ԿՍՊ առաջին «Նվիրում» մրցանակաբաշխությունը 

2024 թ․ դեկտեմբերի 13-ին Այ Սի Սի Հայաստանի ազգային կոմիտեն, համաշխարհային Այ Սի Սի-ի աջակցությամբ, կազմակերպում է Հայաստանում Կորպորատիվ սոցիալական պատասխանատվության (ԿՍՊ) գերազանցության առաջին «Նվիրում 2024» մրցանակաբաշխությունը՝ համախմբելով սոցիալական պատասխանատվության գաղափարին նվիրված հայկական և միջազգային բիզնես ընկերություններին։ 

«Նվիրում 2024» մրցանակաբաշխությունը բաց է ՀՀ-ում գրանցված բոլոր փոքր, միջին և խոշոր մասնավոր ընկերությունների համար՝ հնարավորություն ընձեռելով մրցանակ ստանալ հետևյալ անվանակարգերում՝ 

Յուրաքանչյուր անվանակարգի համար մրցանակներ կտրվեն առանձին թե՛ խոշոր, թե՛ փոքր և միջին ձեռնարկություններին՝ երաշխավորելով, որ բոլոր չափերի կազմակերպությունները հնարավորություն ունեն ճանաչման արժանանալու։ Լավագույն ԿՍՊ ղեկավար անվանակարգը կլինի միասնական թե՛ խոշոր, թե՛ փոքր ու միջին ձեռնարկությունների համար։ 

«Նվիրում 2024» մրցանակաբաշխությունը նպատակ ունի խրախուսել պատասխանատու բիզնեսների գործունեությունը Հայաստանում և բարձրացնել կորպորատիվ գերազանցության և պատասխանատվության հանդեպ նվիրվածության մշակույթը։ Այս կարևոր իրադարձությունը կծառայի որպես ոգեշնչման աղբյուր՝ տոնելով մասնավոր ոլորտի ներդրումը շրջակա միջավայրի պաշտպանության, սոցիալական աջակցության և պատշաճ կորպորատիվ կառավարման ոլորտներում։ 

Բոլոր շահագրգիռ ընկերությունները հրավիրվում են մասնակցելու՝ իրենց ներդրումը ճանաչելու և այլ կազմակերպությունների համար օրինակ ծառայելու նպատակով։ Հայտերն ընդունվում են առցանց մինչև ս/թ նոյեմբերի 25-ը ներառյալ։