ServiceTitan. staff.am այցը ամերիկյան ստարթափ ընկերություն

Աշխատանքներ

Հետևել

Եթե հիշում եք, ընդամենը մի քանի ամիս առաջ ServiceTitan ամերիկյան հաջողված ստարթափը, որը տնային ծառայությունների ոլորտում բիզնես կառավարման լուծումներ է առաջարկում, հայտարարեց Հայաստանում գրասենյակ բացելու մասին և սկսեց իր թոփ մասնագետների հավաքագրումը staff.am-ի միջոցով։ Այդ անչափ ոգևորիչ էր և աշխատակիցների առաջին փուլով հավաքագրումից հետո մենք որոշեցինք այցելել ServiceTitan՝ Ձեզ հետ կիսվելու հայկական երիտասարդ թիմի ձեռքբերումներով ու հաջողություններով։

Այցի ընթացքում մենք հասցրեցինք հարցազրույց ունենալ բոլոր թիմակիցների հետ։ Ու ողջունելի էր այն փաստը, որ բոլորն էլ կիսում էին նույն գաղափարը՝ տրամադրել նորարար և ավելի օպտիմիզացված լուծումներ բիզնեսները կառավարելու համար։ 

Եվ այսօր բոլորս ենք տեսնում թիմի հաջողությունները, ServiceTitan-ը շարունակում է համալրել իր թիմը Հայաստանում արդեն ոչ միայն ինժեներական ուղղվածությամբ, այլ նաև հաճախորդների աջակցման և պրոդուկտի կառավարման։

[divider style=”double” top=”20″ bottom=”20″]

ServiceTitan ամերիկյան ստարթափ ընկերությունը հիմնադրվել է 2012թ․ ամերիկահայ գործարար Արա Մահդեսյանի և Վահե Կուզոյանի կողմից։ Նրանք միասնական ջանքերով մշակել են այնպիսի ծրագրային ապահովում, որն օգնում է շինարարության ու կենցաղային սպասարկման ոլորտներում աշխատող ընկերություններին։ Ծրագիրը թույլ է տալիս հետևել իրականացվող աշխատանքներին, վերահսկել վաճառքները, կապ պահպանել հաճախորդների հետ։

Հայ հիմնադիրների կողմից ստեղծված ընկերությունն այժմ առաջատարներից է իր ոլորտում  և ունի ավելի քան 2500 հաճախորդ ընկերություն ողջ ԱՄՆ-ի տարածքում: Դրանք ներկայացնում են 50 հազ. տեխնիկական մասնագետի, որոնք տարեկան ավելի քան 10 մլրդ գործարքներ են իրականացնում տնային ծառայությունների ոլորտում:

ServiceTitan-ն արդեն ունի ավելի քան 600 աշխատակից Լոս Անջելեսում և Ատլանտայում։ Թիմը բազմազան է,  բայց բոլորն էլ անկախ ազգությունից իրենց ամենօրյա աշխատանքի շնորհիվ նպաստում են ընկերության հաջողությանը և պրոդուկտի զարգացմանը։

2018թ․ հայ հիմնադիրները որոշեցին Հայաստանում ներկայացուցչական գրասենյակ բացել՝ հաշվի առնելով հայերի մասնագիտական ներուժը։ 

[divider style=”dotted” top=”20″ bottom=”20″]

[one_fourth]Մեր մասին[/one_fourth][one_fourth]Թիմակիցներ[/one_fourth][one_fourth]Բենեֆիթներ[/one_fourth][one_fourth_last]Տեսահարցազրույց[/one_fourth_last]

[divider style=”dotted” top=”20″ bottom=”20″]

ServiceTitan ԹԻՄԱԿԻՑՆԵՐ

Աշոտ Տոնոյան
Operations Director

[divider style=”dotted” top=”20″ bottom=”20″] [one_third]

Կարեն Հարությունյան
Senior Software Engineer

[divider style=”dotted” top=”20″ bottom=”20″] [/one_third][one_third]

Էդգար Իսաջանյան
Software Architect

[divider style=”dotted” top=”20″ bottom=”20″] [/one_third][one_third_last]

Արթուր Գևորգյան
Senior Software Architect

[divider style=”dotted” top=”20″ bottom=”20″] [/one_third_last] [one_third]

Դավիթ Խաչատրյան
Senior Software Architect

[divider style=”dotted” top=”20″ bottom=”20″] [/one_third] [one_third]

Արման Զաքարյան
Junior data scientist

[divider style=”dotted” top=”20″ bottom=”20″] [/one_third] [one_third_last]

Անուշ Մովսիսյան
Office manager

[divider style=”dotted” top=”20″ bottom=”20″]

[/one_third_last] [divider style=”double” top=”20″ bottom=”20″]

ServiceTitan-ի Հայաստանում գրասենյակ բացելու, գործունեության և զարգացման հեռանկարների մասին առավել մանրամասն խոսեցինք հայկական ներկայացուցչության Operations Director Աշոտ Տոնոյանի հետ։

– Ինչպես գիտեք, ընկերության հիմնադիրները Գլենդելում ապրող և մեծացած հայեր են։ Մեր երկրում նախորդ տարի տեղի ունեցած իրադարձություններից հետո նրանք որոշեցին իրենց մասնակցությունն ունենալ երկրի զարգացման գործում և բացել նորարարական կենտրոն՝ հավատալով հայկական տաղանդին և ներուժին։

– Հայաստանում գրասենյակ ունենալու առավելություններից մեկն այն է, որ մենք՝ հայերս, սիրում ենք վիճել, դա բերում է նորարարական լուծումների։

Աշոտից հետաքրքիր էր տեղեկանալ նաև՝ ինչ տեղ է զբաղեցնում Հայաստանը և հայկական թիմը ServiceTitan համակարգի զարգացման գլոբալ հեռանկարներում։

– Նշենք, որ ServiceTitan հայաստանյան թիմը հանդիսանում է ընդհանուր կազմակերպության լիարժեք մաս, որը սկզբնական փուլում ներգրավված է պրոդուկտի տեխնոլոգիական զարգացման գործում, իսկ շուտով նաև հաճախորդների աջակցման և պրոդուկտի կառավարման։ Անցյալ շաբաթ Հայաստանում էին համահիմնադիրներից Վահեն, Engineering VP-ն,  TPM Director, Customer Success VP-ն և ամերիկյան գլխամասից մի շարք ներկայացուցիչներ։ Մենք միասին լուրջ քննարկումներ ունեցանք Հայաստանում թիմի ընդլայնման հետ կապված։  Հունիսին արդեն նախատեսում ենք ունենալ նոր աշխատակիցներ հաճախորդների և պրոդուկտի կառավարման բաժիններում, իսկ ամռան վերջին նախատեսում ենք ավելի մեծ գրասենյակ տեղափոխվել հետաքրքիր և ժամանակակից լուծումներով։

– Մինչև տարեվերջ նպատակ ունենք նաև ընդլայնել մեր թիմը՝ ներգրավելով մինչև 50 աշխատակիցներ, իսկ առաջիկա տարվա ընթացքում՝ 100-150:

ServiceTitan-ում մենք վստահ ենք, որ հայկական թիմն ու Հայաստանն իր առանձնահատուկ դերը կունենա պրոդուկտի հետագա զարգացման մեջ, քանի որ մենք տրամադրում ենք ոչ միայն ամենօրյա խնդիրների լուծումներ, այլ նաև առաջարկում ենք նորարարական մոտեցումներ հետագայում այդ խնդիրներն առավել արդյունավետ լուծելու համար։

Իհարկե, կարող ենք ասել, որ ServiceTitan հայաստանյան գրասենյակում տիտանյան աշխատանք են կատարում, մի կողմից հավաքագրելով ավագ մասնագետների, որոնց պահանջարկը Հայաստանում շատ մեծ է, իսկ մյուս կողմից նպաստելով փորձառու մասնագետների աճին՝ խորացված մասնագիտական դասընթացներ կազմակերպելով։

– Ներկա պահին աշխատաշուկայում կան շատ լավ մասնագետներ, ովքեր ինչ-ինչ պատճառներով չեն համապատասխանում մեր ընկերության պահանջներին։ Խորացված դասընթացների միջոցով մենք ցանկանում ենք նրանց տալ բոլոր այն անհրաժեշտ գիտելիքները, որոնք բավարար կլինեն նախևառաջ հարցազրույցը բարեհաջող անցնելու համար, ապա հաջողության դեպքում միանալու մեր թիմին։ Ի դեպ, այս պահին արդեն ընթանում են .Net դասընթացները փորձառու ինժեներների համար։

Որպես Հայաստանում նորաստեղծ ընկերություն՝ Աշոտը պատմեց՝ ինչ սկզբունքներ ու արժեքներ են ընկած թիմային կազմավորման հիմքում։

– Մենք ունենք երեք հիմնական սկզբունք՝ փոխել մարդկանց կյանքը։ Ինչպես գիտեք ServiceTitan-ը հեշտացնում է ծանր աշխատանք կատարող մարդկանց գործը։ Մեր երկրորդ արժեքը՝ հասնել գերհաջողության (արտակարգին), և երրորդը՝ be a great team (լինել լավագույն թիմը)։

[divider style=”double” top=”20″ bottom=”20″]

Աշխատանքի առանձնահատկությունների և տեխնոլոգիական մարտահրավերների մասին շարունակեցինք զրույցը Կարենի հետ, ով ServiceTitan հայաստանյան մասնաճյուղը հիմնելուն պես միացել է ընկերության թիմին՝ որպես Senior Software Engineer:

– Աշխատանքն առանձնանում է հետաքրքիր խնդիրներով, օրինակ՝ ենթակառուցվածքների կազմակերպումը, խնդիրների հայտնաբերումը և ամպային տեխնոլոգիաների կիրառմամբ ավտոմատացված լուծումների տրամադրումը։ Ամենօրյա աշխատանքի ընթացքում առնչվում ենք նաև արհեստական բանականության որոշակի խնդիրների, որոնց լուծումները տրվում են անմիջապես հայաստանյան թիմի կողմից։

– Ընդհանուր առմամբ, գործ ունենք մեծ համակարգի հետ, որը բաղկացած է տարբեր մասերից և ապահովում ենք բոլորի ինտեգրումը և անխափան աշխատանքը միմյանց հետ։ Թարմացումների կամ խնդիրների դեպքում մենք ունենում ենք ավտոմատացված լուծումներ, մշտադիտարկում և իրական ժամանակով խնդիրներին արձագանքելու հնարավորություն, ինչը շատ լավ հնարավորություն է ընձեռում անընդհատ նորը սովորելու և գիտելիքները թիմակիցների հետ կիսելու համար։

Կարենից նաև տեղեկացանք՝ ինչ գործիքներ են կիրառվում ServiceTitan-ում նախագծերի կառավարման համար։

– Աշխատում ենք Agile գործիքներով։ Յուրաքանչյուր թիմ կիրառում է տարբեր գործիքներ՝ հաշվի առնելով պրոդուկտի առանձնահատկությունները։ Որոշ թիմերի աշխատանքը համակարգվում է նախագծի կառավարիչների կողմից, իսկ ինժեներների պարագայում հիմնականում կարևորվում է անկախ աշխատանքը՝ ինքնուրույնությունը։ Տրամադրվում է հնարավորինս ազատություն համապատասխան պատասխանատվությամբ։

[divider style=”double” top=”20″ bottom=”20″]

Դավիթի հետ, ով զբաղեցնում է Senior Software Architect պաշտոնը, խոսեցինք այն մասնագիտական և տեխնոլոգիական ուղղությունների մասին, որոնցով հավաքագրվում է տեխնիկական թիմը։

– Մեր ծրագրերում օգտագործվում են բազմաթիվ տվյալների կառույցներ (data structure), այդ պատճառով մասնագիտական տեսանկյունից թեկնածուի մոտ շատ կարևորում ենք ալգորիթմական գիտելիքները և տվյալների կառույցների հետ աշխատելու հմտությունները։

– Տեխնոլոգիաների առումով ServiceTitan-ում այս պահին կարևորում ենք .NET տեխնոլոգիան և կիրառում այն գլխավոր ծրագրերում։ Հետագայում պլանավորում ենք անցում կատարել .NET Core տեխնոլոգիային, իսկ front-ային ծրագրերում ակտիվորեն օգտագործվում է ReactJS-ը։ Database-երի համար մեզ համար առաջնային է Microsoft SQL-ի իմացությունը։

Դավիթը մեզ հետ կիսվեց նաև պոտենցիալ թիմակիցներին ուղղված խոսքով՝

– Կարող եմ ասել, որ ձևավորվել է հրաշալի թիմ տաղանդավոր մասնագետներով, որտեղ առաջնայինը կարևորում ենք մարդկային հատկանիշները։ Բոլորս նվիրված ենք մեր աշխատանքին, պրոդուկտին, որն արագ տեմպերով զարգանում է, իսկ ընկերությունն իր հերթին ամեն քայլ անում է աշխատակիցների հարմարավետությունն ապահովելու համար։

– Ինչպես նաև ամենօրյա աշխատանքի շնորհիվ կարողանում ենք նորանոր գիտելիքներ ձեռք բերել, ինչը լավ հնարավորություն է ցանկացած մարդու համար՝ ներգրավված լինել մեր ընկերությունում և ունենալ նույն բենեֆիթները։

[divider style=”double” top=”20″ bottom=”20″]

Պատահական չէր, որ մասնագիտական աճի հնարավորությունների մասին խոսեցինք Արթուրի հետ, քանի որ չնայած ServiceTitan-ի Հայաստանում գործունեության կարճ ժամանակահատվածի, նա արդեն հասցրել էր գործուղվել ԱՄՆ։

– Այստեղ կան մասնագիտական աճի բազմաթիվ հնարավորություններ սկսած ընկերության ներսում լավագույն մասնագետների հետ փորձի փոխանակումից մինչև գործուղումներ ԱՄՆ գլխամաս։

– Ամենակարևոր առավելություններից մեկն այն է, որ թիմերը բաժանված են ուղղահայաց, և յուրաքանչյուր մասնագետ աշխատում է և՛ backend-ի, և՛ frontend-ի հետ։ Նաև տարբեր թեստեր ենք գրում, ներգրավված ենք ինֆրաստրուկտուրաների, օպտիմիզացիոն ալգորիթմների մշակման մեջ, որոնք մասնագիտական աճի համար շատ կարևոր են։

– ServiceTitan-ը նաև կազմակերպում է գործուղումներ դեպի Միացյալ նահանգներ, որտեղ փորձի փոխանակում ենք ունենում բարձրակարգ մասնագետների հետ, ինչպես նաև կազմակերպվում է բիզնես գաղափարների ուսուցում։

[divider style=”double” top=”20″ bottom=”20″]

Արմանի հետ, ով վերջերս է միացել թիմին որպես Junior Data Scientist, խոսեցինք իր աշխատանքի առանձնահատկությունների և ընկերությունից իր սպասելիքների մասին։

– ServiceTitan-ին միացել եմ 2019 թվականի փետրվարի սկզբին, չնայած ընկերության մասին լսել էի դեռ սեպտեմբեր-հոկտեմբեր ամիսներին։ Ստացածս առաջին ինֆորմացիան ընկերության մասին այն էր, որ առաջին հայկական Unicorn startup-ն էր, ինչից կախված սպասելիքներս մեծ էին ընկերությունից։ Երբ իմացա, որ թափուր աշխատատեղ կա, որոշեցի դիմել։ Ընդունվեցի աշխատանքի և կարող եմ ասել, որ սպասելիքներս լիովին արդարացան 🙂

Իսկ ո՞րն է Ձեր աշխատանքի առանձնահատկությունը։

– Ընկերությունում աշխատում եմ որպես տվյալագետ։ Ընդհանուր մեքենայական ուսուցումը և մեծ տվյալներն այստեղ օգտագործվում են հիմնական գործառույթներն օպտիմիզացնելու նպատակով (խոսքը ժամանակի և ֆինանսական օպտիմիզացիայի մասին է):  Այն բիզնեսները, որոնք օգտվում են ServiceTitan-ի ծառայությունից, խնայում են իրենց ժամանակն ու ֆինանսները։

[divider style=”double” top=”20″ bottom=”20″]

Ինչպես գիտենք, ՏՏ ոլորտում ընկերությունների ընտրության հնարավորությունը մեծ է Հայաստանում։ Էդգարից հետաքրքիր էր իմանալ, թե որն է եղել ամենամեծ ոգևորությունը՝ որպես գործատու ServiceTitan-ին միանալու համար։

– Մինչ ServiceTitan թիմին միանալը աշխատել եմ բազմաթիվ ընկերություններում, հիմնականում միջազգային։ Ընկերներիցս իմանալով, որ այստեղ են գալու ServiceTitan-ի համահիմնադիրները, շատ ոգևորվեցի։ Այնուհետև մասնակցեցի համահիմնադիրների talk-ին, սկսեցի հետաքրքրվել, թե ինչ ազատ հաստիքներ են նախատեսում ունենալ։ Այցելեցի staff.am, նկատեցի ընկերության էջը, դիմեցի Software Architect-ի պաշտոնի համար և հաջողությամբ անցա աշխատանքի 🙂

– Ոգևորությանս հիմնական առիթն այն էր, որ ես կարող եմ աշխատել մի ընկերությունում, որը Լոս Անջելեսում մեծ հաջողության է հասել և որի հիմնական նպատակն է հեշտացնել մարդկանց կյանքը՝ առաջարկելով բիզնես ավտոմատացված լուծումներ տնային ծառայությունների ոլորտում։

[divider style=”double” top=”20″ bottom=”20″]

Մեր հարցին՝ մի քանի բառով ինչպես կնկարագրեք ServiceTitan հայկական թիմը և աշխատանքային առօրյան, Անուշը, ով զբաղեցնում է Office Manager-ի պաշտոնը, պատասխանեց՝

– ServiceTitan-ի հայկական թիմում հավաքվել են ամենավառ անհատականությունները, լավագույն մասնագետները։ Մեզ մոտ առօրյան շատ ուրախ է, հետաքրքիր և մեր թիմը շարունակում է համալրվել։

[divider style=”double” top=”20″ bottom=”20″]

ԱՇԽԱՏԱԿԻՑՆԵՐԻՆ ՏՐԱՄԱԴՐՎՈՂ ԲԵՆԵՖԻԹՆԵՐԸ

Փորձի փոխանակում բարձրակարգ մասնագետների հետ, գործուղումներ ԱՄՆ գլխամաս,

Մասնագիտական աճի հնարավորություն,

Ծառայությունների ոլորտում մասնագիտացված՝ աշխարհի լավագույն բիզնեսների վարչական ու գործադիր թիմերի հետ աշխատելու հնարավորություն,

Այլ աշխատակիցների և հաճախորդների համար մեծ դեր ունենալու հնարավորություն,

Ճկուն արձակուրդային գրաֆիկ,

Ամեն օր անվճար լանչ, snacks and munchies,

Համապարփակ բուժական ծրագիր, առողջապահական ծրագիր,

Մարզասրահ,

Թիմային զբաղմունքներ և այլն:

ServiceTitan-ի ծրագրավորողներն ունեն հնարավորություն ձեռք բերելու Լոս Անջելեսում ամենաարագ զարգացող startup-երից մեկի բաժնետոմսերը  և դառնալ բաժնետերեր։

[divider style=”solid” top=”20″ bottom=”20″]

Ամփոփենք 🙂 

Անչափ ողջունելի է ամերիկյան ստարթափի գործունեությունը Հայաստնում և վստահորեն կարող ենք ասել, որ ստարթափի ոչ միայն գլոբալ, այլ նաև հայաստանյան հաջողությունների մասին մենք դեռ շատ կլսենք։ Թիմում ընդգրված են թոփ մասնագետներ, ու շարունակում են ընդլայնվել՝ մասնագիտական աճին ուղղված ծրագրեր մշակելով։ Մաղթում ենք հաջողություն ServiceTitan-ին իր գործունեությունում, իսկ staff.am-ը շարունակում է խթանել Հայաստանում միջազգային ընկերությունների ներկայացուցչական գրասենյակների բացմանը և զարգացմանը՝ տրամադրելով մարդային ռեսուրսների հավաքագրման արդյունավետ գործիքներ։

Դե ինչ, մենք շարունակելու ենք ակտիվորեն հետևել ServiceTitan-ի զարգացումներին ձեզ հետ կրկին կիսվելու համար։