Վերջին ամիսը բավականին թեժ էր Career Factory-ի թիմի համար։ staff.am-ի կողմից ստեղծված կրթական նախագիծն արդեն հասցրել է գրավել ավելի քան 1000 գրանցում առաջին՝ «4C» կարիերայի զարգացման լիարժեք դասընթացին, իսկ ավելի քան 250 անձ արդեն ավարտել է դասընթացը և ստացել իրենց վկայականները։
StaffMedia-ի այս հոդվածում, ամփոփել ենք Career Factory թիմի կողմից ՀՀ ԲՈՒՀ-երի կարիերայի կենտրոններ այցելությունները։
Հայաստանի ազգային ագրարային համալսարան (ՀԱԱՀ)
Հայաստանի ազգային ագրարային համալսարանի կարիերայի կենտրոն այցելեցինք համալսարանի նախաձեռնությամբ։
Բավականին մեծ լսարան էր հավաքվել՝ ավելի քան 80 ուսանող մեծ հետաքրքրությամբ լսեցին Career Factory նախագծի պատասխանատու Հասմիկ Հովսեփյանի կողմից ներկայացված սեմինարը, տեղեկացան գրագետ CV կազմելու կանոններին, ծանոթացան թե ինչպես է պետք նախապատրաստվել աշխատանքային հարցազրույցին և այլն։
Իր ելույթի ժամանակ Հասմիկը կիսվեց նաև ՀՀ աշխատաշուկայի ակտիվության որոշ ցուցանիշներով, մասնավորապես՝ արտադրության ոլորտի ամենաակտիվ գործատուների ցանկով և իրենց կողմից ամենապահանջված հաստիքներով։
ՀԱԱՀ-ի անդրադարձին կարող եք ծանոթանալ այստեղ։
Շնորհակալ ենք ՀԱԱՀ-ի կարիերայի զարգացման և շարունակական կրթության բաժնի առաջատար մասնագետ Մանե Շուշանյանին։
Հայաստանում ամերիկյան Համալսարան (ՀԱՀ)
Ամերիկյան hամալսարանի կարիերայի կենտրոնի հետ staff.am-ի համագործակցությունն ունի տարիների պատմություն, ինչի համար անչափ հպարտ ենք։
Մեր առաջարկով, Career Factory-ի մասին խոսեցինք նաև Ամերիկյան Համալսարանի ուսանողների հետ։ Չնայած որ լսարանն այդքան մեծաթիվ չէր, ինչպես ՀԱԱՀ-ում, բայց ներկաներն ունեին բազմաթիվ հարցեր, որոնց պատասխանեցին Career Factory նախագծի պատասխանատու Հասմիկ Հովսեփյանն ու staff.am համահիմնադիր Լուիզա Ավետիսյանը։
ՀԱՀ-ի անդրադարձին կարող եք ծանոթանալ այստեղ։
Անչափ շնորհակալ ենք ՀԱՀ ուսանողների կարիերայի զարգացման պատասխանատու Ստելլա Կոստանյանին հանդիպումը կազմակերպելու համար։
Եվրոպական Համալսարան (ԵՀ)
Եվրոպական Համալսարանի ուսանողների հետ հանդիպեցինք մեր նախաձեռնությամբ։ Մեր թիմն առաջին անգամն էր հյուրընկալվում ԵՀ-ում և բավականին տպավորված էինք ուսանողների ակտիվությամբ։ Ինչպես և նախորդ համալսարաններում, այստեղ նույնպես ներկայացվեցին կարիերայի զարգացման արդի թեմաները, խոսվեց շարունակական կրթության կարևորության, ինչպես նաև աշխատաշուկայում այս պահին առկա զարգացումների մասին։
Անչափ շնորհակալ ենք ԵՀ կարիերայի զարգացման բաժնի ղեկավար Վահան Անանյանին ուսանողների հետ հանդիպումը կազմակերպելու համար։
Մեր նպատակն է մինչև 2023թ.-ի ավարտն այցելել ՀՀ բոլոր ԲՈՒՀ-եր, այդ թվում նաև կատարել այցելություններ մարզեր։ Այս պահին ակտիվ կապի մեջ ենք տարբեր համալսարանների հետ, և հնարավոր է շուտվ այցելենք հենց քո համալսարան, և որպեսզի բաց չթողնես այդ հանդիպումը, հետևիր Career Factory-ի էջին Facebook-ում, միացիր մեր մասնագիտական խմբին Linkedinում, կամ ուղղակի հետևիր staff.amին ցանկացած սոցիալական հարթակում, որպեսզի բաց չթողնես մեր հանդիպումը։
Իսկ եթե դեռ լավ ծանոթ չես Career Factory-ի նախագծին և մեր առաջին ու անվճար «4C» դասընթացին, հիմա լավագույն ժամանակն է դա անելու համար։
