Մարտի 28-29-ը 40+ ընկերություններ, 24 առաջատար բանախոսներ և 3000+ հյուրեր կհավաքվեն HolidayInn-ում Recruit Days հետաքրքիր խորագրով միջոցառմանը մասնակցելու համար։ Staffmedia-ի այս հոդվածում անդրադարձել ենք միջոցառման բոլոր մանրամասներին։
Recruit Days-ը՝ Move2Career-ի կողմից կազմակերպվող բիզնես միջոցառում է, որը կարիերայի, նեթվորքինգի և PR-ի հնարավորություններ է տալիս։
Ու՞մ համար է նախատեսված Recruit Days-ը
Միջոցառումը նախատեսված է միջինից բարձր մակարդակի մասնագետների համար։ Այստեղ կարող եք գտնել ձեզ համար թիմ կամ հետաքրքիր նախագիծ, շփվել գործընկերների հետ և նոր գիտելիքներ ստանալ՝ լսելով ելույթները: Move2Career-ն արդեն յոթերորդ անգամ է կազմակերպում նման մասշտաբի միջոցառում, և այս անգամ, բացի աշխատանքային բաղադրիչից, խթանում է հասարակական իմիջ ունեցող ընկերությունների գործունեությունը, նոր բիզնես կապերի ստեղծումը, ինչպես նաև կառավարության հետ փոխգործակցությունը։
Ի՞նչ է սպասվում միջոցառմանը
Recruit Days հարթակում տեղի կունենա «Աշխատանքային թիմի ձևավորումը 202X-ին. մարտահրավերներ, միտումներ, հեռանկարներ» խորագրով լիագումար նիստ:
Նիստի ընթացքում Հայաստանի խոշոր բիզնեսների և պետական գերատեսչությունների ներկայացուցիչները կքննարկեն այն առանցքային խնդիրները, որոնց բախվում են ընկերություններն աշխատանքի ընդունման ոլորտում։ Լիագումար նիստի արդյունքների հիման վրա կձևակերպվի Հայաստանի Հանրապետության կառավարությանն ուղղված առաջարկությունների փաստաթուղթ։
Միջոցառման ընթացքում կլինեն հետաքրքիր թեմատիկ ելույթներ
Ucom-ի, Buy.am-ի, Rostelecom-ի, Առաջին ալիքի, Galaxy Group-ի և հայկական այլ խոշոր ընկերությունների փորձագետները TEDTalks ձևաչափով ելույթ կունենան հետևյալ թեմաներով։ Միջոցառման այս հատվածի խոսնակ է հանդիսանում նաև staff.am համահիմնադիր Լուիզա Ավետիսյանը, ով կխոսի աշխատաշուկայի զարգացման միտումների և 2024 թ.-ի կանխատեսումների մասին։
Թեմատիկ ելույթները կծավալվեն հետևյալ թեմաների շուրջ.
1. «Ի՞նչ IT լուծումներ են ընտրում IT մասնագետները: IT և թվային ընկերություններում թվային միջավայրի ստեղծման օրինակներ»։
2. «202X-երի մասնագիտությունները. ինչպե՞ս մնալ մրցունակ փոփոխվող աշխարհի և միջմշակութային ինտեգրման տասնամյակում»:
3. «Ինչպե՞ս ինտեգրել և մոտիվացնել բաշխված թիմերին: Գիգ տնտեսության և միգրացիոն գործընթացների աճող ազդեցությունը»:
4. «AI. ամրապնդե՞լ թիմը, թե՞ հեռացնել աշխատանքից. բեկումնային կիրառման և մշակույթի ձևավորման օրինակներ»։
5. «Տնտեսություն 4.0. ինչպե՞ս պահպանել զբաղվածությունը գործընթացների թվայնացման և ռոբոտացման պայմաններում»:
6. «Կատակե՞լ թե՞ լուրջ մնալ. ինչպե՞ս կարելի է բրենդը դիրքավորել սոցիալական ցանցերում և գրավել լսարան»:
Recruit Days-ին դուք հնարավորություն կունենաք՝
● Բացահայտելու աշխատանքի բոլոր հնարավորությունները 40+ ընկերություններից երկու օրվա ընթացքում
● Հայաստանի առաջատար ընկերություններում աշխատելու, դրանց մշակույթի և առավելությունների վերաբերյալ հարցեր ուղղելու անմիջապես այդ ընկերությունների HR մենեջերներին։
● Փոխանցելու ձեր ռեզյումեն կամ դիմումը անմիջապես մենեջերին, անցնելու էքսպրես-հարցազրույց և ստանալու հաջորդ փուլի հրավեր
● Մասնակցելու TED Talks-ին և լսելու նախագծերի և պրոդուկտի ստեղծման և զարգացման փորձի մասին ընկերության ղեկավարներից։
Միջոցառման կազմակերպիչների մասին․
Move2Career-ը Հայաստանում կազմակերպել է 7 խոշորագույն աշխատանքի տոնավաճառներ և օգնել 250+ գործատուների և 1000+ աշխատակիցների գտնել միմյանց։
Move2Armenia Career-ը նաև հարթակում տեղադրում է ընթացիկ թափուր աշխատատեղերի մասին տեղեկություն, օգնում է ընկերություններին կադրեր հավաքագրել, կրթական դասընթացներ և հետազոտություններ անցկացնել Հայաստանում աշխատանքային կադրերի հավաքագրման ոլորտում: Move2Career-ը համագործակցում է տարբեր ոլորտներից (ՏՏ, կրթություն, ռեստորանային և հյուրանոցային բիզնես, բանկեր և հեռահաղորդակցություն) հայկական և միջազգային ընկերությունների հետ:
Կազմակերպությունների գրանցման համար, կարող եք կապ հաստատել ըստ ստորև տեղեկատվության։
Սոնա Դանիելյան՝ Recruit Days նախագծի տնօրեն,
career@move2armenia.am+374(44)089-379
Մաքսիմ Շվեցով՝ Move2Career-ի տնօրեն,
career@move2armenia.am, +374(91)527-305
Սյուզաննա Գևորգյան՝ Recruit Days ծրագրի տնօրեն,
portal@move2armenia.am, +374(55)698-068
Տեղեկացեք նաև նախորդ իրադարձությունների մասին․
Անցած տարվա նոյեմբերին կայացած Աշխատանքի տոնավաճառ,
Նույն թվականի հոկտեմբերին կայացած 1000+ աշխատատեղ Արցախից տեղափոխվածների համար,
2022-ի փետրվարին կայացած JobHub տոնավաճառի մասնակիցների վերլուծությունը նույն թվականի վերջին։
