Staffmedia.am-ի սիրելի գործընկեր Onex-ը տոնում է գործունեության 10-ամյակը։ Անկասկած, 10 տարի ճանապարհ անցնելը մեծ նվաճում է, հատկապես, երբ այն սկսվում է ընդամենը $200-ով և փոքրիկ գրասենյակով՝ հասնելով ոլորտի առաջատարներից մեկի դիրքի։ Ուստի մենք ջերմորեն շնորհավորում ենք մեր գործընկերոջը այս նշանակալի իրադարձության առիթով։
Արդեն մեկ տասնամյակ է Onex-ը հանդիսանում է կամուրջ աշխարհի և Հայաստանի միջև՝ հնարավորություն տալով հազարավոր մարդկանց հեշտությամբ կատարել առցանց գնումներ։ Այս տարիների ընթացքում ընկերությունը ոչ միայն աճել է թվերով, այլև դարձել է մի մեծ ընտանիք, որի հաջողությունը կառուցված է թիմի անդադար աշխատանքի վրա։
Այսօր Onex-ը ոչ միայն ՀՀ առաջին 300 խոշոր հարկատուներից է, այլև երկրի 100 առավել շահութաբեր ընկերություններից մեկը։
Այս 10 տարիների ընթացքում Onex-ի ամենամեծ ձեռքբերումներից մեկը դարձավ թիմի ահռելի աճը։ Ի սկզբանե միայն հիմնադիրներից բաղկացած թիմը այսօր ավելի քան 500 միջազգային մասնագետների մեծ ընտանիք է։ Այս թիմի նվիրված աշխատանքի շնորհիվ Onex-ն այժմ սպասարկում է Հայաստանի միջազգային փոստային պատվերների կեսից ավելին։ Այս աճին զուգահեռ, ընկերությունն ընդլայնել է իր ներկայությունը Հայաստանի բոլոր մարզերում՝ բացելով պատվերների ստացման կետեր։
Առաջատար դիրքը պահելու և հաճախորդների սպասարկումը բարելավելու նպատակով Onex-ն իրականացրել է մի շարք տեխնոլոգիական նորամուծություններ։ Դեռ 2020 թվականին ներդրվեցին առաջին Smart Locker-ները Հայաստանում, որոնք այժմ օրական հազարավոր օգտատերերի են սպասարկում։ Բացի այդ, 2024 թվականին ստեղծվեց ընկերության «Առաքում տուն մարզերում» սեփական ցանցը, որը թույլ է տալիս ամենօրյա առաքումներ իրականացնել անգամ ամենահեռավոր գյուղեր։
ՀՀ ՊԵԿ-ի հետ համագործակցության արդյունքում Onex-ը 2024 թվականի դեկտեմբերին ստացել է մաքսային պահեստի լիցենզիա։ Սա թույլ է տալիս բեռների մաքսային ձևակերպումներն իրականացնել հենց ընկերության պահեստներում՝ արագացնելով ամբողջ գործընթացը։ Այժմ, Հայաստան ժամանած ապրանքները հաջորդ օրը պատրաստ են լինում առաքման Երևանում և մարզերում։
Ընկերությունը ուղիղ համագործակցություն է հաստատել միջազգային առաջատար առևտրային հարթակների հետ, ինչպիսիք են TEMU-ն, Pinduoduo-ն և iHerb-ը։ Այս համագործակցությունները թույլ են տալիս հաճախորդներին տվյալ կայքերից գնումներ կատարել նշելով Հայաստանում իրենց բնակության հասցեն, և առանց Օնէքսի ծառայությունների համար հավելյալ վճարելու ստանալ իրենց պատվերները տանը կամ ստացման վայրերում։
Onex-ը, որպես հայկական առաջատար ընկերություն, վերջին տարիներին ընդլայնել է իր գործունեության սահմանները՝ դուրս գալով միջազգային շուկաներ։ Վրաստանում ընկերությունն արդեն ձևավորել է ավելի քան 100 աշխատակիցներից բաղկացած ուժեղ թիմ, ստեղծել է սմարթ լոքերների ցանց և ապահովում է առաքման ծառայություններ ոչ միայն մայրաքաղաքում, այլև մարզերում։ Սա հնարավորություն է տալիս վրացի հաճախորդներին օգտվել ժամանակակից և հարմարավետ լուծումներից՝ ստանալով նույն որակի ծառայություն, ինչ Հայաստանում։
Միևնույն ժամանակ, Onex-ի բրենդը ներկայանում է նաև Ղրղզստանում՝ franchise ձևաչափով։ Սա կարևոր քայլ է, որը բացում է նոր դռներ ընկերության համար և ամրապնդում նրա դիրքը տարածաշրջանային շուկայում։ Franchise մոդելը վկայում է, որ Onex-ի փորձը, տեխնոլոգիական լուծումները և բիզնես մշակույթը հետաքրքրություն են առաջացնում նաև միջազգային գործընկերների մոտ։
Իր 10 տարվա գործունեության ընթացքում Օնէքսը կայուն կերպով դրսևորվում է որպես սոցիալապես պատասխանատու ընկերություն՝ նախաձեռնելով և աջակցելով բազմաթիվ բարեգործական ծրագրեր, որոնց ակտիվորեն մասնակցում է ողջ թիմը։
Ընկերությունը մեծ կարևորություն է տալիս շրջակա միջավայրի պահպանությանը։ Առաքումները իրականացվում են էլեկտրական մեքենաների միջոցով, իսկ սորտավորման պահեստի ամբողջական հոսանքը ապահովվում է արևային պանելներով։
Օնէքսը նաև հետևողականորեն ներդրում է կատարում կրթական ոլորտում՝ տարիներ շարունակ ֆինանսավորելով տարբեր կրթական ծրագրեր և նախաձեռնություններ։ 2024 թվականին ընկերությունը մեկնարկել է իր սեփական կրթական ծրագիրը՝ Օնէքս Սերվիս Ակադեմիան, որտեղ մասնակիցներին առաջարկվում են լավագույն մասնագետների կողմից իրականացվող անվճար վերապատրաստումներ սերվիս ոլորտում։ Ակադեմիան միաժամանակ սոցիալական պատասխանատվության նախաձեռնություն է, որի նպատակն է նպաստել Հայաստանում գրագետ սպասարկման մշակույթի ձևավորմանը։ Դասընթացի ավարտին լավագույն մասնակիցներին տրվում է հնարավորություն միանալու Օնէքսի սպասարկման կենտրոնի թիմին, ինչը ստեղծում է կայուն աշխատատեղեր և նոր հեռանկարներ երիտասարդների համար։
Եվս մեկ անգամ կարևորելով թիմի ներդրումը Onex-ի զարգացման գործում, ընկերության տնօրեն Սամվել Մարտիրոսյանը նշում է․
Շնորհակալ եմ մեր մեծ թիմին նվիրումով, նպատակասլաց աշխատանքի համար և մեր հաճախորդներին` իրենց խորհուրդների, սրտացավ մոտեցման և վստահության համար:
Օնէքսը՝ դա մենք բոլորս ենք։
Onex-ի անցած տասնամյակը վկայում է, որ վստահությունը, նորարարությունը և աշխատասիրությունը կարող են կարճ ժամանակում փոխել մի ամբողջ ոլորտ։ Սակայն այս տասնամյակը միայն սկիզբն է․ ընկերությունը շարունակում է ընդլայնվել, ներդնել նոր լուծումներ և էլ ավելի բարձրացնել ծառայության որակը՝ ի բարօրություն իր հազարավոր օգտատերերի։
Դե իսկ մեզ մնում է ևս մեկ անգամ շնորհավորել Onex-ին և ասել, որ կարող եք հետևել ընկերության կարիերայի էջին staff.am-ում, որպեսզի բաց չթողնեք օրեցօր ընդլայնվող այս թիմի մասը դառնալու հնարավորությունը։
