Դեկտեմբերի 8-ին բուռն մթնոլորտում կայացավ staff.am-ի կողմից կազմակերպված HR համայնքի հետ հանդիպումը Մեգերյան կարպետ կենտրոնում, որին ներկա էին ավելի քան 80 HR մասնագետներ մոտ 70 ընկերություններից։
Միջոցառումը շատ հագեցած էր․ կազմակերպվեց շրջայց գորգերի թանգարանում և ցուցասրահում, որի ժամանակ ներկաները ծանոթացան հայկական գորգագործության ակունքներին։
Այնուհետև staff.am համահիմնադիր Վահե Ավետիսյանը և Լուիզա Ավետիսյանը հանդես եկան ողջույնի խոսքերով և ներկայացրեցին staff.am 2019թ․ զարգացման ծրագիրը, ինչպես նաև միջազգային նոր շուկաներ գրավելու հեռանկարները։
HR համայնքի ներկայացուցիչները բավականին ակտիվորեն մասնակցում էին միջոցառմանը՝ ներկայացնելով նաև իրենց տեսակետները staff.am-ի նոր գործիքների վերաբերյալ։ Կազմակերպված «ֆոկուս-խումբ» քննարկման ժամանակ HR մասնագետները փոխանակվեցին կարծիքներով staff.am-ում Գործատուների կառավարման և staff.am հարթակի HireBee դիմորդների կառավարման համակարգերի վերաբերյալ։
staff.am համահիմնադիր Լուիզա Ավետիսյանը նշեց.
Մենք հաճախ ենք կազմակերպում մեր HR համայնքի հետ հանդիպումներ տարբեր նախագծերի շրջանակներում։ Նման մեծամասշտաբ հանդիպում առաջին անգամ էինք կազմակերպել՝ քննարկելու ինչպես staff.am հարթակի առկա գործիքների, առավելությունների և հնարավորությունների մասին, այնպես էլ ներկայացնելու այն տեխնոլոգիական նորարարությունները, որոնք սպասվում են առաջիկա տարում:
2019թ․-ին staff.am-ը կընդլայնի իր աշխարհագրությունը՝ ԱՊՀ երկրներից Ղազախստանում ներկայացնելով արհեստական բանականությամբ աշխատող HireBee պրոդուկտը։ Արհեստական բանականության տարրեր արդեն իսկ մշակվում են staff.am-ում, ինչը բավականին կհեշտացնի հավաքագրման գործընթացը։ Այս մասով կարևոր ենք համարում քննարկել բոլոր այն խնդիրները, որոնք հանդիպում են ՄՌԿ մասնագետների մոտ և կարող են իրենց արդյունավետ լուծումը ստանալ staff.am HR գործիքների միջոցով, – ավելացրեց staff.am համահիմնադիր Վահե Ավետիսյանը։
Հյուրերը հետաքրքիր ժամանակ անցկացրեցին coffee-break-ին և networking-ին հատկացված 30 րոպեների ընթացքում, ձեռք բերեցին նոր ծանոթություններ, կիսվեցին ոլորտի մասին կարծիքներով, և այդ ամենն ուղեկցվեց Մեգերյանի շեֆ-խոհարարի կողմից պատրաստված հին հայկական բաղադրատոմսերով պատրաստված աղանդերի հյուրասիրությամբ։
Մեգերյան կարպետում կազմակերպված <<Հանդիպում staff.am HR համայնքի հետ>> միջոցառմանը հրավիրված էր նաև Alvarium-ը Էննեագրամա պրակտիկ թրեյնինգն անցկացնելու համար։
Շնորհակալություն ենք հայտնում staff.am բոլոր գործընկերներին միջոցառմանն իրենց ակտիվ մասնակցության և արդյունավետ համագործակցության համար։ Ամեն ինչ դեռ առջևում է, և վստահ ենք, որ թե Հայաստանում, և թե միջազգային ասպարեզում սպասվում են օգտակար նորարարություններ՝ ուղղված HR ոլորտի զարգացմանը։
Հ․Գ․ Մեր HR համայնքի անդամներն ակտիվորեն կիսվել են միջոցառումից ստացված տպավորություններով սոց․ մեդիայում 🙂
Միջոցառումը նկարներում
