Գինեգործության դարավոր ավանդույթներ, ավանդական պարեր ու ազգային հնչյուններ՝ staff.am Summer Gala 2025-ն արդեն իրականություն է։
Հունիսի 24-ը մեր սիրելի HR համայնքի համար վերածվել էր իրական մշակութային տոնի։ Երեկոն մեկնարկեց Armenia Wine-ի բացօթյա տարածքում՝ հայկական նրբահամ գինու հյուրասիրությամբ։ Գինին՝ որպես միջոցառման խորհրդանիշ, հյուրերին դիմավորեց իր համերի ու բույրերի բազմազանությամբ, իսկ գինեգործարանի մթնոլորտը՝ հայկական շնչով ու աչք շոյող տեսարաններով։
Ջերմ հյուրընկալությունից հետո մասնակիցներն ուղևորվեցին Հայաստանի Գինու պատմության թանգարան՝ բացահայտելու հազարամյակների խորքից եկող գինեգործության պատմությունը։ Այցելուներն այնտեղ ծանոթացան ոչ միայն փաստերին ու մեկնաբանություններին, այլև բացահայտեցին գինու ու մշակույթի կապը ինտերակտիվ և նորարարական ձևաչափով։ Թանգարանի 8 մետր խորությամբ ստորգետնյա բազալտե սրահում ներկայացված էր գինու ժամանակագրական զարգացումը և դրա պատմամշակութային նշանակությունը։
ֆրանսիական տակառներում հնեցվող հայկական կոնյակին յուրահատուկ բույր ու համ էին փոխանցում Արամ Խաչատրյանի հոգեթով հնչյունները։ Թանգարանի պատերից հոսող պատմությունը ներդաշնակ միաձուլվում էր գինու բույրին՝ հաղորդելով անսպառ հայկականություն։
Թանգարանային շրջայցից հետո, երեկոյի շարունակությունն առավել ստեղծագործական էր։ Հյուրերը տեղափոխվեցին ավելի յուրահատուկ մի փորձառության՝ գինով նկարչության, որտեղ գինու պիտակները վերածվել էին յուրօրինակ կտավների, որոնց մասնակիցները փոխանցեցին իրենց հույզերը՝ արդյունքում ստանալով յուրօրինակ արվեստի-գործ-գինիներ։ Յուրաքանչյուր աշխատանք դարձավ սեփական ձեռքով ստեղծված յուրօրինակ հուշ staff.am Summer gala 2025-ից։
Այս հետաքրքիր փորձառություններին հաջորդեց միջոցառման պաշտոնական մեկնարկը staff.am-ի համահիմնադիր և տնօրեն Լուիզա Ավետիսյանի ողջույնի ջերմ խոսքով։ Քանի որ միջոցառումը ինքին պաշտոնական ֆորմատներից դուրս էր, ողջույնի խոսքն էլ համապատասխանաբար ավելի ջերմ ու սրտառուչ էր։
Սրտանց ուրախ եմ բոլորիդ տեսնել այստեղ՝ մեր ամառային գալայի շրջանակում։ Սա հերթական գեղեցիկ նախաձեռնությունն է՝ նվիրված մեր սիրելի HR համայնքին։ Թեպետ այն տարբերվում է ձմեռային ավանդական գալայից, սակայն մի բան անփոփոխ է՝ մշակութային բաղադրիչի կարևորությունը։
Մասնակիցներին ողջունելուց ու հայկական գինեգործության հարուստ ժառանգության և դրանում Արմենիա Վայնի մեծ ներդրման մասին խոսելուց հետո, Լուիզան ներկայացրեց staff.am-ի առաջիկա միջոցառումները։ Նա մասնավորապես ներկայացրեց Yandex Hall-ի հետ համատեղ իրականացվելիք մասնագիտական հանդիպումների շարքը՝ մարքեթինգի և պրոդուկտի զարգացման ուղղություններով։ Այս շարքի առանցքում լինելու է անհատական մենթորության՝ one-to-one ձևաչափը։ Միջոցառումների մուտքն ազատ է լինելու, սակայն նախապես գրանցումով։ Լուիզան ընդգծեց նաև պատրաստակամությունը ոլորտի ընկերությունների հետ համագործակցելու և միասին զարգացման նոր ուղիներ ձևավորելու համար։
Ողջույնի խոսքից հետո Լուիզան առանձնահատուկ շնորհակալություն հայտնեց գործընկերներին և խոսքը փոխանցեց տան տերերին՝ Armenia Wine-ի թիմին։ Ընկերության կոմերցիոն տնօրեն Քրիստինե Վարդանյանը ներկայացրեց ընկերության առաքելությունը․
Արմենիա Վայնը ստեղծվել է այն հավատից, որ հայկական գինին՝ մեր հոգու պտուղը, մեր պատումթյան հպարտությունը պետք է իր տեղն ունենա աշխարհում։ Սա մի պատմություն է՝ ինչպես երկու հիմնադիրների հավատը հայի ստեղծարար ուժի հանդեպ, հավատարմությունը ազգային ավանդույթներին ու մշակույթին, սերը հայրենիքի հանդեպ միավորվեցին մի երազանքի շուրջ․ այն է ապահովել հայկական գինեգործության վերածնունդն աշխարհում։ Այս տարիների ընթացքում, մենք քայլ առ քայլ մեր աշխատանքի շնորհիվ իրականացրել ու կյանքի ենք կոչել այդ երազանքը։
Ընկերության ՄՌ զարգացման գծով տնօրեն Մերի Ադամյանը ևս իր խոսքում անդրադարձավ մարդկային ներուժի վճռորոշ դերին ընկերության զարգացման ճանապարհին՝ շնորհակալություն հայտնելով ներկաներին տրամադրած ժամանակի և մասնակցության համար։
Միջոցառմանը նոր նախաձեռնությամբ հանդես եկավ staff.am summer gala 2025-ի գլխավոր գործընկեր RED Invest Group-ը՝ ներկայացնելով իրենց «կորպորատիվ անշարժ գույքի արտոնության» նախագիծը․
2014 թվականից ի վեր լինելով շուկայում՝ մենք միտված ենք բարելավելու մարդկանց կյանքի որակը՝ օգնելով նրանց հասկանալ անշարժ գույքի շուկան, կայացնել ճիշտ որոշումներ և բավարարել պահանջմունքները հանուն ավելի բարեկեցիկ ապագայի։ Այսօր էլ այստեղ ենք ներկայացնելու մեր առաքելությանն ուղղված հավելյալ նոր գործիք՝ կորպորատիվ անշարժ գույքի արտոնություն (corporate real estate benefit), քանզի HR մասնագետների հիմնական առաքելությունը ևս աշխատակիցների կյանքի բարելավումն է։
Ներկաներին ողջունեց նաև բարձր օղակի ղեկավարների որոնմամբ զբաղվող Boyden ընկերության գործընկեր, Հայաստանի և Վրաստանի գրասենյակների ղեկավար Սևադա Բաղդյանը՝ շնորհավորելով հատկապես ՄՌԿ մասնագետներին՝ զարգացող մասնագիտական համայնք ունենալու առիթով։
Իր խոսքում Սևադան առավել մանրամասն ներկայացրեց ընկերության ծառայությունները, որոնք են՝ բարձր օղակի ղեկավարների որոնում, տնօրենների խորհրդի կազմավորում, ինչպես նաև սեփականատերերի և ղեկավարների իրավահաջորդության կազմակերպում։ Վերջինս նշեց նաև, որ վերջերս Boyden-ի հայաստանյան գրասենյակը մեկնարկել է իր նոր տելեգրամյան ալիքը՝ «Նախաճաշ ղեկավարների համար»։ Ալիքն անդրադառնում է բիզնեսի, կառավարման և մասնագիտական տարբեր թեմաներին ու նորություններին, հրապարակում է վիճակագրություններ և հարցազրույցներ։
staff.am համահիմնադիր Վահե Ավետիսյանը ևս ողջուենց ներակներին՝ ուրախություն հայտնելով ևս մեկ անգամ HR համայնքին միավորելու հնարավորության համար։
Այս գեղեցիկ հանդիպումները մեզ միավորում են նույն արժեքների շուրջ՝ համագործակցություն, զարգացում և անկեղծ մարդկային կապեր
Դե ինչ հերթը staff.am Summer Gala 2025-ի ամենահայկական ու ամենամշակութային հատվածինն է։ Հայկական զուռնայի ձայնը տարածվում է տարածքում և հե՜յ․․․ սկսվում է շուրջպարը։
Վարը Վարենկի պարաուսույցների օգնությամբ HR համայնքը միավորվում է ամենահայկական շուրջպարի մեջ։ Կարնո քոչարի, Թամզարա ․․․ դե իսկ Թագպար նվագախմբի կենդանի հնչյուններն առանձնակի հայկականություն ու ոգի էին հաղորդում։
Հայկական երաժշտության և պարի ոգին վայելեուց հետո, ժամանակն էր համտեսելու Արեմինա Վայնի արևահամ գինին, հայկական ուտեստները և իհարկե ակտիվ նեթվորքինգի։ Ներկաները շփվում էին, փոխանակում մտքեր ու լուսանկարվում՝ անմահացնելով այդ գեղեցիկ պահերը։
Այս հրաշալի երեկոն, ավելի գեղեցիկ ավարտ՝ քան վայելել մայրամուտը Արարատի ֆոնին, չէր կարող ունենալ։ Առաջարկում ենք դիտել տեսանյութը լիարժեք պատկերացնելու համար այն գեղեցիկ պահերի տեղատարափը, որը վայելել ենք staff.am Summer gala 2025-ի ընթացքում։
Ամփոփելով staff.am Summer gala 2025-ը շնորհակալություն ենք հայտնում մեր հյուրերին, իրենց ներկայությամբ սովորական ամառային երեկոն իրական տոնի վերածելու համար, մեր բոլոր գործընկերներին համագործակցության և աջակցության համար, և իհարկե staff.am թիմին անսահման նվիրվածության և կազմակերպչական աշխատանքները բարձր մակարդակով իրականացնելու համար։
Կհանդիպենք շատ շուտով նոր ու հետաքրքիր գաղափարներով։
