Մինչ բոլորս զբաղված էինք ինչ-որ հետաքրքրություններ ու զբաղմունքներ գտնելով այս պանդեմիայի օրերին՝ հայկական Rockbite Games ընկերությունում work from home՝ հեռահար աշխատանքի ռեժիմով թիմը մշակում էր մի սոցիալական գործիք, որը մեր առօրյան էլ ավելի վառ ու հեքիաթային կդարձնի։
Թիմի խենթ ու կրեատիվ մոտեցումն էլ ավելի արագացրեց այդ նոր գործիքի՝ SciFi ոճի Sandship խաղի թողարկումը։ Ընդամենը հաշված ժամեր են մնացել, և բոլորս կարող ենք ինքնամոռաց բացահայտել աշխարհը նորովի 🙂 Իսկ մինչ այդ Rockbite Games ընկերությունից մեզ հետ կիսվեցին խաղի ստեղծման ամենահետաքրքիր դրվագներով։
Պատրա՞ստ եք․․ գնացինք։
Որպես Gamedev կազմակերպություն՝ մեր գործունեությունը դեռևս սկսել ենք 2015 թվականին, իսկ արդեն 2017թ․ մարտին ունեցանք մեր առաջին հայտնի մոբայլ խաղի` Deep Town-ի ռելիզը, որը շատ կարճ ժամանակում ունեցավ միլիոնավոր ներբեռնումներ, և դեռ մինչ այսօր էլ շարունակում ենք պարբերաբար թարմացումներ անել խաղի վրա: Այս մի քանի տարիների ընթացքում մեր թիմը համալրվեց game սպեցիֆիկ մասնագետներով, և արդեն գրեթե երկու տարի է աշխատում ենք մեր նոր խաղի՝ Sandship-ի վրա, որը համաշխարհային շուկա է դուրս գալու հայաստանյան ժամանակով մայիսի 6-ի երեկոյան և հասանելի է լինելու Android և iOS հարթակներում։
Կուզեմ մի քիչ պատմել խաղի ստեղծման պրոցեսի ու իր առանձնահատկությունների մասին։
SANDSHIP ԽԱՂԻ ՄԱՍԻՆ
Sandship-ը SciFi ոճի` ռեսուրս մենեջմենթ խաղ է, որտեղ իրադարձությունները տեղի են ունենում պոստապոկալիպտիկ ժամանակաշրջանում։ Խաղացողը կառավարում է վերջին հսկա “Sandship” մեքենան՝ արհեստականորեն ինտելեկտուալ մեգագործարանը, որը շրջում է հեռավոր մոլորակի անվերջ անապատներով:
Վթարից հետո այն արթնանում է մի փլատակների աշխարհում և սկսում իր աշխատանքը: Միացե՛ք մեզ այս ճանապարհորդության մեջ` հայտնաբերելու և վերհիշելու մոռացված տեխնոլոգիաները, սարքեք, տեղադրեք նոր ռեսուրսներ՝ ավելի մեծացնելով ձեր մեքենան։ Եթե ծանոթ եք հայտնի Factorio խաղին, ապա կարող եմ ասել, որ այն հանդիսացել է մեր ոգեշնչման աղբյուրը։
SANDSHIP ԽԱՂԻ ԱՌԱՆՁՆԱՀԱՏԿՈՒԹՅՈՒՆՆԵՐԸ
Խաղն ունի մի քանի հետաքրքիր առանձնահատկություններ, որի մասին անպայման ցանկանում եմ խոսել․
Նախ` ուզում եմ նշել, որը խաղը հասանելի է լինելու նաև հայերեն լեզվով։
Խաղի համար ստեղծվել է հատուկ այբուբեն մեր նկարիչների կողմից։
Խաղում ունենք շատ ռեալիստիկ եղանակային և գիշեր ցերեկվա անցումներ, որոնք բնորոշ են սովորաբար 3D խաղերին, այնինչ մեր խաղը 2D է։
Նաև ուզում եմ առանձնացնել, որ խաղի վիզուալ էֆեկտների համար մեր թիմը հատուկ թուլ է մշակել։
ԽԱՂԻ ՍՏԵՂԾՄԱՆ ՊՐՈՑԵՍԸ 🙂
Խաղի ստեղծման պրոցեսն ինքնին շատ հավես ու կոմպլեքս գործընթաց է, որը պահանջում է նվիրվածություն և լիքը կրեատիվություն։
Ուզում եմ նշել նաև, որ “Sandship”-ի դեմո վերսիան ներկայացվել ու ճանաչվել է լավագույններից indie խաղերի մեջ այս տարի Բոսթոնում կազմակերպված PaxEast գեյմինգ միջոցառմանը, նաև Տոկիոյի “Sandbox” -ին, որը, ցավոք, չեղյալ հայտարարվեց պանդեմիայի պատճառով։
Խաղի ստեղծման ընթացքում ունեցել ենք բազմաթիվ հետաքրքիր պահեր, բայց կցանկանամ առանձնացնել այն, որ մինչև պանդեմիան հասցրեցինք ձմռանը ծրագրավորողների թիմով մեկնել Անգլիա՝ Օքսֆորդ, 10-օրյա ռիթրիթի, ինչը հնարավորություն տվեց ավելի ինտենսիվ աշխատել և վերջնականացնել խաղը։
Վերադարձից հետո բոլորս անցանք Work From Home-ի, և արդեն երկու ամիս է ինչ թիմն ամբողջությամբ աշխատում է տնից, բայց շարունակելով աշխատանքի նույն տեմպը՝ հասանք նրան, որ մայիսի 6-ին երեկոյան կունենանք ռելիզ։
Դե ինչ, վերցնում ենք ամսի 6-ին հեռախոսները, որպեսզի, անպայման, ներբեռնենք ու խաղանք “Sandship”-ը։
ԱՇԽԱՏԱՆՔԻ ՀՆԱՐԱՎՈՐՈՒԹՅՈՒՆՆԵՐ ROCKBITE GAMES-ՈՒՄ
- Java Engineer (Game)
