Staff.am էկոհամակարգը հաջողությամբ հյուրընկալեց իր առաջին դինամիկ HR Meetup-ը Align Technology-ի երևանյան գրասենյակում՝ համախմբելով բազմազգ և ռելոկացված առաջատար ընկերությունների HR մասնագետներին ու ղեկավարներին։ Հանդիպումը հրաշալի հնարավորություն էր բաց քննարկումներ վարելու և փորձի փոխանակման համար՝ անդրադառնալով Հայաստանում բազմազգ թիմերի կառավարման մարտահրավերներին ու հնարավորություններին։
Հանդիպումը սկսվեց staff.am-ի համահիմնադիր և CEO դոկտոր Լուիզա Ավետիսյանի ողջույնի ջերմ խոսքով։ Նա ներկայացրեց staff.am էկոհամակարգը և HR համայնքում համագործակցությունը խթանելու ընկերության առաքելությունը։
Լուիզա Ավետիսյանը հրավիրեց մասնակիցներին՝ ներկայանալու և կիսվելու իրենց դերերով․ մեկնարկեց երեկոյի անկաշկանդ և համագործակցային մթնոլորտը։
Այնուհետև, Align Technology-ի HR բաժնի ղեկավար Նատալիա Սուվորովան հանդես եկավ հետաքրքիր ելույթով՝ խոսելով տարբեր ազգերի, այդ թվում՝ հայերի, աշխատանքային ոճերի մշակութային առանձնահատկությունների մասին։
Հանդիպման գլխավոր կետերը
Մշակութային պատկերացումներ և գործիքներ
Նատալիա Սուվորովան կիսվեց GlobeSmart գործիքի կիրառման միջոցով ստացված ինֆորմացիայով, որն օգնում է կազմակերպություններին հասկանալ բազմազգ թիմերի մշակութային դինամիկան։ Նա նաև կիսվեց Align Technology-ի ամբողջ թիմը Հայաստան տեղափոխելու փորձով՝ տրամադրելով գործնական ռազմավարություններ և խորհուրդներ։
Տեղափոխման պատմություններ
Ռելոկացված մյուս ընկերությունների ներկայացուցիչները ևս կիսվեցին իրենց թիմերը և գործառնությունը Հայաստան տեղափոխելու փորձառությամբ։ Նրանք ընդգծեցին այն մարտահրավերները, որոնց բախվել էին, և ներկայացրին այն կրեատիվ լուծումները, որոնց շնորհիվ հաջողությամբ ինտեգրվեցին տեղական բիզնես միջավայրին։
Գլոբալ թիմերի դինամիկա
Բազմազգ թիմեր ունեցող ընկերությունները, ինչպիսիք են Synopsys Armenia-ն, Picsart-ը և SADA-ն, համեմատական դիտարկումներ ներկայացրին գլոբալ և հայաստանյան թիմերի կառավարման մասին։ Նրանք նշեցին Հայաստանում թիմեր կառուցելու առանձնահատուկ ուժեղ կողմերը և մշակութային հարուստ հնարավորությունները։
Այս հանդիպումները կարևոր են HR ղեկավարների միջև գաղափարների, կարծիքների և լավագույն փորձի բաց փոխանակման համար։ Համագործակցության հարթակ ստեղծելով՝ staff.am-ը խրախուսում է HR մասնագետներին`միասին ընդհանուր մարտահրավերները լուծելու և նորարարելու գործում, ինչն անշուշտ նպաստում է Հայաստանում HR համայնքի ամրապնդմանը
Դոկտոր Լուիզա Ավետիսյան
Նեթվորքինգ և հյուրասիրություն
Ինտերակտիվ քննարկումներին հաջորդեց հանգիստ և հաճելի նեթվորքինգը։ Իսկ երեկոն անմոռանալի դարձրին Moossah գինիները՝ հայտնի իրենց բացառիկ որակով, և Align Technology-ի համեղ հյուրասիրությունը, ինչը կատարյալ միջավայր ստեղծեց զբաղված օրվանից հետո մի լավ լիցքաթափվելու և նոր կապեր ստեղծելու համար։
Ամփոփենք
Ունենալով ավելի քան 5000 ընկերությունից բաղկացած համայնք Հայաստանում և արտերկրում՝ staff.am-ը շարունակում է HR մասնագետների միավորումը՝ գիտելիքներ փոխանակելու և ոլորտի խնդիրները լուծելու նպատակով։ Այս ոչ ֆորմալ հանդիպումների նպատակը բովանդակալից քննարկումների ծավալումն է իրական կյանքի խնդիրների շուրջ, որոնց այսօր բախվում են HR թիմերը:
Առաջին Meetup-ի հաջողությունից հետո staff.am-ի թիմը նախատեսում է կանոնավոր կերպով շարունակել նմանատիպ հանդիպումները, որոնցից յուրաքանչյուրն ունենալու է թեմատիկ ուղղվածություն՝ իրեն հատուկ մարտահրավերներով և հնարավորություններով։ Մենք անհամբերությամբ սպասում ենք տեսնելու, թե ինչպես են այս քննարկումները ձևավորում HR ոլորտի ապագան Հայաստանում և դրա սահմաններից դուրս։
Մի քանի լուսանկար որոնք կփոխանցեն օրվա տրամադրությունը
