Փոգոս՝ տեխնոլոգիական որակյալ լուծումների վստահելի գործընկեր

staffmedia.am-ը շարունակում է հայաստանյան աշխատաշուկայի տարբեր ընկերությունների լուսաբանումը։ Այս հոդվածում անդրադարձել ենք բավականին երիտասարդ, բայց միևնույն ժամանակ արդեն մի շարք հաջողություններ գրանցած Փոգոս ընկերությանը։ Հոդվածում կխոսենք ընկերության պատմության, գործունեության, թիմի և իրականացրած նախագծերի մասին։

Փոգոսի պատմությունը

Ամեն մի ավարտ, մի նոր սկիզբ է․ այս արտահայտությունը լավագույնս է նկարագրում Փոգոսի հիմնադրման պատմությունը։ Ընկերության ապագա համահիմնադիրներ Լիլիթ Ազատյանը և Նաիրա Եզեկյանը աշխատում էին Վինեթիում՝ ԱՄՆ առողջապահական ստարտափում, որը մի շարք պատճառներով փակվում էր։ Սակայն թիմը միասին պահելու և համատեղ աշխատելու ցանկությունը մեծ էր։ Արդյունքում՝ Լիլիթը և Նաիրան որոշեցին հիմնել իրենց սեփական ընկերությունը, որն այսօր արդեն երկու տարեկան է։

Փոգոսը IT ծառայություններ մատուցող հայկական ընկերություն է, որը բարձրակարգ տեխնոլոգիական լուծումներ է տրամադրում ստարտափներին և բիզնեսներին՝ նրանց բիզնես գործընթացները ավտոմատացնելու և արդյունավետ կառավարելու համար։ 

Ընկերությունը տրամադրում է հարմարեցված տեխնոլոգիական լուծումներ, որոնք համապատասխանում են տարբեր ոլորտների պահանջներին։ Փոգոսի նպատակն է աջակցել հաճախորդներին կայուն տեխնոլոգիական հիմքերի ստեղծման գործում՝ անկախ ոլորտից, և ապահովել բիզնեսների հուսալի աճը։ Այսօր ընկերությունը իր 30 հոգուց բաղկացած թիմով աշխատում է ավելի քան 6 ակտիվ նախագծերի վրա։

Հաջողված նախագծեր

Փոգոսը մեծ հաջողությամբ արդեն իսկ համագործակցել է մի շարք առողջապահական ստարտափների հետ, որոնք աշխատում են աշխարհի խոշորագույն դեղագործական ընկերությունների և բժշկական հաստատությունների հետ: Ընկերությունը ստեղծել է լուծումներ, որոնք ապահովում են անհատականացված թերապիաների ավտոմատացումը՝ նվազագույն շեղումներով և առավելագույն արդյունավետությամբ:

Հաջորդ հաջողությամբ իրականացված նախագիծը eCommerce ոլորտում է, որի հետ համատեղ կառուցել են կայուն և արդյունավետ հարթակ վաճառքի բիզնեսների զարգացման համար:

Եվ վերջապես, ընկերության հաճախորդների շարքում իր առանձնահատուկ տեղն ունի Միջին Արևելքում գործող գլոբալ լրատվական հարթակը, որին Փոգոսը աջակցել է տեխնոլոգիական լուծումներով՝ օգնելով կիսել նորությունները աշխարհի հետ՝ արագ և հասանելի ձևով:

Առաջիկայում ընկերությունը նպատակ ունի խորացնել ազդեցությունը առողջապահության ոլորտում՝ շարունակելով տրամադրել նորարարական և հուսալի լուծումներ իր գործընկերներին:

Փոգոսի նպատակասլաց և նորարարական թիմը

Ընկերության գրանցած այս ողջ հաջողությունների հետևում կանգնած է Փոգոսի պրոֆեսիոնալ և փորձառու թիմը, որը մասնագիտացած է հատկապես eCommerce և առողջապահական տեխնոլոգիաների ոլորտներում։ Ընկերության մրցակցային առավելությունը թիմի փորձառության, ճկունության և հաճախորդակենտրոն աշխատանքի մեջ է: 

Փոգոսում գնահատում են թիմային ոգին և նորարարական գաղափարները, ինչն օգնում է իրականացնել նախագծերը լավագույն որակով: Ընկերությունում աշխատելը հնարավորություն է տալիս տեսնելու աշխարհում տեխնոլոգիաների զարգացման ազդեցությունն ու մասնագիտական փորձ ձեռք բերել դինամիկ միջավայրում: Փոգոսում կարևորվում է աշխատակիցների մասնագիտական աճն ու առաջընթացը՝ տրամադրելով անհրաժեշտ աջակցություն և հնարավորություններ նրանց կարիերայի զարգացման համար։

Առաջին թիմային լանչը

Փոգոսը մեծ ուշադրությամբ և խնամքով է մշակում նորեկների ներգրավման գործընթացը։ Նորեկներին տրամադրվում են բոլոր անհրաժեշտ տեղեկությունները՝ առաջին օրվա համար ամբողջությամբ պատրաստ լինելու համար: Միևնույն ժամանակ կազմակերպվում են մի շարք հանդիպումներ, որտեղ նոր աշխատակիցը ծանոթանում է թիմի, նախագծերի, ամենօրյա աշխատանքի և ընկերության մշակույթի հետ, ինչպես նաև հնարավորություն ունի ստանալու բոլոր անհրաժեշտ հարցերի պատասխանները: Բացի այդ, առաջին օրը ընկերությունը կազմակերպում է թիմային լանչ՝ ծանոթանալու նոր անդամի հետ և նպաստելու նրա արագ ինտեգրմանը:

Դե ինչ, եթե դուք ևս ցանկանում եք իրագործել նոր գաղափարներ, փնտրել լուծումներ և անընդհատ աճել, ապա խորհուրդ ենք տալիս հետևել Փոգոսի կարիերայի էջին staff.am-ում, որպեսզի բաց չթողնեք ընկերությանը միանալու ոչ մի հնարավորություն։