2018 թվականի մայիսին երեք հոգանոց մի խումբ մեկնեց Պրահա՝ ծանոթանալու Մորիս Ուորդ Գրուպի տեսլականին և իր հետ բերելու այն գիտելիքները և հմտությունները, որոնց միջոցով պիտի բացվեր Մորիս Ուորդ Հայաստանյան գրասենյակը։ Այդ պահից ի վեր, Հայաստանյան գրասենյակը դարձել է Մորիս Ուորդ ընտանիքի անբաժան մասնիկն՝ այսօր ունենալով շուրջ 200 աշխատակից իր դինամիկ բազմալեզու և բազմամշակութային թիմերով, որոնք խոսում են 15 և ավել լեզուներով, այդ թվում` անգելերեն, ֆրանսերեն, հոլանդերեն, չինարեն, պորտուգալերեն, իսպաներեն, արաբերեն, պարսկերեն, թուրքերեն, իտալերեն, գերմաներեն, և աջակցում են Մորիս Ուորդ Գրուպի անընդհատ աճող գործառնություններին ողջ Եվրոպայում և ամբողջ աշխարհում։
Ավելի քան 50 տարի առաջ 1968 թվականին ստեղծված Մորիս Ուորդ Գրուպն այժմ գործում է ավելի քան 50 վայրերում, 28-ից ավել եվրոպական երկրներում և ապահովում է բեռնափոխադրումների, պահեստավորման, լոգիստիկայի և մաքսազերծման լուծումներ աշխարհով մեկ:
Այս 6 տարիների ընթացքում, Հայաստանյան գրասենյակը և աշխատակիցները բախվել են տարբեր մարտահրավերների՝ COVID-19, 44-օրյա պատերազմը և 2023 թվականի սեպտեմբերյան իրադարձությունները, որոնք հանգեցրին մեր 120,000 հայրենակիցների հայրենազրկման: Այդ ողջ ընթացքում առանձնահատուկ էր Մորիս Ուորդ Գրուպի ղեկավարության աջակցությունը և, իհարկե, Հայաստանյան գրասենյակի աշխատակիցների նվիրվածությունը իրենց աշխատանքին, նույն պահին հայրենիքին ուղղելով ջանքեր՝ օգնելու մեր հայրենակիցներին։
Մասնավորպես 44-օրյա պատերազմի ընթացքում աշխատակիցները, ինպչես նաև Մորիս Ուորդ Գրուպի ղեկավարությունը մասնակցել են տարբեր հանգանակությունների և կամավորական աշխատանքների։
2023 թվականի սեպտեմբերյան իրադարձությունների ժամանակ, Հայաստանյան գրասենյակի աշխատակիցները հավաքեցին տաք հագուստ երեխաների և ծերերի համար, ինչպես նաև անձնական հիգիենայի պարագաներ, կազմակերպեցին մահճակալների և այլ պարագաների ձեռքբերումն իրենց սեփական միջոցներով, որոնք Հայաստանյան գրասենյակի օգնությամբ տրամադրվեցին տարբեր բարեգործական կազմակերպություններին։
Այս ճգնաժամի օրերին Հայաստանյան գրասենյակի գրեթե բոլոր անդամները նախընտրեցին բարեգործական աշխատանք կատարել Ամանորյա տոնախմբության փոխարեն։ Մորիս Ուորդի ղեկավարությունը ոչ միայն հավանություն տվեց այս գաղափարին, այլև պարոն Մորիս Ուորդը, անձամբ իր մեծ ֆինանսական ավանդն ունեցավ այս գործընթացում։
Իրականացված աշխատանքների արդյունքում՝ աշխատողների ջանքերով, տեղահանված շուրջ 20 ընտանիքների համար Սուրբ Ծննդյան շնորհավորական տուփեր՝ սննդամթերքով, շոկոլադով, և փոքրիկ Սուրբ Ծննդյան խաղալիքներով պատրաստվեցին և փոխանցվեցին Երևանին կից գտնվող համայնքներում բնակվող ընտանիքներին:
Գումարի մի մասն էլ ուղղվեց սահմանամերձ գյուղ հանդիսացող և 11 աշակերտ ունեցող Զեդեայի միջնակարգ դպրոցի համար 4 համակարգիչների և այլ անհրաժեշտ տեխնիկական սարքավորումների գնմանը և տեղափոխմանը։
Զեդեայի բնակիչների և դպրոցի աշակերտների փոխանցած դրական տրամադրությունները և գոհունակությունը, Մորիս Ուորդ Հայաստանի աշխատակիցների համար շատ մեծ ոգևորության աղբյուր դարձավ, և մենք ապագայում էլ շարունակելու ենք սոցիալական ծրագրերի իրականացումը՝ որպես կորպորատիվ սոցիալական պատասխանատվությունը գիտակցող և կրող կազմակերպություն։
