթազվարճանքի» (edutainment=education+entertainment) մոտեցումը, քանի որ համոզվել ենք, որ զարգացման գործընթացը չի ապահովում ցանկալի վերջնական արդյունք, եթե այն տհաճ է մասնակիցներին: grow edutainment–ի առանձնահատկություններից է այլընտրանքային ֆորմատների և մեթոդների կիրառումը մեր ծրագրերի ընթացքում:
#UNsmoke շարժման մասին․
#UNsmoke-ը կյանքը ծխից ազատելն է: Այս շարժումը միավորում է բոլոր նրանց, ովքեր ցանկանում են ծխից ազատել իրենց, իրենց ընտանիքին և ընկերներին: Ծխի դեմ պայքարը մնում է մարդկության առաջ ծառացած համաշխարհային մարտահրավերներից մեկը։ Հաշվի առնելով վերոհիշյալն ու ներշնչված լինելով առանց ծուխ ապագա ստեղծելու իր առաքելությամբ, Ֆիլիպ Մորրիս ընկերությունը նախաձեռնել է #UNSMOKE-ը՝ որպես աշխարհի ծխողներին, չծխողներին, կարգավորող մարմիններին և փոփոխության համար պայքարողների համախմբող մի շարժում։
