StaffBlog-ի այս նախագծի նպատակն է բոլոր մոտիվացված երիտասարդներին և
ուսանողներին լիարժեք տեղեկատվություն տրամադրել տարբեր ոլորտներում առաջատար ընկերությունների ուսուցանման ծրագրերի մասին։ Ստորև ուրախ ենք ներկայացնել Coca-Cola Երջանկության գործարանի Rise Management Trainee ծրագիրը։
«Մշտապես փնտրում ենք տաղանդավոր
շրջանավարտների, ովքեր հանդես են գալիս
թարմ գաղափարներով և արագ զարգանալով՝
ձևավորում ընկերության գործունեությունը:
Մեր «RISE» նախագիծը մեծ
մասնագիտական ներուժ ունեցող երիտասարդ
մասնագետներին բացառիկ հնարավորություն
է տալիս՝ վճարովի աշխատանք նույնիսկ
առանց աշխատանքային փորձի,
ներգրավվածություն ազդեցիկ ծրագրերում,
այսպիսով կարճ ժամանակում զարգացնելով
առաջնորդի իրենց հմտություններն ու երկու
տարվա ընթացքում մասնագիտական աճ
ապահովելով»,- ասում է «Կոկա-Կոլա Հելլենիկ
Արմենիա» ընկերության գլխավոր տնօրեն
Քրիստոֆ Սպեկը:
ԸՆԿԵՐՈՒԹՅԱՆ ՄԱՍԻՆ
«Կոկա-Կոլա Հելլենիկ Բոթլինգ Քամփնի Արմենիա»-ն Կոկա-Կոլա Հելլենիկ Խմբի շշալցնող ընկերություններից է: Կոկա-Կոլա ընկերությունն արտադրում և իր շշալցնող գործընկերներին է վաճառում խտանյութեր, հիմքեր և օշարակներ, սեփականության իրավունքով տիրապետում է ապրանքանիշերին և պատասխանատու է սպառողների ապրանքանիշային շուկայավարման նախաձեռնությունների համար: «Կոկա-Կոլա Հելլենիկ Բոթլինգ Քամփնի Արմենիա» ընկերությունը հաստատուն ժառանգություն ունի ամբողջ Հայաստանում և ավելի քան 20 տարի զովացնում է տեղի սպառողներին: Մեր ընկերությունն արտադրում է գազավորված և չգազավորված ըմպելիքներ և ջուր: Ընկերությունում աշխատում են 360-ից ավելի մարդ և այն սպասարկում է 3 միլիոն սպառողների Հայաստանի բոլոր շրջաններում: Որպես Հայաստանի խոշոր գործատու և համաշխարհային ապրանքանիշ՝ մենք հպարտ ենք, որ տեղի տնտեսությունում մեր մատակարարման ցանցի միջոցով ներդրել ենք ավելի քան 40 միլիոն եվրո և դեռևս սպասվում է ավելին:
RISE ԾՐԱԳՐԻ ՄԱՍԻՆ
Նորավա՞րտ ես, ցանկանում ես ստեղծել կարիերայի քո առանձնահատուկ ուղին «Կոկա-Կոլա Հելլենիկ Բոթլինգ Քամփնի Արմենիա» ընկերությունում, ուրեմն շարունակիր կարդալ, մենք խոսելու ենք “Rise Management Trainee” ծրագրի մասին՝
Դե ինչ, սկսեցինք․
“Rise Management Trainee” ծրագիրն ապագա ղեկավարների պատրաստման երկամյա ծրագիր է, որն առաջարկում է մեր ընկերության բաժիններից որևէ մեկում երկու տարվա աշխատանք:
Մասնակցելով “Rise Management Trainee” ծրագրին՝ Դուք հնարավորություն կստանաք խորասուզվել Ձեր նախընտրած ոլորտում և ինչու չէ նաև ուսումնասիրել մեր բիզնեսի բոլոր ոլորտները: Առավելություններից կարևորագույնը արագ զարգացման ծրագիրն է և մասնագիտական զարգացման նորարական մոտեցումները: Այս իմաստով կարևոր է այն հանգամանքը, որ շրջանավարտ ուսուցանվող ծրագրի մասնակիցներով, այսինքն արդեն իսկ աշխատակիցներով, զբաղվում են ոչ միայն տվյալ բաժնում. շրջանավարտ ուսուցանվողը գտնվում է Կոկա-Կոլա ՀԲՔ ընկերության Տաղանդների զարգացման խմբի ուշադրության ներքո:
Ծրագիրը կազմակերպվում է յուրաքանչյուր տարի, և հնարավորություն է տալիս շրջանավարտներին և երիտասարդներին համալրել «Կոկա-Կոլա Հելլենիկ Արմենիա» ընկերության մեծ ընտանիքը: Մասնավորապես, ծրագրի իրենց հաջողության պատմությամբ Ձեզ հետ են կիսվում Արենը և Սոֆիան։
«”Rise Management Trainee” ծրագիրն օգնեց ինձ ընդգրկվել մի ընտանիքի մեջ, որ չի սահմանափակվում միայն Հայաստանով: Այն ավելին է, քան ցանկացած մագիստրոսական ծրագիր, իսկ աճի հնարավորությունները չեն սահմանափակվում մեկ երկրով, այլ ընդգրկում են 28 պետություններ: Ես ունեմ իմ 2-ամյա կարիերայի զարգացման հստակ ծրագիրը, որը որոշակիացնում է իմ մասնագիտական անելիքները: Ապագա աշխատակիցներին, ովքեր կընդունվեն այս ծրագրով, մաղթում եմ լինել առավելապես նախաձեռնող, նպատակասլաց և արդյունավետ պլաններ կազմող: Այս որակներն են, որ պետք է առանձնացնեն Rise ծրագրով ընդունված աշխատակիցներին»,- Արեն Հարությունյան, Management Trainee ՄՌԿ բաժնում:
«Ծրագիրն ընձեռում է պրոֆեսիոնալ աշխարհում սկսնակների համար աննախադեպ հնարավորություններ՝ մեծամասշտաբ միջազգային և հանրահռչակ կազմակերպությունում աշխատանքային փորձ, ինքնադրսևորվելու և զարգանալու հնարավորություն: Միավորելով կազմակերպության և պոտենցիալ մասնակցի նպատակները` ծրագիրը կառուցված է մասնակցին իր ընտրության բաժնում աստիճանաբար և սրընթաց աճի միջոցով հասցնելու մինչև մենեջմենթային մակարդակ: Կարող եմ միայն փաստել այն մասին, որ կազմակերպությունը ներդնում է բոլոր միջոցները այս ծրագրի մասնակիցների պրոֆեսիոնալ զարգացման համար և ապահովում է բոլոր համապատասխան պայմանները: Որպես ծրագրի մասնակից՝ տեսնում եմ և ներգրավված եմ լինում կազմակերպության աշխատանքի ամբողջ գործընթացին, հաճախակի շփում եմ ունենում Կոկա Կոլա Հելլենիկի Խմբի հետ, վայելում եմ պրոֆեսիոնալ միջավայրում աշխատելու և հեռանկար ունենալու հնարավորությունը: Բոլոր այն երիտասարդներին, որոնք իրենց մեջ ներուժ են զգում դառնալու ապագա առաջնորդ, կխրախուսեի փորձել իրենց ուժերը և միանալ մեր մեծ թիմին»,- Սոֆիա Բեգլարյան, Management Trainee Արտադրության բաժնում:
RISE ԾՐԱԳՐԻ ԱՌԱՎԵԼՈՒԹՅՈՒՆՆԵՐԸ ԵՎ ՓՈԽՀԱՏՈՒՑՄԱՆ ՓԱԹԵԹՆԵՐԸ
Աշխատավարձ,
Առողջության ապահովագրություն,
Սնվելու հնարավորություն ընկերության ներսում, որի ծախսերի մեծ մասը փակում է ընկերությունը,
Կորպորատիվ տրանսպորտից օգտվելու հնարավորություն,
Աշխատակիցների համար գործում են նաև ամուսնության, ծննդօգնության, ծննդյան և այլ փաթեթներ:
RISE ԾՐԱԳՐԻ ՆՈՐ ՍԵՐՆԴԻ ՀԱՎԱՔԱԳՐՄԱՆ ԳՈՐԾԸՆԹԱՑՆ ԻՐԱԿԱՆԱՑՎՈՒՄ Է
Բազմափուլ գործընթացով։ Դիմորդներին սպասվում են․
թեստեր,
խմբային առաջադրանք,
դերային խաղ,
հարցազրույցներ
և այլն:
Ընտրությունը կատարվելու է ըստ հստակ սահմանված չափորոշիչների: Նախ և առաջ, 
անգլերեն լեզվի գրավոր և բանավոր իմացությունը պարտադիր է: Աննախադեպ է այն հանգամանքը, որ առաջնայնություն չի տրվում աշխատանքային փորձին կամ գնահատականներին, այլ ուշադրություն է դարձվում դիմորդի որոշումների ընդունման կարողությանը, արագ սովորելու ունակությանը, իրադրության մեջ կողմնորոշվելու և պլանավորելու ունակությանը, հաղորդակցության հմտություններին և այլն: Հավաքագրումը կսկսվի հուլիսի սկզբից:
ԴԻՄՈՒՄԻ ԸՆԹԱՑԱԿԱՐԳ
“Rise Management Trainee” ծրագրի թիրախ խումբը նորավարտներն են։ Եթե ավարտել ես 2016թ․-ին կամ դրանից հետո, ապա հետևիր «Դիմել» կոճակին կարիերայի քո հաջողակ ուղին ստեղծելու համար:
Հարցերի դեպքում խնդրում ենք զանգահարել 011 383 702 հեռախոսահամարով:
Կարող եք հետևել նաև «Կոկա-Կոլա Հելլենիկ Բոթլինգ Քամփնի Արմենիա» ընկերության էջին staff.am-ում աշխատանքի նոր հնարավորություններին ծանոթանալու համար։
