Աշխատանքի որոնման գործընթացը հանդիսանում է հայրենադարձության ամենաբարդ մարտահրավերներից մեկը: Նպատակ ունենալով հեշտացնել ներկա և ապագա հայրենադարձների ինտեգրումը հայաստանյան աշխատաշուկայում` staff.am-ը համագործակցելով Վերադարձ Հայաստան (Repat Armenia) հիմնադրամի հետ՝ հայտարարում է հատուկ մասնագիտացված աշխատանքային հարթակի թողարկման մասին։ Այս համագործակցությունը նոր էջ է բացում հայրենադարձության գործընթացում։ staff.am x Repat Armenia հարթակի միջոցով մենք ստեղծում ենք հնարավորություն՝ դյուրացնելու այդ գործընթացը:
Նոր հարթակը հանդիսանում է երկու առաջատար կազմակերպությունների փորձի և ռեսուրսների միավորման արդյունք՝ Staff.am-ի՝ Հայաստանի աշխատանքի շուկայում առաջատար դիրքի և Repat Armenia-ի՝ հայրենադարձության ոլորտում փորձառության շնորհիվ:
Հատկանշական է, որ Staff.am-ում արդեն գրանցված բոլոր կազմակերպությունները, որոնք հանդիսանում են Repat Armenia-ի գործընկեր կարող են անվճար տեղադրել աշխատանքային հայտարարություններ հայրենադարձների համար: Նոր գործատուները ևս հնարավորություն ունեն անվճար գրանցվել հարթակում և տեղադրել իրենց աշխատանքային հայտարարությունները՝ ուղղված հայրենադարձ մասնագետներին:
Այս համատեղ նախաձեռնությունը հանդիսանում է երկու կազմակերպությունների առաքելության կարևոր մաս՝ նպաստելով պրոֆեսիոնալ հայրենադարձությանը և Հայաստանի զարգացմանը:
