#ՏարինԱմփոփ staff.am-ի հետ. Նոր նախագծեր, բացառիկ թվեր, գերազանցող տարի

864

Արդեն նոր տարի է ու լավագույն ժամանակն է հետհայացք գցելու ու ամփոփելու նախորդ տարվա ձեռքբերումները, աշխատանքները, որոնք արվել են, մարտահրավերները, որոնք հաղթահարվել են ու խոսել 2023 պլանների մասին։ 

Այժմ ձեզ հետ միասին staff.am «Տարին ամփոփ» նախագծի շրջանակներում կամփոփենք մեր՝ այսինքն, staff.am-ի տարին, իսկ մինչ այդ, առաջին հերթին, մեր թիմի կողմից ցանկանում ենք «շնորհակալություն» հայտնել յուրաքանչյուրիդ՝ մեր օգտատերերին, գործընկեր կազմակերպություններին, առանց որոնց այսպիսի ցուցանիշներով տարվա ամփոփումն անհնար կլիներ։ 

Դե ինչ, պատրա՞ստ եք։ Ահա և կկիսվենք ամենահետաքրքիր փաստերով ու թվերով:


2022թ.-ի հյութեղ վիճակագրություններ

  • 400,000-ից ավելի ամսական այցելություն staff.am հարթակ, 
  • աշխատանքի հայտարարությունների 47% աճ,
  • IOS/Android մոբայլ հավելվածների բեռնումների 27% աճ,
  • Նոր գործընկերների 37% աճ, 
  • 3 նոր կարևոր նախաձեռնություն:

Իսկ ինչպես նշեց staff.am համահիմնադիր Լուիզա Ավետիսյանը HR Gala միջոցառման ժամանակ.

Այս հազարների ետևում քրտնաջան աշխատանք է դրված ու հավատացած ենք, որ գալիք տարիներին այս թվերը կրկնապատկվելու են, եռապատկվելու են ու մեր բոլորի շնորհիվ:

Եվս մեկ առիթ, որը մեզ նախորդ տարի նույնպես մեծ ոգևորություն պատճառեց՝ մեր վեցամյակն էր, 2022թ.-ին մեր HR համայնքի հետ միասին նշեցինք մեր տարեդարձը :)` ամփոփելով այդ վեց տարիների ձեռքբերումներն ու անցած ճանապարհը։

staff.am համահիմնադիր Վահե Ավետիսյանը նույնպես նշեց.

Այս հաջողությունների հիմքում մեր բոլոր գործընկեր կազմակերպությունների վստահությունն է, որն էլ առաջացրել է շատ մեծ պատասխանատվություն մեր կողմից, ու ինչի շնորհիվ էլ այսօր բոլորով միասին նշում ենք մեր վեցամյակը։


«Relocate to Armenia»-ից մինչև «Career Factory»

2022-ը շատ ակտիվ տարի էր մեզ համար, նախաձեռնություններն ու միջոցառումներն իրենց կարևորությամբ չէին զիջում մեկը մյուսին։

Տարեսկզբին թողարկեցինք «Relocate to Armenia» նախագիծը, որի շրջանակում ունեցանք 25 համագործակցող Գործատու ընկերություն և 700 դիմորդ, ովքեր ցանկանում էին աշխատանք գտնել Հայաստանում և տեղափոխվել Հայաստան։ Մեր թիմը նույնպես բացառություն չէր, ծրագրի շրջանակում մենք նույնպես մեր տեխնիկական թիմը համալրեցինք նոր մասնագետով։ 

Իսկ ամենազբաղված ամիսը նոյեմբերն էր. ամբողջ թիմն իր ողջ ներուժով ակտիվորեն աշխատում էր մի քանի ռազմավարական ուղղություններով.

  • Երկու նոր նախագծերի մշակում և իրագործում. 

    «Salary Radar» աշխատավարձերի չափման գործիք, որը կօգնի ցանկացած ժամանակ տրամադրել աշխատավարձերի վերաբերյալ վիճակագրություն գործատուներին և ուղղորդել աշխատանք փնտրողներին։ Նախագծի թողարկումը սպասվում է 2023թ-ին։ 

    «Career Factory» կրթական նախագիծ, որի առաջին կուրսի՝ 4C-ի (Complete Career Certification Course) ամբողջ կոնտենտը մշակվեց ու բոլոր նկարահանումներն իրականացվեցին մինչև 2023-ը, իսկ կուրսը թողարկվեց ընդամենը երկու շաբաթ առաջ՝ միանգամից ունենալով ավելի քան 500 գրանցված ուսանող։ 
  • HR Գալա միջոցառման պատրաստություններ. Դեկտեմբերի 10-ին «Առնո Բաբաջանյան» համերգասրահում կայացավ staff.am HR Գալա միջոցառումը, որը մեկ հարկի տակ հավաքեց 200-ից ավելի HR մասնագետի։ 

Միջազգային լսարանի ու մեդիայի հորիզոնում

Տարին հագեցած էր նաև գլոբալ ակտիվություններով. Ֆրանսիայի Կան և Փարիզ քաղաքներում երկու միջազգային էքսպոներին՝ World AI Cannes Festival-ին և VivaTech 2022-ին, այնուհետև Emerge թոփ թեք տարածաշրջանային կոնֆերանսին մասնակցությունը նոր հորիզոններ ստեղծեցին staff.am թիմի կողմից ստեղծված Hirebee նոր պրոդուկտի աշխարհագրական սահմանների ընդլայնման ու staff.am նոր հաճախորդների ներգրավման համար։

Թե գլոբալ այս միջոցառումների, և թե առհասարակ տարվա ընթացքում կարիերային, աշխատաշուկային, աշխատանքի ապագայի հետ առնչվող թեմաներով մեր թիմը շարունակում էր գտնվել մեդիայի ուշադրության կենտրոնում:

  • Առաջին ալիք. Աշխատաշուկա,
  • Առաջին ալիք. ֆոկուս խումբ,
  • World AI Cannes Festival հարցազրույց,
  • VivaTech 2022, Paris հարցազրույց,
  • CivilNet հարցազրույց. աշխատաշուկա,
  • Ufar աշխատանքի տոնավաճառ և ներկայացում,
  • Itel.am և banks.am հարցազրույց։
  • Փոդքասթեր։

Միավորելով HR և բիզնես համայնքը

HR և բիզնես համայնքին ուղղված staff.am-ի նախաձեռնությունները շարունակում են էլ ավելի ակտիվանալ։ Տարվա ընթացքում ունեցել ենք 5 բիզնես նախաճաշ, որոնց հրավիրված են եղել մասնակցելու տարբեր ոլորտների ընկերությունների HR մասնագետներ ծանոթանալու Hirebee հավաքագրման ավտոմատացման հարթակի հնարավորություններին։

IE University-ի հետ համատեղ կազմակերպել ենք երկու միջոցառում՝ “The future of business decision making”, որին հրավիրված էին մասնակցելու նշանավոր խոսնակներ և IE University պրոֆեսորներ, ինչպես նաև “Intelligence Tools for the Business Professional” բիզնես մաստերկլաս հատուկ հյուր պրոֆեսորի մասնակցությամբ։ 


Staff.am թիմի եռանդուն աշխատանքն ու հետաքրքիր ժամանցները

Staff.am թիմն այս ողջ ընթացքում եռանդուն ու միասնական կերպով աշխատել է այս բոլոր նախագծերի, հարթակի ու մոբայլ հավելվածների շարունակական կատարելագործման ու զարգացման, ինչպես նաև նոր գաղափարների ձևավորման ու մշակման վրա՝ բայց չմոռանալով հանգստի ու թիմային հետաքրքիր ժամանցների մասին։


2023-ի խոստումնալից պլանները

2023-ը մեզ համար շատ խոստումներ ունի, որոնց մեծ էներգիա փոխանցեցին մեր HR համայնքի ու մեր թիմի բոլոր բարեմաղթանքները։ 

Powered by staff.am.