Ապրիլի 2-ին մեր գործընկեր ServiceTitan-ը, որը հայ հիմնադիրներ ունեցող առաջին միաեղջյուր (Unicorn) տեխնոլոգիական ընկերությունն է, հայտարարեց Convex ընկերությունը գնելու համաձայնագիր ստորագրելու մասին։
Տարիներ շարունակ ServiceTitan-ը և Convex-ը իրարից անկախ ստեղծել են ծրագրային լուծումներ կոմերցիոն ծառայություններ մատուցող ընկերությունների և կապալառուների համար։
Այս երկու ընկերություններն այսուհետ միավորեցին իրենց ուժերն՝ է՛լ ավելի բարելավելու իրենց հաճախորդների աշխատանքային ամենօրյա գործունեությունը և եկամտաբերությունը։
Convex-ի գործունեությունն ու առաքելությունը
Convex-ը վաճառքի և առաջխաղացման առաջատար հարթակ է, որն ստեղծված է հատուկ կոմերցիոն բիզնեսներին սպասարկող կապալառուների համար: 2017-ին հիմնադրված ընկերությունն արդիականացնում է այս ոլորտը տվյալների վրա հիմնված լուծումներով, որոնք մեծացնում են կապալառուների եկամուտը՝ բարելավելով նրանց ռազմավարություններն ու դրանց իրագործումը:
ServiceTitan-ի գործունեությունն ու առաքելությունը
Ընկերության հայաստանյան գրասենյակը բացվել է 2018-ի դեկտեմբերին՝ սկզբում ունենալով ընդամենը հինգ աշխատակից։ Այսօր Հայաստանի գրասենյակում աշխատում է ավելի քան 400, իսկ ամբողջ աշխարհում ընկերության աշխատակիցների թիվն անցնում է 2800-ը։ Ընկերության առաջարկած ծրագրային ապահովումից օգտվում է ավելի քան 100 000 կապալառու ԱՄՆ-ում և Կանադայում։ Այս բոլոր թվերը շարունակաբար աճում են։
Վահե Կուզոյանի և Արա Մահդեսյանի` 2012-ին հիմնադրած ServiceTitan-ը հեղինակավոր Forbes պարբերականի կազմած՝ ամպային տեխնոլոգիաների ոլորտի 100 լավագույն մասնավոր ընկերությունների ցանկում 5-րդն է։
Ինչպես ընգծում է ServiceTitan-ի գործադիր տնօրեն և համահիմնադիր Արա Մահդեսյանը, ընկերության առաքելությունն է ստեղծել տեխնոլոգիական այնպիսի լուծումներ, որոնք զգալիորեն կբարելավեն յուրաքանչյուր կապալառուի կյանքը։ Այս պահին, ըստ Արա Մահդեսյանի, ընկերությունը հատկապես կենտրոնացած է կոմերցիոն բիզնեսներին սպասարկող ընկերությունների համար բարձր եկամուտ ապահովող, նպատակային աշխատող ծրագրի մատուցման վրա։
Վերջում ամփոփենք ServiceTitan-ի գործադիր տնօրեն և համահիմնադիր Արա Մահդեսյանի խոսքերով՝ Convex ընկերությունը գնելու կապակցությամբ։
Այս շուկայում աշխատող ընկերությունները արժանի են այնպիսի հարթակի, որն աշխատում է նույնքան ջանասիրաբար, որքան նրանք՝ հարթակ, որը կարող է օգնել նրանց գործել և ապահովել շահութաբեր աճ գալիք տասնամյակների ընթացքում:
Անչափ ուրախ եմ ողջունել Convex-ին ServiceTitan ընտանիքում։ Մենք միավորում ենք ուժերը՝ միասին շարունակելու այս առաքելությունն իրականություն դարձնելու ճանապարհը,-ServiceTitan-ի գործադիր տնօրեն և համահիմնադիր Արա Մահդեսյան։
