#WOWHR_KZ խոշորագույն միջազգային կոնֆերանսը և WOW!HR Kazakhstan բիզնես մրցանակաբաշխությունն առաջին անգամ կայացավ Ղազախստանում՝ Ալմաթի քաղաքում նոյեմբերի 5-ին, որին հրավիրված էր մասնակցելու նաև staff.am համահիմնադիր Վահե Ավետիսյանը։
WOW!HR միջազգային կոնֆերանսը և բիզնես մրցանակաբաշխությունն անցկացվում է Ռուսաստանում՝ սկսած 2016 թվականից՝ նպատակ ունենալով ընկերություններին տրամադրել հաղորդակցության, HR, կազմակերպության բիզնես գործընթացների և կորպորատիվ մշակույթի վերաբերյալ ամենահետաքրքիր լուծումները։
Միջոցառումը շատ մեծ արձագանք ստացավ Ղազախստանում, քանի որ մասնակցում էին առաջատար ընկերությունների HR մասնագետներ ոչ միայն Ալմաթիից, այլ նաև Ղազախստանի այլ քաղաքներից և Ռուսաստանից։
WOW!HR Kazakhstan բիզնես մրցանակաբաշխության և #WOWHR_KZ կոնֆերանսի գլխավոր կազմակերպիչ՝ HR-tv.ru տեղեկատվական-խորհրդատվական հարթակի ղեկավար Գոհար Անանյանը նշեց, որ միջոցառումն անցավ բարձր մակարդակով՝ նոր գիտելիքներ, գաղափարներ, որոնք կարող են օպտիմալացնել բիզնես գործընթացները և, իհարկե, նոր գործնական կապեր։
Ավանդույթի համաձայն սպասվում էր WOW!HR Kazakhstan մրցանակաբաշխությունը, որի ընթացքում նախատեսված էին հատուկ անվանակարգեր և մրցանակներ։
WOW անվանակարգերն այս անգամ չորսն էին՝
Digital Solutions անվանակարգը, որին մասնակցում են բիզնեսի զարգացմանը խթանող Digital-նախագծեր կամ IT-գործիքներ, շնորհվեց «Air Astana» ընկերությանը HR գործընթացների ավտոմատացման համար։
Save անվանակարգը, որի թեման աշխատակիցների կյանքն ու առողջությունն է, իսկ մասնակիցները well-being նախագծեր են, շնորհվեց ապահովագրական Amanat ընկերությանը «Сотрудник, ура» նախագծի համար։
Verny Сapital ընկերությունը ճանաչվեց լավագույնը HR Hero անվանակարգում։
Level Up անվանակարգը, որին մասնակցում են ընկերության աշխատակիցների զարգացմանն ու մոտիվացիային ուղղված նախագծեր, շնորհվեց «Kazaktelecom»-ին «Տաղանդների կառավարման» նախագծի համար։
Կոնֆերանսին մասնակցում էին նաև Beeline, Mary Kay, BI Group և մի շարք նմանատիպ խոշորագույն ընկերություններ։
«Շատ ուրախ էի իմ մասնակցությունն ունենալ #WOWHR_KZ խոշորամասշտաբ կոնֆերանսին և անմիջապես ծանոթանալ ղազախական աշխատաշուկայում HR մասնագետների կողմից առաջ քաշվող հիմնահարցերին, որոնք առաջիկայում կարող են լուծվել Ղազախստանում մեր նոր պրոդուկտի՝ արհեստական բանականությամբ աշխատող HireBee.kz կարիերայի հարթակի միջոցով», – նշեց staff.am համահիմնադիր Վահե Ավետիսյանը՝ այժմ բիզնես այցով գտնվելով Ղազախստանում։
Ինչպես ավելի վաղ նշել էինք, IMG վենչուրային միջոցառման ժամանակ ճանաչվելով 6 հաղթող ստարտափներից մեկը` staff.am-ն արդեն գործնական քայլեր է ձեռնարկում ոչ միայն թիմի ընդլայնման, արհեստական բանականությամբ աշխատող նոր գործիքակազմի մշակման, այլ նաև staff.am-ի աշխարհագրության ընդլայնման և Ղազախստանում HireBee.kz կարիերայի հարթակի ներկայացման ուղղությամբ։
