Ամռան երկրորդ՝ ամենաջերմ ամիսը, ակտիվ ու շատ բովանդակալից էր նաև staffmedia.am-ում՝ լի հետաքրքիր իրադարձություններով, նորարարական նախագծերով և արժեքավոր հանդիպումներով: Այս ամիսը նշանավորվեց Հայաստանի լավագույն գրասենյակներից մեկին ծանոթությամբ, առաջնորդության խորքային քննարկումներով, ստարտափ էկոհամակարգի զարգացման և մենթորության կարևորությամբ, ինչպես նաև մարքեթինգի նոր չափորոշիչների բացահայտումով։
Միասին ծանոթանանք, թե ինչ նորություններ է բերել հուլիսը։
CEOTalk Davel Creative Agency-ի համահիմնադիր և տնօրեն Էլեն Գասպարյանի հետ
staffmedia.am-ի սիրելի գործընկեր Davel Creative Agency-ն փոփոխություն է բերում մարքեթինգային իրականություն՝ համատեղելով ստեղծարարությունն ու տվյալների վրա հիմնված ռազմավարությունը։ Կրեատիվ տնօրեն Էլեն Գասպարյանի մշակած C.O.S.M.O.S. մեթոդաբանությամբ թիմը օգնում է բիզնեսներին հստակեցնել նպատակները, ձևավորել բրենդի պատմությունը և հասնել չափելի արդյունքների։
Այս մոտեցումը Davel-ին առանձնացնում է՝ թույլ տալով ամեն նախագծում ապահովել ոչ միայն ստեղծագործականություն, այլև բիզնեսի աճի երաշխիք։
Davel Creative Agency-ի ստեղծարար ու կառուցվածքային մոտեցումների մասին և ոչ միայն, խոսել ենք ընկերության կրեատիվ տնօրեն Էլեն Գասպարյանի հետ։
Խորհուրդ ենք տալիս կարդալ ամբողջական հարցազրույցը՝ իմանալու համար՝ ինչպես է Davel-ի թիմը համադրում ստեղծագործականությունն ու վերլուծությունը՝ նպաստելով հաճախորդների բիզնեսի կայուն աճին։
staff.am-ի համահիմնադիրը Seaside Startup Summit 2025-ում՝ մենթորությամբ և փորձով աջակցելով ստարտափներին
Սևանի ափին անցկացված Seaside Startup Summit 2025-ը յոթերորդ անգամ համախմբեց տարածաշրջանի ակտիվ ստարտափ համայնքը՝ վրանային, ոչ ֆորմալ և ստեղծարար միջավայրում։ Միջոցառման առանցքում էին Micro-Acceleration և ինկուբացիոն ծրագրերը՝ համաշխարհային մակարդակի մենթորներով ու բիզնես դպրոցի ներկայացուցիչներով։
staff.am-ը ևս անմասն մնալ չէր կարող այս բացառիկ իրադարձությանը, ավելին Seaside Startup Summit-ին staff.am-ի մասնակցությունն արդեն վերածվել է հաճելի ավանդույթի։ Ինչպես նախորդ տարիներին, այս տարի ևս staff.am և Hirebee համահիմնադիր Լուիզա Ավետիսյանը մասնակցեց և իր փորձը փոխանցեց ստարտափերներին մենթորության և Campfire Talk-երի ընթացքում։ Նա հանդիպեց ավելի քան 20 թիմի, իսկ խարույկի շուրջ հետաքրքիր զրույց ունեցավ առաջնորդության թեմայով ավելի քան 35 մասնակիցների հետ։
Summit-ը ևս մեկ անգամ ապացուցեց, որ ստարտափ էկոհամակարգի ամրապնդման համար անհրաժեշտ են ոչ միայն գաղափարներ և ֆինանսավորում, այլև ճիշտ մարդիկ՝ միավորված մեկ հարթակում։
IDEx vol․2 | Առաջնորդելով փոփոխությունները
Career Factory by staff.am-ի նորարարական հարթակը՝ IDEx-ը, երկրորդ անգամ միավորեց ՀՀ լավագույն ընկերությունների միջին և բարձր օղակի ղեկավարներին՝ այս անգամ քննարկելու փոփոխությունների առաջնորդման թեման։ «World Café» ձևաչափով անցկացված քննարկումները ընդգրկեցին 8 կարևոր ենթաթեմա՝ անորոշ ժամանակներում առաջնորդումից մինչև դիմադրությունից դեպի ներգրավվածություն։
Մասնակիցները կիսվեցին անձնական փորձառություններով և գործնական օրինակներով, իսկ երկրորդ փուլում մի շարք առաջատար փորձագետներ՝ Արմինե Մկրտչյան, Աշոտ Հովհաննիսյան, Կարեն Սարգսյան և Լիանա Խաչատրյան, ներկայացրին խորքային դիտարկումներ և գործնական լուծումներ։
IDEx vol.2-ը դարձավ ևս մեկ արժեքավոր և ոգեշնչող փորձառություն՝ ամրապնդելով մասնագիտական կապերն ու խթանելով առաջնորդության մշակույթը։
Բացահայտեք IDEx vol.2-ի ամբողջ ընթացքը, բացառիկ մտքերը և ոգեշնչող պահերը՝ կարդալով ամբողջական հոդվածը։
Հայաստանի լավագույն գրասենյակները | Բեկոնի գրասենյակը՝ աշխատակիցների աչքերով
«ՀՀ լավագույն գրասենյակներ» նախագծի շրջանակում այցելեցինք Բեկոնի հարմարավետ գրասնեյակն ու ժամանակակից արտադրական համալիրը։ Բնական լանդշաֆտի մեջ ներդաշնակ շենքը, լուսավոր սենյակները, կանաչապատ տարածքներն ու ոգեշնչող քննարկումների սենյակները ստեղծում են աշխատելու և վերալիցքավորվելու իդեալական միջավայր։
Սակայն, եթե մի պահ մի կողմ դնենք ինտերիերի դիզայնը, ներդաշնակ գույներն և ժամանակակից տեխնոլոգիաներով հագեցած արտադրական տարածքը, կմնա ամենակարևորը՝ մարդիկ։ Բեկոնի գրասենյակի իրական հմայքն այն աշխատակիցներն են, ովքեր իրենց ներկայությամբ ու ներդաշնակ համագործակցությամբ ձևավորում են ընկերության մշակույթը։ Ջերմ, միասնական ու աջակցող թիմն է կյանք ու շունչ հաղորդում գրասենյակին։
Առաջարկում ենք բաց չողնել այս հոդվածը և բացահայտել՝ ինչպիսին է Բեկոնի լավագույն գրասենյակը՝ այն մարդկանց աչքերով, որոնք շուրջ 30 տարի ամեն օր ստեղծում են, ապրում թիմային մշակույթով և դառնում երկրի արդյունաբերական առաջընթացի մասը։
