Տարիներ առաջ հաջողված հավաքագրման բանաձևը բավականին պարզ էր. փորձառու HR մասնագետ, մեծաքանակ CV-ներ, երկարատև հարցազրույցներ, մի փոքր ինտուիցիա, և ահա՝ նոր թիմակիցը գտնված է։ Սակայն ժամանակներն արմատապես փոխվել են։
Այսօր բիզնեսներն աննախադեպ արագությամբ են զարգանում, աշխատաշուկան դարձել է խիստ մրցակցային, իսկ հմուտ մասնագետների որոնումը՝ ավելի բարդ քան երբևէ։ Հավաքագրման գործընթացում արագությունն ու ճշգրտությունն այլևս շքեղություն չեն, այլ՝ անհրաժեշտություն։ Խաղի կանոնները վերափոխվել են, և ժամանակակից HR ոլորտում անհրաժեշտ են նոր մոտեցումներ։
Այս հոդվածում կներկայացնենք, թե ինչ մարտահրավերների են բախվում HR մանսագետները և ինչպես կարող են AI գործիքները փոխել հավաքագրման գործընթացը։
Ավանդական հավաքագրման մարտահրավերները ժամանակակից աշխատաշուկայում
Այսօր HR մասնագետները բախվում են մի շարք մարտահրավերների, որոնք պահանջում են նորարարական լուծումներ։ Ահա հիմնական խնդիրները, որոնց առաջ կանգնած է ոլորտը․
Արագ որոշումների անհրաժեշտություն և սահմափակ ժամանակ – Յուրաքանչյուր թափուր հաստիքի համար ժամանակակից կազմակերպությունները հաճախ ստանում են տասնյակ, երբեմն նույնիսկ հարյուրավոր դիմումներ: HR մասնագետը պարտավոր է մանրամասն ուսումնասիրել յուրաքանչյուր ռեզյումե, համեմատել այն աշխատանքի նկարագրության հետ և գնահատել թեկնածուի համապատասխանությունը: Այս գործընթացը կարող է պահանջել օրեր կամ նույնիսկ շաբաթներ՝ կախված դիմումների քանակից և հաստիքի բարդությունից:
Թեև ժամանակը կարևոր է, դա չի նշանակում որակը պետք է զիջի։ Հավասարակշռություն պահպանելը՝ արագ և միաժամանակ ճշգրիտ որոշումներ կայացնելը, դարձել է HR մասնագետների առջև ծառացած հիմնական մարտահրավերներից մեկը։ Այսօր «արագ» հասկացությունը արդեն չի վերաբերում միայն գործընթացի տևողությանը, այլ նաև՝ որակի պահպանմանը։
Կողմնակալություն և սուբյեկտիվություն – Մարդու կողմից ընդունվող որոշումները հաճախ ենթարկվում են ենթագիտակցական կողմնակալության։ Նման կողմնակալությունը կարող է ազդել թեկնածուների ընտրության վրա՝ անկախ նրանից, թե որքան փորձառու է HR մասնագետը։ Այստեղ է, որ ժամանակակից գործիքները սկսում են իրենց դեր խաղալ։ AI-ը և տվյալների վերլուծությունը հնարավորություն են տալիս բացառել կամ նվազեցնել կողմնակալությունը՝ դարձնելով ընտրությունը հիմնված միայն տվյալների վրա։
Որակյալ մասնագետների պակաս և երկարաձգված հավաքագրման գործընթաց – Աշխատակիցների ընտրության և հաստատման փուլերը երբեմն չափազանց երկար են տևում՝ երկու շաբաթից մինչև մեկ ամիս և ավելի։ Սա հանգեցնում է ոչ միայն ռեսուրսների անարդյունավետ օգտագործման, այլև խոստումնալից թեկնածուների կորստի։ Բարձրակարգ մասնագետների համար մրցակցությունը երբեք այսքան սուր չի եղել։ Նրանք հաճախ միաժամանակ ստանում են մի քանի աշխատանքի առաջարկ, և եթե կազմակերպությունը դանդաղում է, ապա կարող է կորցնել արժեքավոր թեկնածուին։
Հիմնավորված որոշումների կայացման դժվարություն և Տվյալների անարդյունավետ կառավարում –
Անընդհատ փոփոխվող աշխատաշուկայում և տեղեկատվության հսկայական հոսքի պայմաններում դժվար է հասկանալ, թե ինչ չափանիշներով գնահատել թեկնածուին և ինչն է առաջնահերթ որոշում կայացնելիս։ Շատ ընկերություններ հավաքագրում են թեկնածուների վերաբերյալ մեծաքանակ տվյալներ , սակայն չունեն արդյունավետ համակարգ դրանք վերլուծելու և կիրառելու համար։ Արդյունքում՝ կարևոր տեղեկատվությունը մնում է անօգտագործելի։
Staff.am AI Score-ը արագ ու օբյեկտիվ հավաքագրման համար
Մշտապես ուսումնասիրելով HR մասնագետների առջև ծառացած մարտահրավերները՝ staff.am-ը մշակել է նորարարական գործիք, որը կոչված է արմատապես վերափոխելու հավաքագրման գործընթացը։
AI Score տեխնոլոգիան ավտոմատ կերպով վերլուծում է թեկնածուների պրոֆիլները և համադրում դրանք հաստիքի պահանջների հետ՝ հաշվի առնելով թեկնածուների փորձառությունը, հմտությունները և կրթությունը։ Համապատասխանության աստիճանն արտահայտվում է տոկոսային հարաբերությամբ և պատկերվում է ակնթարթորեն ընկալելի գունային ցուցիչներով։
Այն ոչ միայն խթանում է հավաքագրման գործընթացի օբյեկտիվությունը, այլև մեծացնում է դրա արդյունավետությունը՝ մի շարք հնարավորություններ տալով HR մասնագետներին․
Ժամանակի զգալի խնայողություն
AI Score-ը թույլ է տալիս HR մասնագետներին զգալիորեն խնայել ժամանակ՝ ավտոմատացնելով թեկնածուների նախնական ընտրության գործընթացը։ Համակարգը վայրկյանների ընթացքում վերլուծում է թեկնածուի ինքնակենսագրականը և համադրում այն աշխատանքի նկարագրության հետ։
Գործնականում սա նշանակում է, որ HR մասնագետները կարող են.
- Ընդամենը րոպեների ընթացքում վերլուծել տասնյակ կամ հարյուրավոր ինքնակենսագրականներ
- Կենտրոնանալ բացառապես առավել համապատասխան թեկնածուների վրա
- Արդյունավետ կերպով ուսումնասիրել մեծաթիվ դիմումներ՝ առանց որակի նվազման
- Ուղղել խնայած ժամանակը հավաքագրման մյուս փուլերի վրա՝ ինչպիսիք են հարցազրույցները կամ աշխատակիցների ադապտացիան
Օբյեկտիվություն առանց կողմնակալության
AI Score գործիքը նվազեցնում է մարդկային սուբյեկտիվությունը հավաքագրման գործընթացից: Այն կենտրոնանում է բացառապես թեկնածուի հմտությունների, փորձի և որակավորումների վրա՝ անտեսելով այնպիսի գործոններ, ինչպիսիք են՝
- Անձնական տվյալները, որոնք կարող են հանգեցնել անգիտակցական կողմնակալության
- CV-ի ձևավորումը կամ ներկայացման ոճը
- Նախկին գործատուների կամ կրթական հաստատությունների հանդեպ նախապաշարմունքները
Այս օբյեկտիվությունը նպաստում է ավելի արդար և թափանցիկ հավաքագրման գործընթացի ապահովմանը բոլոր թեկնածուների համար՝ խթանելով բազմազանությունն ու ներառականությունը աշխատանքային միջավայրում։
Երկարատև հավաքագրման գործընթացի կրճատում
AI Score-ը զգալիորեն կրճատում է հավաքագրման ամբողջ շրջափուլը՝ արագացնելով նախնական ընտրության փուլը։ Սա հնարավորություն է տալիս կազմակերպություններին՝
- Արագ արձագանքել թեկնածուներին՝ բարձրացնելով դիմորդների փորձառության որակը
- Անհապաղ կազմակերպել հարցազրույցներ առավել խոստումնալից թեկնածուների հետ
- Էականորեն կրճատել թափուր հաստիքների համալրման ժամկետները՝ նվազեցնելով արտադրողականության կորուստը
- Նվազեցնել հավանականությունը, որ լավագույն թեկնածուները կընդունեն այլ առաջարկներ
Հավաքագրման գործընթացի արագացումը ոչ միայն բարելավում է կազմակերպության արդյունավետությունը, այլև խնայում է ֆինանսական ռեսուրսներ՝ կրճատելով հավաքագրման հետ կապված ծախսերը։
Հիմնավորված որոշումների կայացում և տվյալահեն մոտեցում
AI Score գործիքը տրամադրում է քանակական տվյալներ, որոնք օգնում են HR մասնագետներին կայացնել հիմնավորված որոշումներ: Համակարգը հաշվարկում է թեկնածուի համապատասխանության տոկոսը՝ հիմնվելով բազմաթիվ գործոնների վրա, և տրամադրում է այս տեղեկատվությունը մատչելի ձևաչափով:
Այս տվյալահեն մոտեցումը թույլ է տալիս HR մասնագետներին.
- Համեմատել թեկնածուներին օբյեկտիվ չափանիշներով
- Ստանդարտացնել հավաքագրման գործընթացը՝ դարձնելով այն ավելի կանխատեսելի և չափելի
- Վերլուծել հավաքագրման արդյունքները և բարելավել հետագա հավաքագրման ռազմավարությունները
Տվյալահեն մոտեցումը նաև թույլ է տալիս կազմակերպություններին մշտադիտարկել իրենց հավաքագրման գործընթացի արդյունավետությունը և կատարել անհրաժեշտ փոփոխություններ՝ հիմնվելով իրական արդյունքների վրա:
Ավանդական հավաքագրման մեթոդները մնում են անցյալում, իսկ խաղի նոր կանոնները պահանջում են նոր գործիքներ և մոտեցումներ: Staff.am-ի AI Score գործիքը ապահովում է այս անցումը՝ առաջարկելով արդյունավետ լուծում, որը համապատասխանում է ժամանակակից աշխատաշուկայի պահանջներին:
Իսկ դուք պատրա՞ստ եք ընդունելու հավաքագրման նոր մոտեցումները և բարելավելու ձեր ռազմավարությունը։ Փորձեք AI Score-ը՝ staff.am-ում, և սկսեք ավելի արագ ու վստահ հավաքագրել լավագույն թեկնածուներին։
