Շարունակում ենք ավանդույթ դարձած MND (Monthly News Digest)-երի շարքը։ Հոկտեմբերը աշնանային ու շատ գունագեղ էր ոչ միայն դրսում, այլև staffmedia.am-ում։ Հոկտեմբերի MND-ին առանձնանում է կարմիրի և կանաչի երանգներով, քանի որ այս հոդվածում անդրադառնալու ենք Կոկա-Կոլա ՀԲՔ Արմենիայի «Ընտանիքի օր» կոչվող միջոցառմանը, Գյումրիում Ինեկոբանկի ինովացիոն աջակցման կենտրոնին, ինչպես նաև staff.am-ի մի քանի միջոցառումներին և նախաձեռնություններին։
Դե ինչ, սկսեցի՜նք։
«Ընտանիքի օր» միջոցառումը Կոկա-Կոլա ՀԲՔ Արմենիայում
Մեր գործընկեր Կոկա-Կոլա ՀԲՔ Արմենիա Ընկերությունը ունի իր աշխատակիցներին ու նրանց ընտանիքներին նվիրված հատուկ օր։ «Ընտանիքի օր»․ հենց այսպես է կոչվում արդեն ավանդույթ դարձած այդ միջոցառումը, որն Ընկերությունը տոնում է սկսած 2018 թվականից։ Այդ օրը Ընկերության բոլոր աշխատակիցները հնարավորություն են ունենում իրենց ընտանիքների հետ վայելելու ուրախ ու հաճելի պահեր, լցվելու դրական էմոցիաներով ու ստեղծելու նոր հիշողություններ:
Այդ ջերմ և ընտանեկան միջոցառումը լուսաբանելու նպատակով staffmedia.am-ի թիմը այցելել էր Կոկա-Կոլա ՀԲՔ Արմենիա, որի արդյունքում պատրաստել ենք մի շատ հետաքրքիր և դրական էմոցիաներով լեցուն տեսանյութ։
staff.am ecosystem business breakfast
Հոկտեմբերի 10-ին Կոնգրես հյուրանոցում տեղի ունեցավ «staff.am-ը՝ որպես էկոհամակարգ» բիզնես-նախաճաշը, որին մասնակցում էր շուրջ 30 գործընկեր։ staff.am-ի համահիմնադիր Լուիզա Ավետիսյանը ներկայացրեց staff.am էկոհամակարգի ընձեռած բոլոր հնարավորությունները կազմակերպությունների շարունակական առաջխաղացման համար։ Մեր էկոհամակարգի 4 ուղղություններն են․
- staff.am – կարիերայի առաջատար օնլայն հարթակ,
- Compass – staff.am-ի անալիտիկ ուղղություն
- staffmedia.am – staff.am-ի մեդիա ուղղություն
- Career Factory – staff.am-ի կրթական ուղղություն։
Մեր գործընկերների կարիքները և խնդիրները էլ ավելի լավ հասկանալու համար ունեցանք նաև ակտիվ քննարկում, որի ընթացքում անդրադարձանք հնչեցրած կարծիքներին և առաջարկներին։
Ամփոփում ենք DigiTec24-ը
Հոկտեմբերի 4-6-ը «Մերիդիան» էքսպոկենտրոնը վերածվել էր նորարարությունների և տեխնոլոգիաների էպիկենտրոնի. մեկնարկել էր DigiTec Expo 2024 տեխնոլոգիական միջոցառումը։
staff.am-ը, որպես ՏՏ համայնքի ակտիվ ներկայացուցիչ, այս տարի ևս չէր կարող բաց թողնել այս բացառիկ հնարավորությունը՝ մասնակցելու ոլորտի ամենաազդեցիկ միջոցառումներից մեկին, բայց այս անգամ՝ արդեն որպես էկոհամակարգ։ staff.am-ը ակտիվ մասնակցություն է ունեցել նաև DigiInvest և DigiTalk միջոցառումներին։
Ինեկոբանկի ինովացիոն աջակցման կենտրոնը Գյումրիում
Հոկտեմբերի 25-ին Գյումրիում հանդիսավոր կերպով բացվեց Ինեկոբանկի հաճախորդների հեռահար աջակցման նոր կենտրոնը՝ համալրված ժամանակակից տեխնոլոգիական լուծումներով և հարմարավետ աշխատանքային պայմաններով։
Կենտրոնի բացումը Ինեկոբանկի հաճախորդներին ավելի է մոտեցնում թվային բանկինգի իրական փորձառությանը։ Սա նաև կարևոր քայլ է մարզերում կայուն տնտեսական զարգացում ապահովելու տեսանկյունից։
Career Factory | staff.am-ի կրթական ուղղության դասընթացները
Հոկտեմբերը նշանակալի էր Career Factory-ի համար, քանի որ մեկնարկեց միանգամից 2 դասընթաց: Հիշեցնենք, որ Career Factory-ն staff.am էկոհամակարգի կրթական ուղղությունն է և մշտապես հանդես է գալիս աշխատաշուկայի պահանջներին համապատասխան կրթական նախաձեռնություններով։
PPC Fundamentals and Optimization
Հոկտեմբերի 8-ին մեկնարկեցինք «PPC Fundamentals and Optimization» էքսկլյուզիվ դասընթացը։ Դասընթացի արդյունքում մասնակիցները կտիրապետեն PPC (Pay-per-click) գովազդների (Google Ads, Meta Ads) հետ աշխատելու նրբություններին և գովազդային արշավների տարբեր տեսակներին (search, display, video, shopping), կկարողանան ստեղծել և կառավարել Google Ads և Meta Ads Manager հաշիվներ, կհմտանան բանալի բառերի (keywords) հետազոտության և լսարանի թիրախավորման գործում, ազատորեն կօգտվեն Google Analytics-ից՝ գովազդային արշավների արդյունքներին հետևելու և վերջիններս հետազոտելու համար, կկարողանան օպտիմալացնել գովազդային արշավները և շատ ավելին։
Mastering the Sales Game vol 4
Ունենալով «Mastering the Sales Game» դասընթացի 3 հաջողված մեկնարկ և գրանցելով հիանալի արդյունք՝ հոկտեմբերի 21-ին մեկնարկեցինք այս տարվա 4-րդ և վերջին դասընթացը։
«Mastering the Sales Game vol 4» վաճառքի և բիզնեսի զարգացման ֆունդամենտալ դասընթացը հնարավորություն է տալիս ձեռք բերելու հիմնարար գիտելիքներ վաճառքի բոլոր փուլերի գրագետ կազմակերպման և բիզնեսի զարգացման մասին։ Դասընթացի ավարտին մասնակիցները տիրապետում են անհրաժեշտ տեխնիկաներին ու գործիքներին՝ կիրառելով դրանք գործնական քեյսերի վրա անմիջապես դասընթացի ընթացքում։
