ՀՀ Էկոնոմիկայի նախարարության թափուր աշխատատեղերն այսուհետ ավելի մատչելի և հրապարակային կլինեն։ Այս առիթով կնքվեց համագործակցության հուշագիր staff.am և ՀՀ Էկոնոմիկայի նախարարության միջև՝ վստահ լինելով, որ համագործակցությունն անհրաժեշտ հիմքեր կստեղծի Նախարարությունում աշխատանքի ընդունման համար մասնագետների լայն շրջանակ ընդգրկելու, ինչպես նաև կնպաստի պետական մարմիններում աշխատանքի ընդունման գործընթացի բարելավմանը։
Այսուհետ ՀՀ Էկոնոմիկայի նախարարության և վերջինիս ենթակա մարմինների քաղաքացիական ծառայության պաշտոնների մրցույթների և թափուր աշխատատեղերի վերաբերյալ հայտարարություններին կարող եք ծանոթանալ staff.am հարթակում, սոց․ ցանցերում և մոբայլ հավելվածների միջոցով։
Նշենք, որ staff.am-ը արժևորում է պետական մարմիններին աջակցությունը և համագործակցությունն իրականացվում է գործընկերային սկզբունքով՝ անվճար հիմունքներով։ Արդեն մեկնարկել է համագործակցությունը մի շարք նախարարությունների՝ ՀՀ կրթության, գիտության, մշակույթի և սպորտի նախարարության, ՀՀ աշխատանքի և սոցիալական հարցերի նախարարության միջև։ Նախատեսվում են նաև պետական այլ մարմինների հետ համագործակցություն։
