Տեղեկատվական և հաղորդակցման տեխնոլոգիաների (ՏՀՏ) ոլորտը Հայաստանում շարունակում է մնալ տնտեսության առավել դինամիկ զարգացող ճյուղերից մեկը՝ ապահովելով զգալի ներդրում երկրի տնտեսական աճի, միջազգային մրցունակության բարձրացման և նորարարական էկոհամակարգի ձևավորման գործում։ Այս համատեքստում staff.am-ը՝ որպես Հայաստանի աշխատաշուկայի առաջատար հարթակ, մշտապես ձգտում է հանդես գալ ոչ միայն որպես գործատուների և աշխատանք փնտրողների կապող օղակ, այլև նպաստել ՏՀՏ ոլորտի համակարգային զարգացմանը։
2025 թվականի ապրիլի 18-ին staff.am-ի թիմը մասնակցեց ՏՀՏ Գործատուների Միության նոր անդամների ընդունելության միջոցառմանը։ Միջոցառման հիմնական նպատակն էր խթանել ոլորտի առաջատար ընկերությունների միջև գործարար կապերի ամրապնդումը, փորձի փոխանակումը և ռազմավարական համագործակցության խորացումը։ Այն նաև հարթակ հանդիսացավ Հայաստանի տեխնոլոգիական էկոհամակարգի ընդլայնման հեռանկարների և տարբեր ոլորտներում նորարարությունների ներդրման ուղիների քննարկման համար։
ՏՀՏ Գործատուների Միության մասին
ՏՀՏ Գործատուների Միությունը (SՀՏԳՄ) Հայաստանի տեխնոլոգիական ոլորտի առաջատար ընկերությունների միավորում է, որի շարքերում են այնպիսի կազմակերպություններ, ինչպիսիք են Յունիքոմփը, Վիվա-ՄՏՍ-ը, Սինոփսիս Արմենիան, Ինտելլկորսը և շատ այլ նշանավոր ընկերություններ: Միության առանձնահատկությունն այն է, որ այն միավորում է ոչ միայն ՏՀՏ ընկերություններին, այլև ոլորտի կրթական հաստատություններին՝ նպաստելով կրթության և արտադրության միջև անմիջական կապերի ստեղծմանն ու ամրապնդմանը։
Միության գործունեությունը հիմնվում է մի շարք ռազմավարական նպատակների վրա, որոնց թվում են.
- Միության անդամների շահերի պաշտպանություն
- Աջակցություն ՏՀՏ և հարակից ոլորտների պահանջներին համապատասխանող կադրերի վերապատրաստմանը
- Օժանդակություն գիտության և արտադրության մերձեցման և սերտաճման հետ կապված ծրագրերին
- Միջազգային ասպարեզում Հայաստանի ճանաչելիության բարձրացում
- Ոլորտում տեղական և արտասահմանյան ներդրումների աճին նպաստող ծրագրերի իրականացում
- Բիզնես և իրավաբանական խորհրդատվություն
Վերջին տարիներին ՏՀՏ Գործատուների Միության դերը ավելի է ամրապնդվել՝ պայմանավորված Հայաստանում տեխնոլոգիական ոլորտի արագ զարգացմամբ և միջազգային մրցունակության բարձրացման անհրաժեշտությամբ։
Staff.am էկոհամակարգը՝ աշխատաշուկայի զարգացման շարժիչ ուժ
Միջոցառման շրջանակում ՏՀՏ Գործատուների Միության 8 նոր անդամները ներկայացրին իրենց կազմակերպությունների գործունեությունը, արժեքները և ընթացիկ ծրագրերը։
staff.am-ի թիմն իր հերթին ներկայացրեց staff.am էկոհամակարգը՝ այս տարվա նորարարական նախագծերն ու առաջիկա միջոցառումները։
staff.am էկոհամակարգն ունի չորս ռազմավարական ուղղություն, որոնք ներառում են մի շարք ինտեգրված գործիքներ և ծառայություններ՝ ուղղված են աշխատաշուկայի բոլոր մասնակիցների կարիքների բավարարմանը:
staff.am` աշխատանք և աշխատակից փնտրելու հարթակն է։ 2025 թվականին staff.am-ը հարստացրեց իր գործիքակազմը՝ ներդնելով նորարարական AI Score և Actively Searching գործիքները։ Բացի այդ, գործարկվեց staff.am/repat անվճար հարթակը, որը նախատեսված է հայրենադարձների համար՝ հեշտացնելով նրանց ինտեգրումը հայաստանյան աշխատաշուկայում։
Compass by staff.am-ը staff.am-ի վերլուծական ուղղությունն է, որը հնարավորություն է տալիս ընկերություններին մոնիտորինգի ենթարկել աշխատաշուկայի միտումները, միջին աշխատավարձերը և ոլորտային զարգացումները՝ նպաստելով առավել տեղեկացված բիզնես որոշումների կայացմանը։
Career Factory by staff.am-ը staff.am էկոհամակարգի կրթական ուղղությունն է, որի շրջանակներում տարվա ընթացքում իրականացրել և նախատեսում ենք իրականացնել մի շարք ուսոցողական միջոցառումներ՝ IDEx առաջնորդության նորարարական փորձառությունից մինչև ամենատարբեր մասնագիտական կոնֆերանսներ։
staffmedia.am-ը staff.am էկոհամակարգի մեդիա ուղղությունն է, որի շրջանակներում իրականացվում է գործատուի բրենդավորման մի շարք նախագծեր։ Հարթակը ոչ միայն պատմում է մարդկանց և բիզնեսի մասին, այլև ներկայացնում էր այն կարևոր թեմաները, որոնք առավել հետաքրքրում են աշխատաշուկայի տարբեր օղակներին։
Միջոցառմանը ներկա կազմակերպությունների գործունեության ոլորտները թեև շատ բազմազան էին սակայն նրանց բոլորին միավորում էր ընդհանուր նպատակը՝ նպաստել Հայաստանի ՏՀՏ ոլորտի զարգացմանը և մրցունակության բարձրացմանը միջազգային ասպարեզում:
Հանդիպման ընթացքում ձեռք բերված նոր կապերն ու գաղափարները կարևոր նշանակություն ունեն ոչ միայն staff.am-ի, այլև ողջ տեխնոլոգիական համայնքի զարգացման համար։
Հուսով ենք, որ նմանատիպ նախաձեռնությունները շարունակաբար կխթանեն համագործակցությունների խորացմանը, նորարարությունների ներդրմանը, աշխատաշուկայի և կրթական համակարգի շարունակական բարելավմանը:
