Մարքեթինգի աշխարհը երբեմն հիշեցնում է մրցավազք՝ անընդհատ նոր ալգորիթմներ, արագ փոխվող թրենդեր, անհասանելի թվացող KPI-ներ։ Սակայն իրական հաջողությունը ծնվում է ոչ թե մրցակցության, այլ համագործակցության ու գիտելիքի փոխանակման արդյունքում։ Հենց այս սկզբունքով էլ Career Factory by staff.am-ը և Yandex Hall-ը համատեղ նախաձեռնեցին MentorPlay | Marketing Edition-ը․ հարթակ, որտեղ մարքեթինգի համայնքի ներկայացուցիչները հնարավորություն ունեցան հանդիպելու ոլորտի լավագույն մասնագետներին, ստանալու իրենց հարցերի պատասխանները, ստեղծելու նոր կապեր և համալրելու մասնագիտական գիտելիքները։ MentorPlay-ը խաղ էր ոչ թե մրակցության, այլ համագործակցության մասին։
Պանելային քննարկում | AI-ն ու մարքեթինգի ապագան
MentorPlay | Marketing Edition-ի մեկնարկը տրվեց հարցերով, որոնք այսօր հնչում են յուրաքանչյուր մարքեթոլոգի մտքում․ մարքեթինգի ո՞ր ուղղություններն են վտանգված դառնալ ոչ ակտուալ, իսկ որոնք են ստանում նոր ռազմավարական արժեք կամ նչպե՞ս պետք է թիմերը վերաիմաստավորեն իրենց կառուցվածքն ու աշխատանքային պրոցեսները, որպեսզի AI-ի հետ համագործակցությունը լինի հնարավորինս արդյունավետ։
Պանելային քննարկման մեր խոսնակները՝ Ալեքսանդր Մերեսկինը, Արսեն Մինասյանը և Եսայի Մելիք-Յոլչյանը, փորձեցին պատասխանել այս հարցերին ոչ թե տեսական, այլ իրական փորձառության վրա հիմնված օրինակներով։ Քննարկումը վարում էր Նանա Մարդոյանը՝ տալով այն խորությունը և ուղղորդումը, որը թույլ տվեց լսարանին հարցերը դիտարկել թե ռազմավարական թե՛ ստեղծագործական դիտանկյուններից։
Քննարկման առանցքում AI-ի ազդեցությունն էր․ ինչպես է այն փոխում բովանդակության ստեղծման արագությունը, գովազդների թիրախավորման ճշգրտությունը և օգտատերերի վարքագծի վերլուծությունը։ Սակայն գլխավոր շեշտադրումն այն էր, որ AI-ը չի նվազեցնում մարքեթոլոգի դերը։ Այն պարզապես տեղափոխում է ուշադրությունը մեխանիկական գործընթացներից դեպի ստեղծագործություն, ռազմավարական մտածողություն և մարդկային կապերի ամրապնդում։ AI-ը գործիք է, որը ճիշտ կիրառվելու դեպքում բրենդերին թույլ է տալիս ստեղծել ավելի խորը և անկեղծ կապ լսարանի հետ։
Խոսնակները կիսվեցին նաև գործնական փորձով՝ պատմելով, թե որ AI գործիքներն ու ավտոմատացված պրակտիկաներն են արդեն տվել տեսանելի բիզնես արդյունքներ, և որ ոլորտներում է ակնկալվում ամենամեծ փոփոխությունը առաջիկայում։
Քննարկումն իրականում ոչ միայն տվեց շատ հարցերի պատասխաններ, այլև առաջացրեց նոր հարցեր։ Մասնակիցները հեռացան ոչ միայն պատասխաններով, այլև նոր մտորումներով այն մասին, թե ուր պետք է ուղղեն իրենց ժամանակն ու ստեղծարարությունը, որպեսզի մարքեթինգի մրցավազքում մնան արդիական ու մրցունակ։
Նեթվորքինգ | Գաղափարների փոխանակում
Պանելային քննարկումից հետո սրահը լցվեց ջերմ ու ազատ երկխոսություններով։ Նեթվորքինգի հատվածը վերածվեց իրական ծանոթությունների ու նոր բացահայտումների։ Մասնակիցներն ու մենթորները կիսվեցին իրենց փորձով, քննարկեցին ոլորտի հաջողություններն ու մարտահրավերները։ Սա ոչ թե բիզնես քարտերի, այլ գաղափարների ու փորձի փոխանակման տարածք էր՝ ևս մեկ անգամ փաստելով MentorPlay-ի գլխավոր առաքելությունը․ ստեղծել համայնք, որտեղ մասնագետները գալիս են ոչ միայն լսելու և սովորելու, այլև կիսվելու սեփական գիտելիքներով։
1։1 speed mentoring | Տասը րոպե՝ արժեքավոր պատասխանների համար
Նեթվորքինգի ազատ ու ջերմ զրույցներին հաջորդեց 1:1 speed mentoring-ը։ staff.am-ի համահիմնադիր Լուիզա Ավետիսյանը մասնակիցներին հորդորեց լավագույնս օգտագործել այն տասը րոպեն, որ ունեն մենթորշիփի համար։
Մասնակիցները հնարավորություն ունեցան անմիջականորեն զրուցելու փորձառու մենթորների հետ՝ ուղղելու իրենց մասնագիտական հարցերը և ստանալու անհատական խորհրդատվություն։
Յուրաքանչյուր զրույց տևեց մոտ 10 րոպե, որից մասնակիցները փորձում էին ստանալ առավելագույնը։ Մենթորները մասնագիտացած էին մարքեթինգի տարբեր ուղղություններում՝ SEO, PPC, influencer marketing, product marketing և այլ ոլորտներում։ Նրանք անմիջականորեն պատասխանում էին մասնակիցների հարցերին՝ կիսվելով գործնական խորհուրդներով և առաջարկելով կիրառելի լուծումներ։
Մասնակիցները ոչ միայն ստացան պատասխաններ իրենց հարցերին, այլև զգացին, թե որքան կարևոր է անմիջական շփումը փորձառու մասնագետների հետ՝ գաղափարները գործնական քայլերի վերածելու ճանապարհին։
Speed mentoring-ի ավարտից հետո, զրուցեցինք նաև մասնակիցների հետ, ովքեր կիսվեցին իրենց տպավորություններով։ Նրանք ևս մեկ անգամ շեշտեցին, թե որքան կարևոր է անմիջական շփումը փորձառու մասնագետների հետ՝ գաղափարները գործնական քայլերի փոխակերպելու և մոտիացվելու համար, և որքան մեծ արժեք ունի նման ձևաչափը՝ նոր հմտություններ ձեռք բերելու և անմիջապես կիրառելու համար։
Մեր գործընկերները | Վստահություն և համագործակցություն
MentorPlay | Marketing Edition-ի հաջողությունը հնարավոր դարձավ շնորհիվ մեր սրտացավ և նորարար գործընկերների, ովքեր հավատացին նախագծին և իրենց աջակցությամբ դարձան մասնագիտական համայնքի ստեղծման առանցքային մաս։
Yandex Hall-ը Yandex Armenia-ի կողմից ստեղծված բաց հարթակ է, որն իր գործունեությամբ միավորում է Հայաստանի ՏՏ համայնքը և ձևավորում միջավայր, որտեղ ծնվում են համագործակցություններ, նոր գաղափարներ և համարձակ նախաձեռնություններ։
Picsart-ը աշխարհի ամենամեծ թվային ստեղծագործական հարթակն է, որն իր AI-ով աշխատող գործիքներով հնարավորություն է տալիս բոլոր մակարդակների ստեղծագործողներին նախագծել, խմբագրել, նկարել և կիսվել բովանդակությամբ՝ լուսանկարներով ու տեսանյութերով։
Արի տանեմ – հայկական առաջին փորձառությունների հարթակը, հայտնի է իր բացառիկ նվեր-տուփերով։ Արի տանեմ-ի շնորհիվ կարող եք նվիրել անմոռանալի փորձառություններ՝ իրերի փոխարեն։
Moossah Wines-ը հայկական գինեգործության ոլորտում առանձնանում է իր հստակ տեսլականով՝ համադրելով ընտանեկան ավանդույթները և ժամանակակից մոտեցումները։ Ապրանքանիշի նպատակն է պահպանել հայկական գինեգործության մշակութային ժառանգությունը և ներկայացնել այն միջազգային հարթակներում։
MentorPlay | Marketing Edition-ը ցույց տվեց, որ մարքեթինգը պարզապես գործիքների ու ալգորիթմների մասին չէ։
Մասնակիցների և մենթորների փոխգործակցությունը, գործընկերների աջակցությունը և ստեղծված ջերմ մթնոլորտը միասին դարձրեցին MentorPlay-ը յուրահատուկ հարթակ՝ նոր գաղափարների ու ստեղծարարության համար։ Մենք ուրախ ենք, որ կարողացանք միավորել մարքեթինգի ոլորտի մասնագետներին և ստեղծել միջավայր, որտեղ յուրաքանչյուրը կարող է քայլ առ քայլ զարգանալ և ձեռք բերել գործնական գիտելիքներ։
MentorPlay-ը խաղ էր, որտեղ հաղթեցին բոլորը։
Իսկ մենք արդեն անհամբերությամբ սպասում ենք հաջորդ հանդիպմանը՝ նոյեմբերի 1-ին, Հայաստանի պրոդուկտ աշխարհի առաջատար ղեկավարների հետ 1:1 մենթորությունների ու թեմատիկ քննարկումների միջոցով բացահայտելու և լուծելու այն մարտահրավերները, որոնց բախվում են պրոդուկտի կառավարման ոլորտի մասնագետները։ Գրանցվելու և մասնակցելու համար, անցեք հղումով․
