Վերջերս staff.am-ը թողարկեց «Compass» ծառայությունը, որն իր տեսակով հեղափոխական է Հայաստանում։ Հենց այս առիթով էլ հուլիսի 21-ին staff.am գործընկեր կազմակերպությունների HR ղեկավարների և մասնագետների հետ հանդիպեցինք՝ բացահայտելու Compass ծառայության հնարավորությունների լայն շրջանակը, որն այսուհետ կօգնի մեր գործընկերներին վերափոխել իրենց HR և բիզնես գործընթացները՝ դարձնելով ավելի տվյալահեն։
Հանդիպման ընթացքում staff.am համահիմնադիր Լուիզա Ավետիսյանը ներկայացրեց Compass by staff.am ծառայությունը, Compass զեկույցի բաժինները` «Market Pulse»-ը, «Industry Snapshot»-ը և «Pay Sense»-ը, «գործատուի բրենդի աուդիտ» և «աշխատավարձերի հարցում» ծառայությունները, ինչպես նաև Salary Match նոր անվճար գործիքը։
Թվարկված ծառայություններից յուրաքանչյուրը մշակված է այնպես, որ հնարավորություն տա գործատուներին կայացնելու որոշումներ ճշգրիտ և թարմ տվյալների հիման վրա՝ բացառելով անորոշությունը։
Քննարկումը շատ իվտերակտիվ էր՝ հնչեցին հետաքրքիր հարցեր և առաջարկներ Compass-ն էլ ավելի կատարելագործելու ուղղությամբ, ինչի համար շնորհակալ ենք մեր HR համայնքին։ Տվյալների հիման վրա կառուցված հավաքագրման և աշխատակիցների պահպանման գործընթացների նկատմամբ ցուցաբերված մեծ հետաքրքրությունը շատ ոգևորիչ է և կնպաստի, որ թե’ գործատուները, թե’ թեկնածուները խնայեն իրենց ժամանակն ու ավելի արդյունավետ անցնեն հավաքագրման ուղին։
Compass-ը staff.am-ի անալիտիկ ուղղությունն է, որը թողարկվել է 2023 թվականին։ Այն հնարավորություն կտա HR մասնագետներին և բիզնեսի սեփականատերերին մշտապես տեղեկացված լինել ՀՀ աշխատաշուկայի և աշխատավարձերի վերաբերյալ կարևոր տվյալների վերաբերյալ։ Ծառայության վերաբերյալ բոլոր մանրամասներին կարող եք ծանոթանալ ստորև կոճակով կամ կապ հաստատելով staff.am թիմի հետ՝ hello@staff.am։
